November 18, 2013

இசைப்பிரியா..



இசைப்பிரியா..

கடவுளின் மறுப்பக்கம் 
அது நரகம்
பாதி மிருகமாய்
பாதி மனிதனாய்
தன்னை அடக்கி பிறந்தவனாம்
தன்னைப் போன்றே 
தடம் பதித்தவனாம்
ஆங்காரமாய் ஒரு மிருக வெறி
அன்பின் நிழல் கூட அவனிடம் இல்லை
அது அது அவளை கொல்லும் மனித மிருகம்
மனிதனின் பிறபென்றும்
புத்தனின் கொல்லும் பல் என்றும்
எத்தனை வடிவம்
மானிடம் தொலைத்தபின்
மா ஆத்மாவாக புணச்சிக் கொள்வதால்
மனித வதைகளுக்கு
இறை மீட்பு என்று பெயர் அவர்களின் பவுதிகத்தில்

October 22, 2013

கடந்து போகும் கடவுள்



கடந்து போக முடியாத
கடவுளை
நான்
கடக்க முடியாமல்
தவி(ர்)க்கின்றேன்

ஞான சூனியமாய்
நான் ..........
ஞானத்தை தேடி அலைகின்றேன்
இருளை கவ்வும் ஒளிபோல
என் ஞானமும்
முன்னுக்கு பின்
முரண்படுகிறது
கழுதையை போல

கடவுளை
நான் அறிய முடியாத பொழுது
கடவுள் என்னை
அறிந்தும் அறியாமல்
அகன்று போகிறார்.

என்
சுவடுகள்
எனக்குள்
முடங்கிப் போகின்றன
அது என்ன மறைப் பொருள்
என்னுள் மறைந்து கிடக்கின்றன?

நானே
கடவுளாக
தரிசனம் தருகின்றேன்
எனக்குள்
இரவும் பகலும்
இன்ப துன்பம்
எதிரும் புதிரும்
கோப தாபம்
நல்லவை கெட்டவை
எல்லாம் எனக்குள்
அடங்கிக் கிடக்கிறது
அடக்கப்பட்டிருக்கிறது
அற்புதம் என்னுள்
மிளிர்ந்துகொண்டுதான் இருக்கிறது

கடவுளின்
சூன்யப்பகுதி
நான் தான்..........
கடவுளால் படைக்கப்பெற்றவனும் நான்
கடவுளை படைப்பவனும் நான்

October 8, 2013

கருவறை முகப்பு

உடைகளை களைந்து
உணர்வுகளை துறந்து
நான் சலனமற்று
மவுணமாகும் போது
மனப்பைத்தியம் என்கிறது
இந்த உலகம்

கால நித்தியம் கலந்து நிற்கும்
நிஜமான ஆத்ம ஜோதி போல்
மானுடத்தின் மறுபக்கம்
நிசப்த்தமான இரவுகளாகி
நீண்டுக்கொண்டு போகும்
பிறப்பின் ரகசியம் போல

என் தாயும்
என் தந்தையும்
செய்துக் கொண்ட
உரிமை சாசனம்
என் பிறப்பு

எத்தனை பிறவி
என் பிறப்பு என்பதை விட
நான் மற்றவனா? இல்லை
மற்றவன்தான் நானா என்பதை
அறிய இன்னும் எத்தனை பிறவிகள்?

என் வாழ்வு
எத்தனை சாகப்தம்
எத்தனை பிராப்தம்
அதை உணர முடியாமல்
எத்தனை முகமுடிகள்
என் காலச் சுவடுகளில்................

சொர்க்கதிற்கும் நரகத்திற்கும்
இடைப்பட்ட இந்த பூமி பந்தின்
நித்திய ஜீவனின் பாதச்சுவடுகளை
கருவறை முகப்பில் தடம் பதிப்பது யார்?
கார்காலத்தை கைகளில் ஏந்தியது யார்?

என்
முன்னோர்களின்
மன பிம்பங்கள்
என்
மவுணங்களாக
எப்படி
தொடர்க்கதைகளாகின்றன?

இருண்ட பிரமாக்களாக
நீண்டுக்கொண்டிருக்கும்
மரணபயங்களுக்கும்
எம்
வாழ்வில் சரிப்பாதியாகிவிடுகின்றன

எல்லையற்ற இயற்கையை போல
எண்ணிறைந்த ஆத்மாக்கள் வரவுகளுக்கு
ஏங்குகின்றன இந்த உலகம்?

உறைந்து போகும்
உணர்வுகள் அற்ற
அடுத்த கட்ட வாழ்க்கை
பயணங்களுக்கு

சலனமற்றுக்கிடக்கும் என் ஜீவனின்
மவுணத்தை யார் கடந்து செல்ல போகிறார்?

என் பிரமாண்டமான
ஆன்மா
என் முன்னோர்களின்
ஒரு துளி என்பதை
என் சலனமற்ற
எனது மவுணம்
ஒரு சித்தனை போல
சித்தம் ஒடுங்கி நிற்கிறது
மனப்பைத்தியங்களாக...........

October 3, 2013

உயிர் எழுத்து

கம்பனை போல்
உயிர்புடன் எழுதுகின்றேன்
உயிராய் எழுந்தது
என் வார்தைகள்
இனிப்புடன்
என்னவள் சொன்னால்
இன்னும் கவி தேவியை
காணவில்லை
எங்கே தொலைத்தாய்
தேடு தேடு என்று
தென்றலில்
தொலைந்து போன
என் தேவியை
புயலில் தேடுவது எங்கனம்?
வெள்ளை ரோஜாக்கள்
இங்கு கலைந்திருக்கின்றன
என் கவிதை இதழ்கள்
வார்த்தைகளுக்கு                                                     உரமாய்
உதிர்ந்திருக்கின்றன



October 1, 2013

காமமும் காதலும் - 18 + above


என் நண்பர் , அவர் ஒரு நல்ல மனிதர். பல விஷயங்களில் தெளிந்த பார்வை இருக்கும். எதையும் அலசி ஆராயும் தன்மை அவரிடம் மிகவும் அதிகம். கவிதை நடையில் சில கருத்துக்களை அமர்களமாய் சொல்லுவார்.தமாஷான விசயங்களை பகிர்ந்துக் கொள்வார்.

சில சமயங்களில் காதலைப் பற்றியும் காமத்தை பற்றியும் சில கலந்துரையாடல் எல்லாம் நடைப்பெரும். அசிங்கமான தன்மையில் அல்லாமல்.அழகான முறையில் சில கருத்துக்கள் பகிரப்படும். நல்ல பண்பாளர்கள் சொல்லும் உடல் கூறுகள் சம்மந்தப்பட்ட தகவல்கள் விரசமில்லாம்ல் காமம் மிளிர்ந்து அழகுற எடுத்து சொல்லும் பாங்கு அருமையாக இருக்கும்.

அந்த நண்பர் காய கல்ப பயிற்சியை பற்றி அருமையாக பேசுவர். அவர் சொல்லுவர் காய கல்ப பயிற்சி உடல் நலமும் மன நலத்தையும் மட்டும் பாதுக்கப்பதற்காக அல்லாமல், அது தம்பத்திய வாழ்க்கையை சீராக வைத்திருக்க உதவும் என்பார். இங்கு வேடிக்கை என்னவேன்றால் அவரின் நண்பர்களிடத்தில் உடல் நலத்தைப் பற்றியும், மன வளத்தை பற்றி பேசினால் கேட்பதற்கு ஆள் இல்லை மாறக உடலையும் உள்ளத்தையும் காத்து , என்றும் இளமையாக இருக்கும் ,காய கல்ப பயற்சி பெற்றால் என்றேன்றும் ஆண்மை இழக்காமல், ஆண்மை  பலம் பெற்று வாழலாம் என்றால் உடனடியாக பயற்சி எடுக்க வருகிறார்கள் என்று கூறி வருத்தப்பட்டார்.

பல சமயங்களில் உடல் நலமும் மன நலத்திவிட உடல் உறவு காமம் பாலியல் சம்மந்தப்பட்ட விசயங்கள் மிகவும் முக்கியத்துவம் பெற்றுவிடுகிறது. மன அமைதியும் குடும்ப அமைதியும், பாலியல் சமந்த பட்ட விசயங்களின் முன் அடிப்பட்டு போய் விடுகின்றன.இருப்பினும் இல்லற இன்பத்திற்கு காமம் ஒரு அருமருந்துதான். அதை அழகாகவும் பண்பாகவும் வெளிப்படுத்தும் வழிமுறைதான் காய கல்ப பயற்சி.

அப்படி ஒரு நாள் காரச்சாரமாக விவாதங்களுக்கிடையே இங்கு அறிமுகமான ஒரு நண்பரிடம் பேசிக்கொண்டிருந்த போது

சில கவிதை வரிகளை சொன்னார்

காதலும் காமமும் கனிந்த பின் ஊடலும் கூடலும் ஊறுக்காய் போல் உவந்திடும்- என்றார்.

உடனே மற்றோரு நண்பர்

காதலின் சுகம் காதலிப்பதில் இல்லை காதலியை கட்டியனைப்பதில் தான்  என்றார்.

அடப்பாவிகளா! இப்படி எல்லாம் சிந்திக்கிறீங்களா? பரவயில்லை... அது என்ன  இவர்கள் எல்லாம் நகைச்சுவை நடிகர் வடிவேலு சொல்வது போல் ரூம் போட்டு சிந்திப்பார்கள் போல் அல்லவா இருக்கிறது. ஆனால் இங்கு அவர் சொன்ன கவிதை நடையில் அது விரசமில்லாமல் இருந்தது. இதுதான் கவிதையின் வெற்றி என்று கூட சொல்லாம்..ஆனால் என் மனம் சற்று சங்கடப்பட்டது. அந்தரங்கமான அந்த விசயத்தை இப்படியா பச்சையாய் போட்டு உடைப்பார்கள் என்று

தாயும் கடன்பட்டால்
தந்தையும் உடன் பட்டான்
யானும் உயிர்பெற்றேன்
யாக்கைஎன்னும் வடிவுற்றேன்
என்று கண்ணதாசனின் கவிதை வரிகளும் அதைதான் சொல்கிறது.

இங்கு கண்ணதாசனின் கவிதை ஆளுமை திறன் தாம்பத்திய வாழ்கை விசயங்களை நசுக்காக சொல்வது பிரம்மிக்க வைக்கிறது. இங்கு கருத்துமட்டும் பிரமாதம் அல்ல. வார்த்தைகளின் ஜோடிப்பும் எப்படி அற்புதமாக இருக்கிறது.

சிலர் பச்சையாக, கொச்சை வார்த்தைகளை எந்த பண்பாடும் இல்லாமல் அருவருப்பும் இல்லாமல் பேசும் போது நமக்கு கோவம் தான் வருகிறது. சிலர் உலக மாற்றத்தில் அது ஒரு நவீனத்துவம் என்ற சிந்தனையில் இருக்கின்றார்கள். சிலர் ஊடகத்திலும் கதைகளிலும் ,கவிதைகளிலும் சில விசயங்களை பச்சையாக பேசுவது ஒரு சிந்தனை மறுமலர்ச்சி என்று நினைக்கின்றனர். எதையும் காமக் கண்கொண்டு பார்ப்பதோ பேசுவதோ எழுதுவதோ தவறில்லை. பண்பாடு மீறாமல் இனிய தமிழில் வார்த்தை ஜாலங்களில் இலக்கியம் நயம் மிகுந்தால் சிறப்பாக இருக்கும்.. உண்மையில் அணைவரின் சிந்தனையில் ஊறும் கருத்துக்கள் நிர்வானமாகத்தான் வெளிவருகிறது.அவரவர் சிந்தனையின் திறத்தில் பண்பாட்டுக் கூறுகளின் வழி ஆடைகளை அணிந்து நவினத்துவமாய் வெளிப்படுகிறது.

வார்த்தைகளை கவித்துவத்தோடு சொன்னால் அது இன்னும் காவியமாய் இனிக்கும் .கண்ணதாசன் சொல்லாத காமத் தத்துவங்களா? விரசமில்லாமல் கவிதையால் சொன்னதனால் அது காவியமாய் இனித்தது, காலத்தை கடந்து நிற்கிறது. எதுவும் ஒரு பண்பாடன முறையில் எடுத்துச் சொன்னால் சுவைமிகுந்த கனியை போல் இனிக்கும்.

March 21, 2013

கலங்காத மனம்தான் துவளாமல் நம் உயிரை துடிக்கச் செய்கிறது.....



வாழ்க்கை
பட்டாம் பூச்சியல்ல
படபடப்பதற்கு.......
அது
கரித்துண்டு போல்

வெள்ளை வானத்தில்
மேக கோலத்தில்
தொளித்து விடப்பட்ட
கருப்பு வெள்ளைப் திரை

சில சமயங்களில்.....
காற்று புயலாக மாறும்
காலம் அனலாக கொதிக்கும்

தேடல்கள் நம்மை சிதைக்கும்
தேவைகள் நம்மை வதைக்கும்

பாதைகள் புலப்படாமல் போகும்
பயணங்கள் அகப்படாமல் போகும்

சோதனை நம்மை சோதிக்கும்
வேதனை நம்மை வேராறுக்கும்

கால தேவன் நம்மை கரைத்துவிடாமல்
கர்மதேவன் நம்மை தொலைத்துவிடாமல்

கலங்காத மனம்தான்
மீண்டும் மீண்டும் நம்மை
கருத்தரிக்க செய்கிறது........
துவளாமல் நம் உயிரை
துடிக்கச் செய்கிறது.....

அடிப்படாத வாழ்வும்
அழுத்தமில்லா கரித்துண்டும்
எப்போழுதும் வைரமாகாது.........

February 20, 2013

 
கடல் கடந்து சென்ற வணிகர்கள்
 
 
 



  சில மலாய் நண்பர்களிடம் அலவாவிக்கொண்டிருந்த போது அப்பொழுது என் மலாய் நண்பர் இன்னொறு மலாய் நண்பரை பார்த்து மாமாக் “Mamak” அல்லது mamat என்று அழைப்பதைக் கண்டு அந்த மலாய் நண்பரிடம் “awak mamak ke “ நீங்கள் என்ன மாமாவா என்று வினவினேன். அதாவது நீங்கள் என்ன இந்து முஸ்லிமா என்று அவரிடம் கேள்விக் கணையைத் தொடுத்தேன்? முக அமைப்பு, உடல் சரீரம், சுருண்ட தலை முடி அவர் மலாய் இனமாக தெரிந்தாலும்,  நிறத்தில்  தமிழர்களைப் போல் கருமை படர்ந்திருந்தது. மலாய்க்காரர்களின் நிறம் என்பது சற்று வெளிர் மஞ்சல் நிறம் கொண்டவர்கள் என்பதால் சுடும் சூரிய ஒளியில் வேலைச் செய்து கருப்பாக தெரியும் கருப்புத் தமிழர் அவர்களுக்கு நகைப்புக்கு உரியவர்களாக தோன்றுவர்கள்.

Saya melayu lah ...orang kelete என்று சொல்லி என்னிடம் awak ingat saya india ke? நீங்கள் மலாய்க்காரர் என்று எனக்கு தெரியும்.. ஆனால் உங்கள் முன்னோர்கள் ஒரு சிலர் தமிழர்களாக இருந்திருப்பார்கள் என்பது உங்களுக்கு தெரியுமா? என்றவுடன் அவர் முகம் இன்னும் கருமை படர்ந்தது. உண்மையில் மலாய் இனம் என்பது பல்வேறு இனங்களின் இரத்த கலப்பு என்றால் அது மிகை அல்ல,வெகு காலமாக தொடரும் அவர்களின் சரித்திர பண்பு அது.

 அங்கு இருந்த ஒரு சில மலாய் நண்பர்கள் நீங்கள் சொல்லும் கருத்துக்கு என்ன ஆதாரம் என்று வாதிட ஆரம்பித்தனர்..நான் அங்கிருந்த. வெள்ளை பலகையில் தென் தாய்லாந்து & வட மலேசியா வரைப்படத்தை வரைந்து பண்டைய அரசாங்கத்தை வட்டமிட்டேன்.. பத்தானி, லங்காசுகா, தர்மலிங்க பழைய கெடா போன்ற அரசாங்க மையங்களைக் கோடிட்டு, பழைய கடற்கரைப்பட்டணங்களின் ஊடே தமிழ் நாட்டு சோழ பாண்டிய, பல்லவ  வியாபாரிகள் செகெந்திங் கிரா என்ற கணவாய் வழியாக குறுகலான காடுகளையும் ஆற்றையும் கடந்து தான் அவர்கள் புனான், கம்பூச்சியா மற்றும் சீனாவுக்கு  கடந்து செல்லும் போது மண உறவுகள் ஏற்பட்டிருக்கும். அப்படி ஏற்பட்ட உங்களின் முன்னோர்கள் கலப்பிற்கு நீங்கள் தான் உதாரணம் என்றேன்.

சில சமயங்களில் கடல் சார்ந்த வியாபாரம் என்பது பொருளாதாரம் மட்டும் அல்ல, அவை ஒரு சமூகம் மீதும் தாக்கத்தை ஏற்படுத்தும். இன கலப்பு என்பது வியாபார நிமிர்த்தமாக கடல் கடந்து சென்று வணிகர்கள் சில காலம் ஒரு சில இடங்களில் பருவ காற்றுக்காக பல மாதங்கள் காத்திருக்கும் போது அங்கு உள்ள மக்களோடு உறவாடி இன கலப்பு செய்வது இயல்புதான். அங்கு கலாச்சார மாற்றம் மட்டும் அல்ல அங்கு சமூக பண்பாட்டு மாற்றத்தையும் ஏற்படுத்தும். அப்படிப்பட்ட வரலாற்று பின்னனியை கொண்டது.

தமிழ் நாட்டிலும் அப்படிதான். ஒரு சில தமிழர்களின் முக அமைப்புகள் பல இன நிறங்களைச் சார்ந்திருக்கும்..அவர்கள் வியாபார நிமிர்த்தமாக சென்ற வணிகர்களின் வாரிசுகளாக இருந்திருப்பார்கள். வெகு காலம் மற்றவர்கள் நாட்டில் வாழ்ந்தவர்களாக இருந்திருப்பார்கள்.அல்லது கடலில் சென்ற கலம் மூழ்கி காப்பாற்றபட்டவர்களாக இருந்திருப்பார்கள். அவர்கள் மக்களோடு மக்களாக இரண்டற கலந்த பிறகு அவர்களின் பூர்வீகம் மறந்தே போயிருக்கும். இன்றைய மலாக்கா செட்டிகள் மற்றும் பாபா ஞோஞா மலாக்கா போர்த்திகீசியர்கள் (செரானி) போன்றவர்கள். இன கலப்புக்கு உட்படவர்கள் தான்.

பல வருடங்களுக்கு முன் மலேசிய தகவல் இலாக்காவின் உதயம் மாத இதழில் டான் ஸ்ரீ உபைதுல்லா அவர்கள் எழுதிய வரலாற்று கட்டுரையில் இந்த கருத்தை கோடிட்டுள்ளார். அதே போன்று டாக்டர் ஜெயபாரதி தன்னுடைய அகஸ்தியத்தில் கிளந்தானின் உட்புற பகுதி ஒரு காலத்தில் பெரும் வணிகப் பாதையாக இருந்ததையும் குறிப்பிட்டுள்ளார்.

பருவ காற்று பொய்த்து விட்ட பிறகு வெகு நாட்கள் காத்திருப்பதை விடுத்து சேர நாட்டில் புகுந்து தென் இந்தியாவின் கிழக்கு மலைத்தொடரை  ஊடறுத்து பூம்புகார், நாகப்பட்டிணம், மாமல்லத்திலிருந்து கடல்  வழியாக பூஜாங்   வந்து செகெந்திங் கிரா என்னும் கணவாய் வழியாக காட்டையும் ஆற்றையும் கடந்து கிழக்கு கடற்கரையை அடைந்து சியாம் வளைக்குடாவைக்  கடந்து சம்பா கம்பூசியத்திற்கும், பூனான் மற்றும் சீனாவுக்கும் சென்று வியாபாரம் புரிந்திருக்கிறனர்.

 அக்கால வியபாரிகள் மேற்கு உலகில் இருந்து கிழக்கு நாடுகளுக்கு கொண்டு வரும் பொருட்களை  அந்த இரண்டு பிரபலமான தென் இந்திய தீபகற்பத்தையும் மலாயா தீபகற்பத்தியும் ஊடறுத்து போகும் பழைய வியாபார பாதை தான்  உபயோகப்படுத்தியுள்ளனர்.

. கி.பி 15-ஆம் நூற்றாண்டு மலாக்கா நீரணையை ஒட்டிய கடல் சார்ந்த அரசாங்கங்கள் உருவாவதற்கு முன் கி.பி 2-ஆம் நூற்றாண்டு முதல் 5- ஆம் நூற்றாண்டு வரை மலேசிய வட புலத்தை ஒட்டி பெரும் அரசாங்கங்கள் உருவாகி இருந்தன.அப்பொழுது மலாயாவின் தென் பிரந்தியங்கள் பிரபலம் ஆகாத காலக்கட்டம். தமிழர்கள் உலகில் தலைச் சிறந்த கடற் மாலுமியாக இருந்திருக்கின்றனர். பருவ காற்றோற்றத்தையும், கடல் நீரோட்டத்தையும் நன்கு அறிந்திருந்தனர். வான் நட்சத்திர கோள்களின் நகர்வுகளையும் துல்லியமாக அறிந்து வைத்திருந்தனர். அவர்கள் துணிந்து  பாய்மர கலத்தை செலுத்தி பல நாடுகளைக் கடந்து சென்றனர். தமிழர்கள் இன்றைய புதிய நாடான ஆஸ்திரேலியா மற்றும் நியுசிலன்ந்து வரைக்கும் சென்றதற்கான ஆதாரம் கிடைத்திருக்கிறது.

15-ஆம் நூற்றாண்டு பிறகும் தென் கிழக்கு ஆசியாவின் வியாபார மொழியாக பார்சி மற்றும் சீன மொழியோடு தமிழும் சிறப்படைந்துள்ளது, சீனாவின் பிரசித்தி பெற்ற கடற்படை தளபதி செங் ஹோ இலங்கையில் பொறித்து வைத்த கருங்கல்லில் அந்த இரண்டு மொழியோடு தமிழையும் செதிக்கியுள்ளார். ஒரு காலத்தில் தமிழ் வியாபார மொழியாக இருந்ததை இது பறைச்சாற்றுகிறது.
 
 

 அக்காலத்தில் சீனர்கள் கூட சிறந்த மாலுமிகளாக வலம் வரவில்லை. தமிழர்கள் தான் சீனா வரைக்கும் கலத்தை செலுத்தி இருக்கின்றனர். தமிழர்களின் கடல் ஆதிக்கம் குறைந்த பிறகுதான் சீனர்கள் புதிய பாதைகளைத் தேடி கடற்பயணங்களைத் தொடங்கி இருக்கின்றனர். அதன் பிறகு தான் மலாய்க்காரர்களும் சிறந்த மாலுமிகளாக உருவெடுத்திருந்தனர். அவர்களின் கடல் பிரவேசம்  தென் ஆப்பிரிக்கா வரைக்கும் பரவி இருந்ததை வரலாறு காட்டுகிறது.

சீனாவின் உட்புற பகுதியில் கலகக்காரர்கள் ஏற்படுத்திய  புதிய வெய் அரசாங்கம் பட்டு பாதையை ஆக்கிரமத்த  பிறகு  சீனாவின் ஹான் அரசாங்கத்தில் ஏற்பட்ட அரசியல் சிந்தனை மாற்றங்கள் அவர்களை தென் சீனக் கடலில் புதிய  பாதைகளைத் தேர்ந்தெடுக்க வைத்தது. அதன் பிறகு தரைவழி பாதை கொஞ்சம் கொஞ்சமாக தன் அரசியல் பொருளாதார பொழிவை இழந்தது. அதன் இறுதி வியாபார தளம் தான் பூஜாங் பள்ளத்தாக்கு.

 

 

January 26, 2013




நானே
என்னை மரமாக
சுமந்திருந்தேன்...
என்
நினைவுகள்
நடுகல்லாய்
என் கிராமத்தில்
நடப்பட்டிருந்தன,,,,,,

யூகம் தேடும்
நிழல் காலம்
என்னை தொடர்கின்றன.

என் கனவுகள் மட்டும்
கரைகளை தொடாமால்
அலைகளில் புரல்கின்றன.

என்னை உரமுடியாமல்
என் உணர்வுகள்
காலத்தில் கரைகின்றன.