July 30, 2011

தமிழால் தாழ்ந்தோர் எவருமில்லை


எம்மொழி தமிழ் மொழி
ஏற்றம்தரும் தாய்மொழி
எங்கும் தமிழ் எதிலும் தமிழ்
என்று முழங்குவோம் !

நம் மொழி தமிழ் மொழி
நாளும் வளரும் செம்மொழி
தரணியெங்கும் செழித்தோங்கும்
தமிழ் என்று முழங்குவோம்

ஓங்குக தமிழ்! ஒளிர்க தமிழ்!
ஒருகுடையின்கிழ் தழைத்தோங்குக!
தமிழ் உணர்வுக்கொண்டு தடைகளை
தகர்த்தெறி ! தன்மானத்தமிழ் என்று முழங்குக!

விஞ்ஞானத்தில் வீருக்கொள்க! தமிழ்மெஞ்
ஞான வாழ்வில் வெற்றிக்கண்டு -அஞ்
ஞானத்தை களைந்து - தமிழில்எஞ்
ஞானத்தையும் சொல்லும் உயர்வேதம் என்று முழங்கு


ஏழை மொழி என்று ஏளனம் செய்யாதே
ஏவள் மொழி என்று பிதற்றதே! – தமிழ்
ஆற்றல் நிறைந்த அருந்தவமொழி - நாளை
அகிலத்தை ஆளும் உயர்மொழி என்று முழங்கு

தமிழால் தாழ்ந்தோர் எவருமில்லை – உயிர்த்
தமிழால் உயந்தோர் கோடி - இவ்வுலகில்
தமிழால் இறந்தோர் யாருமில்லை –
தமிழால் சாகவரம் கொண்டோர் கோடி என்று முழங்கு

உன்னை உயர்த்து தமிழா! தமிழ்
தன்னை உயர்த்தும் – இந்த மண்ணில்
நீ உயர்ந்தால்! தமிழ் அன்னை மகிழ்வாள் - தனித்
தமிழ் கொடி உலகெங்கும் பறக்கும்.
Post a Comment