September 8, 2010

மைவிழி பார்த்த காதலா ......இல்லை மெய்விழிப் பார்த்த காதலா இது?


காதல் என்பது
கடந்து செல்லும் அம்பாக
யார் மனதை தைக்கப் போகிறது?

காதல் என்பது
கடந்து செல்லும் அலையாக
யாரை இழுத்துச் செல்லப் போகிறது?

காதல் என்பது
கடந்து செல்லும் இளவேனிற் காலமாய்
யார் மனதை பூக்கச் செய்யப் போகிறது?

காலமெல்லாம் காதலாய்
கனிந்த பின்
கார்மேகமாய் உள்ளம்
நனைந்த பின்
காதலுக்கு கண்கள்
தெரிவதில்லை
அது
காற்றடித்தாலும்
அசையாத ஆலமரமாய்
வேர் பிடித்து நிற்கும்.

காதல்
உள்ளங்கள் ஒன்றுப்பட்ட பின்
அதற்கு
உருவங்கள் தெரிவதில்லை
கண்களால் பார்ப்பது அல்ல காதல்
கனிந்த அன்பாலே மலர்வதுதான் காதல்
Post a Comment