May 26, 2010

காதலும் காமமும்-வாழ்க்கை நிலை ஒரு பார்வை




காதலுக்கு நான்கு கண் கள்வனுக்கு இரண்டு கண்கள் கண்ணுமில்ல காதுமில்ல காமுகனுக்கு என்று ஒரு கவிஞன் பாடினான்.

வாழ்வியலின் காதலையும் காமத்தையும் எப்படி ஒரு மனிதனின் பார்வையில் வேறுப்பட்டுக் கிடக்கிறது என்னும் ஒரு கருத்தை இனிய தமிழில் அழகுற எடுத்து இயப்பும் பாங்கு மிகவும் அற்புதம். மனித நாகரிகத்தில் அன்பு பாசம் நேசம் காதல் காமம் எவ்வாறு பின்னிப்பினைக்கப்பட்டு இருக்கிறது என்பதை இக் கவிஞனின் வரி நமக்கு உணர்த்துகின்றன.
மனிதப் பண்புக்கூறுகளில் காதலும் காமமும் இல்லா உணர்வுகள் அற்ற மனிதனை நாம் பார்த்தல் அரிது. ஆனால் காதல் உயர்வாகவும் காமம் தாழ்வு நிலையிலிருந்து பார்க்கும் பார்வை மனித குணநலங்களில் ஒரு குறைப்பாடாக நமக்கு படுகின்றது.

அறத்துபால் பொருட்பால் காமத்துபால் என்று வள்ளுவன் வகுத்த குறல் சொல்லும் காதலும் காமமும் எப்படிப்பட்டன? அன்று காமம் தமிழர் வாழ்வியலில் உயர் நிலை பண்பாடு காமயிலில் காதலும் ஒரு அங்கம்.. கோவில் சிற்பங்கள் காமச் சொருபங்களாய் இருந்தன. ஆனால் பார்வை மாறுப்பட்டிருந்தன. அன்று தெய்வீகமான ஒன்று சமுக வாழ்வியலில் கடைநிலை பண்பாடக இன்று மாறியிருகின்றன. இன்றைய காமம் மறுவி பண்பாடு அற்ற ஒரு காரணப்பொருளாய் விளங்கிக்கொள்ளப்படுகிறது. கற்பழிப்புச் செய்யும் ஒரு கயவனை நாம் காமுகன் என்று சொல்கின்றோம். பார்வையால் சில பெண்களை கற்பழிக்கும் கயவர்களும் உண்டு. உள்ளத்தாலும் உடலாலும் பெண்களின் காயப்படுத்து நபர்களை காமுகன் என்று விளிந்து அழைப்பதில் ஒன்றும் தவறில்லை.

காம குணம் கொண்ட மனித பிறவிகள் கண்கள் இருந்தும் மிருகப் பிறவிகள்தான் அவனுக்கு கண்கள் இருந்தும் மூடானாகவும் காது இருந்து செவிடனாகவும் வாழும் மனித உருவில் நாடமாடும் மிருகங்கள் இப்படிப்பட்ட சமுக கொடுமை செய்யும் காமுகன் மனித இனத்தின் இழிவுக்கூறுகள்.இதை கவிதையின் வாயிலாக அற்புத கருத்தை சொல்லும் கவிதை நயம் மிகவும் பிரமாதம்

உணர்சியின் உந்துதலில் பெண்ணை உற்றுப்பார்பது ஒன்றும் தப்பில்லை ஏன் என்றால் ஒர் ஆண் ஒரு பெண்ணை பார்க்கும் பொழுது இரசயான மாற்றத்திற்கு இயல்பாகவே உட்படுத்தப்படுவான் என்பது இயற்கையின் நியதி. எல்லா பெண்களை காமம் வயப்படும் பார்வை கட்டாயம் உணர்சியின் குறைப்பாட.கதான் இருக்கும். பண்பாடு அற்ற செயலாகதான் இருக்கும். ஏன் என்றால் கனிந்த பார்வை அன்பின் வெளிப்பாடாகவும் அதே சமயம் ஒரு மனிதனின் மதிப்புமிக்க பார்வையாகவும் இருக்கலாம்.

வாழ்க்கை என்பது ஒரு கட்டாயம் வாழ்ந்துதான் ஆகவேண்டும் உணர்ச்சி என்பது அவரவர் விருப்பம். வாழுதல் கட்டாயம் என்பதால் மனம் போன போக்கில் வாழ்வது மாலுமி இல்லா கப்பல் போன்றது, உணர்ச்சி என்பது மனித மனதை வழிநடத்தும் திசைக்கருவிப் போன்றது, அதன் போக்கில் விட்டுவிட்டால் கடற்பாறையில் மோதி சிதறுண்டு போகும் கப்பல் போன்றது. காதலும் காமமும் உணர்ச்சின் ஒர் அங்கம் நல் உணர்வுகளை உள்வாங்கவிட்டால் கயமைதனமான காமம் மனித பண்பாடுகளை இருட்டறையாகிவிடும்.

இங்குதான் ஆசை சீரமைத்தல் என்னும் அற்புத கோட்ப்பாட்டை நமக்கு அறிமுகப்படுத்துகின்றார் வேதாத்திரி மகரிசி. தன்னிடம் உள்ள குறைகளை போக்கிக் கொண்டு, பிறருக்கும் நன்மையே செய்யும் அறவழி வாழ தத்துவஞானி வேதாத்திரி மகரிஷி அவர்களால் உருவாக்கப்பட்ட பயிற்சி முறைகளே ஆசை சீரமைத்தல்.

நம்மிடம் உள்ள தீய வினைப் பதிவுகள் காரணமாக ஒவ்வொரு மனிதனிடமும் ஆறு வேண்டாத குணங்கள் உள்ளன. அவை பேராசை, சினம், கடும்பற்று, முறையற்ற பால் கவர்ச்சி, உயர்வுதாழ்வு மனப்பான்மை, வஞ்சம் அதாவது காமம், குரோதம், லோபம், மோகம், மதம், மாச்சரியம் ஆகும்.

பேராசையை – நிறைமனமாகவும்
சினத்தை – சகிப்புத்தன்மையாகவும்
கடும் பற்றினை – ஈகையாகவும்
உயர்வு தாழ்வு மனப்பான்மையை – சமநோக்காகவும்
வஞ்சத்தை – மன்னிப்பு ஆகவும்
முறையற்ற பால் கவர்ச்சியை – கற்பாகவும் மாற்றும் வழிமுறைகளை நமக்கு சொல்லி தருகின்றார் தவறான எண்ண மாற்றங்களை சீர்திருத்துவதற்கு மாந்த ஒழுக்கப்பண்பாடுகளை உயர்வினை நோக்கிய பார்வையாக அவரது சிந்தனை அமைந்துள்ளன.

அவர் கூறும் கருத்துக்களையும் இங்கு கூர்ந்து நோக்கதக்கது.
“இந்த உண்மைகளையறியாத சில மயக்கவாதிகள் கற்பொழுக்கம் என்பது கேலிக்கூத்து எனப்பேசி, பாலுணர்ச்சியைத் தூண்டி பொதுமக்கள் உள்ளங்களை குறிப்பாக இளைஞர் உள்ளங்களைக் கெடுத்து, கற்பு ஒழுக்கத்தில் தவறி நடக்க வேகமூட்டும் வகையில் கதைகள் பல எழுதுகின்றார்கள். சினிமாப் பாடல்களைப் படம் பிடித்துக் காட்டுகின்றார்கள்.

கலைஞர், அறிஞர், கவிஞர், நாவலர், பண்டிதர், படாதிபதி, பேச்சாளர், எழுத்தாளர் என்ற புனிதமான பெயர்களில் இந்தத் தவறான சமுதாய நல விரோத செயல்களைச் செய்து வருகின்றார்கள். அதன் மூலம் பணம், புகழ், அதிகாரம், அந்தஸ்து என்றவைகளைப் பெற்றும் மகிழ்கின்றார்கள். ஆராயும் திறமையும் கல்வியறிவும் இல்லா மக்களிடையே இச்செயல்கள் மறுமலர்ச்சி என்றும் சீர்திருத்தம் என்றும் கூட துணிந்து கூறுகின்றார்கள்.”

கற்பொழுக்கத்தை சிறப்பித்து கூறும் தமிழர் வாழ்வியல் காதல் காமம் களவியல் என்பது எவ்வளவு சீரிய உயரிய தரமிக்க பாண்பாட்டு கூறுகளை கொண்டது என்பதும் தூய வாழ்க்கை நெறிகளில் உய்ந்துணந்தவர்கள் அறிவார்கள். அச்சமும் நாணமும் நாய்களுக்கு வேண்டும் என்று ஒரு கவிஞன் முழங்கினான் ஆனால் வள்ளுவர் சொல்லும் வாழ்கை நெறியில் அச்சமும் நாணமும் மனித பண்பு கூறுகளின் வடிவமைப்பதில் எவ்வளவு முக்கியம் என்பதை காட்டுகின்றன. தவறான காரியங்கள் செய்யும் பொழுது அச்சமும் நாணமும் நம்மை தடுத்து ஒழுக்க நெறிகளிருந்து வழுவாமல் பண்பாடு மிக்க மனிதனாக நம்மை மிளிரச் செய்யும் என்பதே தமிழரின் நாகரிகம்.ஆசை சீரமைத்தல் என்பது இந்த மாந்தர் வாழ்வியலை மேலும் மேலும் சிறப்புறச் செய்யும் வழிமுறையை காட்டுவது குண்டலினியின் மனவள கலை மன்றம்.

காமத்தை கற்பாக மாற்றும் மகா உயர்நிலைப்பண்பு. நல் வாழ்க்கை மதிப்புக்கூறுகளை போதிக்கும் அறநிலை மன்றம் தான் இந்த மனவலைக் கலைமன்றம்.

வாழ்க வையகம் வாழ்க வளமுடன்

May 18, 2010

தென் கிழக்கு ஆசியாவில் தமிழர்களின் சுவடுகள்.-இறுதிப் பகுதி



ஐம்பெரும் தமிழ்ப் காப்பியங்களில் ஒன்றான மனிமேகலையில் சொல்லப்படும் மணிபல்லவம் பற்றியும் சாவகத்தையும் பற்றியும் குறிப்புக்கள் உண்டு. பாண்டிய கடற்கரையிலிருந்து சாவகம் செல்லும் கப்பல் மணிபல்லவத்தினூடாகவே சென்றது. இலங்கைக்கு கிழக்கேயுள்ள தீவுகளில் “ நக்கசாரணர்” அதாவது ‘ அம்ணமான நாடோடிகள்’ என்ற பெயருடன் மனிதரை தின்னும் மனித இனத்தவர் வாழ்ந்தனர். இந்த நிக்கோபார் இத்தீவுகளுக்கப்பால் சாவகம் என்ற பெருநிலம் கிடந்தது. அதன் தலைநகரம் நாகபுரம். இந்நாட்டின் அரசன் தன்னை இந்திரன் மரபினன் என்று குறித்துக் கொண்டான். இதில் வியப்புக்குரிய செய்தி என்னவென்றல், இச் சாவகத்தில் அன்று தமிழே பேசப்பட்டதாக தெரிகிறது. சாவகம் என்று இங்கு குறிக்கப்பெறுவது பெரும்பாலும் சுமத்ராத் தீவாகவோ, ஜாவாத் தீவாகவோதான் இருக்கவேண்டும்.

சாவகம் அல்லது சாவகத்தீவம் என்பது சுமாத்திரா தீவு ஆகும். சுமாத்திரா அரசன் சாவா தீவையும் அடுத்த சிறு தீவுகளையும் ஒரு சேரன் ஆண்டானென்று தோன்றுகிறது..சுமாத்தராவையும் சாவாவையும் குறிப்பிடும்போது டாலமி பெருஞ்சாவகம்,சிறுஞ்சாவகம் என்று கூறுகிறர்கள்.தற்போது சுமாத்த்ராவைப்பற்றி மிகுதியான செய்திகள் எதுவும் தெரியவரவில்லை.யாதலால், நாகபுரம் எதுவென்று என்னால் அடையாளமறிந்து கூற நடத்திய அதன் கிழ்கரையிலுள்ள மிக முக்கிய துறைமுகம் சீர் இந்திரபுரம் ஆகும். அது ஒர் அரசின் தலைநகரம். ஜே. அண்டர்சனின் அசீன், சுமத்ராக்கரை ( J. Anderson Acheen and coast of Sumatra) பக்கம் 395-396 பார்க்க, புத்த சமயமும் இந்து சமயமும் சமத்ராவுக்கும் சாவாவுக்கும் மிக முற்ப்பட்ட காலத்திலே சென்று பரந்தன என்பது இந்தீவுகளிலுள்ள பண்டைக் கோயில்கள் சிற்பங்களின் எச்சமிச்சங்களால் ஐயத்துக்கிடமில்லா நிலையில் தெளிவுப்படுகின்றன. மணிமேகளை xxiv.

ராட்சசர்கள் பிரதம தலைவர் இராவணன் இறந்தபின் இவருடைய சகோதரி சூரத்தங்கி,சூரத்தங்கி மகன் நீலமோகன் “லங்கையில்” உள்ள இராவணன் அரண்மனையிலிருந்து பூலோவ் லாடாவிற்கு வந்து சேர்ந்தார்கள். பூலாவ் லாடா லங்காவி தீவின் தலை நகரம். இதை இந்தியாவில் “ பொட்டக தீபம்” என்பார்கள்.ராஜாமூனோ 2950 அடி உயரமுள்ள குனோங் ராயாவில் வாழ்ந்தார். “பூலோவ் லாடா” என்ற இடத்தை ‘லங்காவி’. என அழைத்தார் இராவணன். அகத்தியரும் இராவணனும் உறவினர்கள். புலத்திய ரிஷியின் மகளை மணந்தவர் அகத்தியர் புலத்தியரின் மகன் வழிப்பிறந்தவன் இராவணன்.

ராட்சசர்கள் உயர்ந்த மலைகளிலும் குன்றுகளிலும் வாழ்ந்தவர்கள்.இவர்கள் உயரமாய் தடித்த்வர்களாகவும் இருப்பர்கள் இவர்கள் மந்திரத்தில் நம்பிக்கை உள்ளாவர்கள்.
சிவ பூமியான ஆதி தமிழர்களின் தாயகம் இலங்கை அல்லது லங்கை என்று அழைக்கப்பட்டது.தமிழர் வழி வந்த இயகர்கள் அல்லது ராட்சசர்கள் என்று கூறப்படும் ரக்ஸ்ஸஸ்சரின் ஒரு நிலப்பகுதியாக லங்காவி தீவும் இருந்துள்ளது.அங்கு ‘லங்கா’ இங்கு ‘லங்காவி’.

இராவணன் இராமரின் மனைவி சிதையை டெக்கான் காட்டில் சிறைபிடித்து கருடனை காவலுக்கு வைத்தார். கருடனை இந்துக்கள் விஷ்னுவின் அவதாரம் என்று வணங்குகின்றார்கள். இந்தோனேசியா, தாய்லாந்து, கம்போதியா, கெடா, இந்தியா, இலங்கை முதலிய நாடுகளில் வணங்குகின்றனர். லங்காவி தீவுக் காடுகளில் அனோக யோகிகள் காவி உடையனிந்து குடிசைகளில் வாழ்ந்தார்கள். கி.மு. 4ம் நூற்றாண்டில் கெடாவை இந்துக்கள் வனவாசகம் கெடா வரலாறு பக்கம் 5 பார்க்க ( History of Kedah by R.Faqir Muhammad}1959.என அழைத்தார்கள் என இந்துக்களின் வேத புத்தகங்கள்: கூறுகின்றனர். இக்காலத்தில் வாழ்ந்த மக்கள் குகைகளிலும் காடுகளிலும் வாழ்ந்திருந்திருக்கின்றார்கள் என புத்த மத ஏடுகளும் கூறுகின்றனர்.
முற்றும்..

இத் தொடர் முடிந்தது......தமிழனின் வரலாற்று சாதனை தொடரட்டும்

இக்கட்டுரையை பற்றிய சிறு குறிப்புக்கள் உங்களுடன்.......

கட்டுரையின் நோக்கம்

சாதித்த தமிழனின் சாதனை வரலாற்றை எழுத வேண்டும் என்று வெகு நாட்களாக எண்ணம் கொண்டேன்..சில அரசியல் காரணங்களுக்காக வரலாற்றை மாற்றி எழுது போக்கு சாமீபக்காலமாய் அதிகரித்து வருகிறது..தமிழர்களின் அடிச்சுவட்டை மாற்றி எழுதவேண்டும் என்று சில வரலாற்றி ஆசிரியர்கள் நினைக்கின்றனர். தென்கிழக்காசியாவிலும் தென் ஆசியாவிலும் தமிழர்களின் சுவடுகளை துடைத்தொழித்து புதிய அத்தியாம் தொடங்க நினைகின்றனர். மலாத்தீவுக்கூட்டங்களின் தமிழர்களின் சரித்திர சுவடுகளை அழித்து ஒழித்து புதிய சரித்திரம் வரைந்திருக்கின்றனர். இலங்கை இந்திய அளும் வர்கத்தினர் தமிழர்களின் பெருமையை ஆரியம் சார்ந்து எழுத முற்படுகின்றனர். அதே போன்று மலேசிய நாட்டிலிலும் சரித்திர சான்றுகளை திருத்தவும் மறுக்கவும் மாற்றவும் முயல்கின்றனர். மலாக்க மன்னன் பரமேஸ்வரன் என்ற இந்து மன்னனின் பெயர் மறைந்து இஸ்காந்த்தர் ஷா என்னும் பெயர் நிலைநிறுத்தப்படுகிறது. இன்னும் சில காலத்தில் பரமேற்வரா யார் என்ற கேள்வி எழும்.ஆகையால் தமிழர் வரலாறு தமிழர்களால் ஆய்வு செய்யவும், தமிழர்கள் ஆளுமை திறன் வெளிக் கொணர வேண்டும் என்ற நோக்கிலே இக்கட்டுரை வடிக்கப்பட்டது.

அங்கங்கே சிதறிக் கிடந்த தமிழர் சமந்தப்பட்ட சிறு சிறுக்குறிப்புக்களை தேடி எடுத்து பெரிய மாற்றத்திற்கு உட்படுத்தாமல் தொகுத்து இருக்கின்றேன்..இதை இன்னும் மெருகூட்டவேண்டும் என்பது என் ஆவா.

மறுக்கப்பட்டும் மறைக்கப்பட்டும் மாற்றப்பட்டும் வரும் தமிழர்களின் சாதனை வரலாற்றை ஆவனப்படுத்தும் ஒரு சிறிய ஆனால் சீரீய முயற்சி இது.

தமிழனின் சாதனை குறிப்புக்கள்.

1 ஆண்ட பரம்பரை தமிழகம் தென்கோடியில் உள்ளது. ஆனால் வடகோடி இமயத்தை வென்று 10 க்கும் மேற்பட்ட முறை இமயத்தில் கொடியேற்றியவர் தமிழரே. நேபால், நிருபத் வழியே ஒரு பல்லவ அரசன் சீனா மீது படையெடுத்த செய்தி, மறைக்கப்பட்ட பலநூறு தமிழ்ச் சாதனைகளில் ஒன்றாகும். சோழர் கணவாய், சேரர் கணவாய் என்று இன்னும் நேபாளத்தில் உள்ளன.

2. பெரும் கடற்படைவைத்து பெரும் சாம்ராஜயங்களை சாய்த்திருகின்றனர் தமிழர்கள்.

3.கடல் சார்ந்த அறிவும், வான் வெளி அறிவு திறன் மிகுதியாக இருத்தல்

4.பாரத கலைச்சாரத்தை தென்கிழக்காசியா எங்கும் பரவ செய்துள்ளார்கள்

5.தமிழர் கட்டிட கலை தாக்கம் தென்கிழக்காசியவில் எங்கும் பரவி கிடக்கிறது.

6.மொழிச்சார்ந்த எழுத்துறு தமிழ் சார்ந்த ஆதிக்கம் மிகவும் அதிகம் உலகின் முதன் முதலில் சித்திர எழுத்தைக் கண்டவன் தமிழன். அதிலிருந்து வட்ட எழுத்து, கோட்டு எழுத்து, நகர்ப்புற நகரி எழுத்து என்று பல்வேறு காலச்சூழலில் பல்வேறு எழுத்துகளைப் படைத்தவனும் தமிழன். படைத்ததோடு மட்டுமின்றி உலகெங்கும் அவற்றைப் பரப்பியவனும் தமிழன்.

7.பண்டைய காலத்தில் இருந்து தமிழர் வணிகம் மிகவும் சிறப்பக செயல் பட்டிடிருகின்றது. தமிழரின் வணிகக் கப்பல்கள் செல்லாத நாடு இல்லை. தீவுகள் இல்லை. பழந்தமிழருக்குக் கடல் ஒரு விளையாட்டுத் திடல். உலக நதிகள், மலைகள், கடல்கள், ஊர்கள் யாவற்றிற்கும் தமிழனே பெயரிட்டான். மக்கட் பெயர்களும் தமிழாகவே உள்ளன

8. சங்கங்கள் அமைத்து, மொழியை வளர்த்தவனும் தமிழன்தான். ஏறத்தாழ 10,000 ஆண்டுகளாய் இந்நிலை இருந்து வந்தது சங்கம் வைத்து தமிழை போதித்த்வனும் தமிழன்..வியபார மொழியாகவும் இருத்திருகின்றது தமிழ்.18 மொழிக் கற்ற தமிழ் வியபாரியும் இருந்திருக்கின்றான் தமிழக்த்தில்.

9.தமிழர்களின் மத அறிவு, குறிப்பாக புத்தமதம் ,சீனர்கள் யாத்திரீகர்களாக வந்து கற்றுக்கொண்டது அதிகம்.அத்துடன் நமது யோகம் வர்மம்.தத்துவம்.தற்க்காப்பு கலை கற்றுக்கொண்டு மிகவும் சிறப்பாக வர்த்தெடுதிருகின்றனர்.நம்மிடம் அறிவு இல்லை என்றால் அவர்கள் தமிழகத்தை தேடி வந்திருக்க மாட்டார்கள். சமயத்தை ஒரு நிறுவனமாக ஏற்றுச் செயல்பட்டதில் தமிழனே முன்னோடியாக நிலை பெற்றான். புத்த சமயத்தைப் பரப்பியதிலும் சமண சமயத்தைப் பரப்பியதிலும் தமிழனே முன் நிற்கிறான். இன்று உலகெங்கும் இருப்பது தமிழன் பரப்பிய புத்த மகாயானமே (பெருவழி) சீனாவில், சப்பானில், கொரியாவில், இந்தோ சீனநாடுகளில், பர்மாவில், இருப்பன மகாயானமே. புத்தர் பரப்பிய சிறு வழி (ஹீனயானம்) சிறுத்துவிட்டான. தத்துவங்கள், வேதாந்தங்கள் யாவுமே தமிழனுக்கு மட்டும் சொந்தமாய் இருந்தன. தமிழன் இவற்றைக் காப்பாற்றாததால், பிறர் பிற எழுத்துகளில் பொதிந்து வைத்திருக்கின்றனர்

10 சில வேற்று நில மன்னர்கள் தமிழ் மண்ணர்களுக்கு கப்பம் கட்டியும் இருகின்றனர்.

11 அக்கால தமிழ் வியபாரிகள் மன்றம் அமைத்து கூட்டுறவு முறையில் செயல் பட்டிருகின்றார்கள்: உலகிற்கு கூட்டுறுவு கழகங்களை அறிமுகப்படுத்தியவன் தமிழன்

12.பழந்தமிழர் குடியேறாத நாடில்லை. தீவில்லை. இட்சிங் என்ற சீனத்துறவி கி.பி. 2 ஆம் நூற்றாண்டினர். இவரது கூற்றுப்படி, சீனாவில் 50,000 தமிழ்க் குடியிருப்புகள் (50,000 காலனிகளா) இருந்தன..

13. உலகெங்கும் புகழ்க்கொடி பரப்பிக்கொண்டிருக்கும் சீன ஜாப்பானியர்கலின் தற்காப்புக்கலை தமிழர்களின் மூலம் என்பது வெகு சிலரே அறிந்துள்ளனர்.

14. சேன்(zen) என்னும் மத சித்தாந்தம். தமிழர்களின் சொத்து என்பது பெருமைப்படுக்கூடிய விடயம்.

15.அக்காலத்தமிழர்கள் வீரத்துடன் தீரத்துடன் கடற்பயனங்களை செய்துயிருகின்றனர். கடல் கடந்து பெரும் படையுடன் உலகை வலம் வந்தவர் தமிழரே. 1000, 1500, ஆண்டுகளுக்குப் பின்னரே பிறநாட்டினர் கடலை எட்டிப் பார்த்தனர். 2000, 3000 கிலோ மீட்டர் தொலைவுக்கப்பால் ஆட்சியை அமைத்தவர்களுள் தமிழரே முதல்வர்

16.மதி நுட்பத்துடன் வியபார பரிவர்தனைகளை நடத்திருக்கின்றனர்.

17.பன் மொழிக் கற்ற சிறந்த வியபாரிகளாகவும் உருவெடுத்தனர்.18 மொழிக் கற்ற தமிழர்கள் இருந்திருக்கின்றனர்.

18. 10,000 ஆண்டுகளுக்கு முன்பே சிந்துவெளி - ஹரப்பா நாகரிகங்களை உருவாக்கியவன் தமிழன். அதன் தொடர்ச்சியாக லோத்தல் முதல் ஆந்திர பொட்டி புரலுவரை கொண்டு சென்றவன் தமிழன். இம்மட்டோ? பத்தாயிரம் கிலோமீட்டருக்கு அப்பால் உள்ள ஈஸ்டர் தீவில் குடியேறி அங்கும் அவ்வெழுத்துகளைப் பொறித்தவன் தமிழன்.

19.தமிழன் கண்ட காலச்சித்திரம் கல்வெட்டு..உலகெங்கும் கானப்படும் கல்வெட்டுக்களில் 50 சதவிதற்திற்கு மேற்ப்பட்ட கல்வெட்டு தமிழ்ச் சார்ந்த கல்வெட்டுதான். கல்வெட்டுக்களில் சொல்வெட்டுக்களை பதித்து வரலாற்று நிகழ்வுகளை பதித்தவன் தமிழன். காலப் பதிவேட்டை ஜாலம் இருக்கும் பறைச்சாற்றும் தமிழனின் அற்புத கண்டுபிடிப்பு.

20. .பிற நாடுகளில் கற்கால நாகரிகமும் செம்பு நாகரிகமும் நிறைவேறாத காலத்திலேயே இரும்பை வடிக்கவும் வார்க்கவும், உருக்கு செய்யவும் கற்றுக் கொண்டவன் தமிழன். ரோமாபுரி வீதிகளிலும், கிரேக்க நாட்டுச் சிற்றூர்களிலும் தமிழன் வடித்த வேலும், வாளும், ஈட்டியுமே நிறைந்திருந்தன.


21 ஆழ்கடலில் அச்சமின்றி முத்தெடுத்தான். அவற்றை இலங்கையில் இரத்தினத்திற்கு மாற்றினான். சாவகம் சென்று பவளத்திற்கும் வாசனைப் பொருளுக்கும் மாற்றினான். இவற்றைச் சீனாவில் விற்று பட்டு வாங்கினான். ரோமாபுரி வரை சென்று பட்டிற்குத் தங்கம் பெற்றான். தமிழ் வணிகனின் கதை அஞ்சா நெஞ்சுரத்தின் விதை. அவனியில் அவன் கல்வியையும், சமயத்தையும் தத்துவத்தையும் பரப்பியவன். வாளெடுக்காமலும், வேல் எறியாமலும் தமிழ் நாகரிகத்தை உலகெங்கும் விதைத்தவன். இன்றும் உலகில் நிலைத்துள்ள நாகரிகம் தமிழன் நாகரிகமே.

பண்டைய தமிழனின் போர்,அறம், கொடை, மானம், வீரம், பற்றிய குறிப்புக்கள் புறநானுற்றிலே பதிவாகியுள்ளது. தமிழன் ஒரு அற்பமானிடன் அல்ல. அடி முட்டாளும் அல்ல. வீரத்தால் உலகை விலைப்பேசியவன். வீவேகத்தால் உலகை வென்றவன். நமது அறிவையும் திறமையை இந்த உலகம் ஏற்றுக் கொண்டிருக்கிறது.சோதனைகளை கடந்து சாதனைப் படைத்தவன் இந்த தமிழன்.

நாம் யார் என்பதை சரித்திரம் சொல்லும். நமக்கும் இந்த நாடு சொந்தம் என்பதை சரித்திர ஆவணங்கள் புலப்படுத்தும். நாம் கொள்ளைக்காரர்கள் அல்ல, வந்தேறிகளும் அல்ல,பிச்சைக்காரர்களும் அல்ல. வீரப்பரப்பரைகள், அரசாண்ட ஆளும்பரப்பரை.கலம் செலுத்தி கரைக்கண்டவர்கள்.உலகெங்கும் வணிகத்தில் வலம் வந்தவர்கள்,தமிழன் உலக வரலாற்றில் பொன் எழுத்தால் பொறிக்கப்படவேண்டியவன்.

சாதித்த தமிழனின் சாதனை வரலாற்றை நீங்கள் படித்து உணருங்கள் .நண்பர்களே இந்த சரித்திர குறிப்புக்களை உங்கள் பிள்ளைகளுக்கு படித்துக் காட்டுங்கள். தமிழ் பேசுவத்தையும் தமிழினம் தலைச்சிறந்த ஒரு இனம் என்பதை அவர்களுக்கு சொல்லி தாருங்கள்..யுதர்களையும் சீனர்களையும் பாருங்கள் தன் பிள்ளைகளுக்கு தன் இனம் உயந்த இனம் என்பதை சிறு வயது முதல் போதிப்பதை பாருங்கள். நம் குழந்தைகளையும் இனமான உள்ள தன்னமிக்கை தன்மானத்தமிழர்களாகவும் சாதனைத் தமிழனகவும் வாழ விடுங்கள். இந்த சரித்திர சுவடுகள் அவர்களைக்கு வழிக்காட்டும்.. நாம் சோர்த்துவிட்ட ஒரு இனம் அன்று, எரிமலையாய் கனந்துக்கொண்டிருக்கும் ஒரு இனம். ஒரு நாள் இந்த உலகம் நம் காலடியில்.

நன்றி நவிதல்
இந்த வேளையில் பல வலைப்பதிவாளர்களின் தமிழர்ச் சார்ந்த சரித்திர குறிப்புக்களை இந்த பதிவுகளில் இனைத்துள்ளேன்.சிறந்த தமிழ் அறிஞர்களின் கருத்துக்களையும் இடம்பெறச் செய்த்துள்ளேன்.குறிப்பாக கடாரத்தமிழ்ப் பேரறிஞர் டாக்டர் எஸ்.ஜெயபாரதி, கெடா வரலாறு எழுதி வரலாற்று ஆசிரியர் பகீர் முகமாட்,1959. தமிழ்க்குயிலார் அவர்களின் கருத்துக்கள் தமிழர் வரலாற்று அறிஞர் . ந.சி கந்தையாபிள்ளை, திரு கா அப்பாத்துரை எம் ஏ., எல்டி, திரு வி.கனகசபை ,டாக்டர் மா.இராசமாணிக்கனார், தமிழ்வேள் இ.சு.க. குரும்பசிட்டி & இரா கனகரத்தினம், சாத்தூர் சேகரன், கில்பர்ட் சிலெட்டர் இன்னும் பல அறிஞர்களின் கருத்துக்களை முன்V வைத்துள்ளேன்.நான் பேசியதை விட அவர்களை இங்கு பேச விட்டிருக்கின்றேன் என்று சொல்வதுதான் இங்கு மிகவும் பொருத்தமாக இருக்கும். இவ்வேளையில் குற்றம் குறை இருப்பின் மன்னிப்பை வேண்டி அவர்களின் பொற்பாதங்களை தொட்டு வணங்கி விடைப்பெறுகின்றேன்.


தன்முனைப்பை தந்து ஊக்கமுட்டிய அன்பர்களும் நண்பர்களூம்

Tamilvanan said...
பல புதிய தகவல்களை உள்ளடக்கிய பதிவாக இருக்கின்றது. நன்றே தொடருட்டும் இந்தப் பதிவு.
January 16, 2010 2:45 PM
சுப.நற்குணன் said...
நல்ல - பயன்மிக்க தகவல்களைத் தேடித் தொகுத்து அளித்திருக்கிறீர்கள். மிக நல்ல பணி நண்பரே. மனமார்ந்த பாராட்டுகள்.
January 30, 2010 1:31 PM
ஒற்றன் said...
பயனுள்ள வரலாற்றுத் தொடர்! புதிய விடயங்களைக் கற்றுக்கொண்டேன். தொடர்ந்து இத்தொடரை சுவாரசியமாகக் கொண்டுச் செல்வதற்கு எனது வாழ்த்துகள்.
February 17, 2010 10:40 AM

சுப.நற்குணன் said...
நல்ல தொடர்.

இன்று நமது வரலாற்றை அன்னியர்கள் கேவலப்படுத்துவதற்கு வரலாறு தெரியாமையும் ஒரு காரணம்.

வருத்தம் என்னவெனில், நமது முன்னோர் வரலாறு நம் மக்களுக்கே குறிப்பாக இளையோருக்கு தெரிவதே இல்லை; தெரிந்துகொள்ள விரும்புவதும் இல்லை.

வரலாறு தெரியாத இனம் பின்தங்கிப் போகும் என்பதற்குத் தமிழர்களைத் தாராளமாக எடுத்துக் காட்டலாம்.

உங்கள் தொடர் நமது வரலாற்றை அறிய பெரிதும் உதவும். தொடர்க!!
February 6, 2010 10:19 AM


தமிழரண் said...
வணக்கம் ஐயா. நல்ல தொடர். நம் தமிழர்களின் வரலாற்றை அறியச் செய்யும் தொடர். வரலாற்றை அறிந்து கொள்வது இற்றைத் தமிழர்க்குத் தன்னம்பிக்கை ஊட்டுவனவாக அமையும். பாராட்டு. நன்றி
February 9, 2010 9:01 AM


. Anonymous said...
வணக்கம் ஐயா.

மிக அருமையான பதிவு ஐயா. இவ்வரலாற்று உண்மைகளைத் தமிழர்கள் கண்டிப்பாக அறிய வேண்டும் என்பது என் உறுதியான எண்ணம். நம் வரலாறுகளை மறந்தால் பின் நாளில் மற்ற இனத்தார் நம்மை எளிமையாக மட்டம் தட்டிவிடுவர். வரலாறுகளை அறிந்துகொள்வது தமிழர்களுக்குத் தன்னம்பிக்கையைக் கொடுக்கும்.

தொடர்ந்து இது போன்ற செய்திகளையும் எழுதுங்கள்.

நன்றி.

தமிழரண்.

ஒற்றன் said...
பல புதிய தகவல்களைக் கொடுத்திருக்கிறீர்கள்.. நல்லதொரு தொடர்.. தொடருங்கள்..
January 13, 2010 1:29 AM


பாலாஜி said...
காத்திருக்கிறேன் படிப்பதற்கு தொடர்ந்து எழுதவும்
வாழ்த்துக்கள்

இனியன் பாலாஜி
Anonymous said...
Ayya,

Nalla muyarchi thodarungal.....

Anbudan
May 4, 2010 10:40 AM
தேவன் said...
ஐயா தங்களின் பணி அருமை, வணங்கி மகிழ்கிறேன்.

தொடருங்கள்...
ஒற்றன் said...
பல சுவாரசியங்களை இணைத்து நீங்கள் வடிக்கும் கட்டுரையை மேலும் படிப்பதற்கு ஆவல் மேலிடுகிறது. தொடர்ந்து எழுதுங்கள் நண்பரே.. நாளடைவில் இதுவே ஒரு நூல் வடிவம் பெறுவதற்கு எனது வாழ்த்துகள்..
April 19, 2010 5:57 PM
சுப.நற்குணன் said...
தமிழரின் வரலாற்றைப் பதிவு செய்துள்ள இந்த இடுகை காலத்தால் வரலாற்று ஆவணமாக விளங்கும்.

பயனான தகவலுக்குப் பாராட்டுகள்.
April 14, 2010 8:36 PM
தங்கவேல் said...
தகவல்கள் ஆச்சிரியமளிக்கின்றன. தொடருங்கள்.
April 7, 2010 11:12 AM
அண்ணாமலை..!! said...
அருமையான கட்டுரை ..
தொடர்க..
March 20, 2010 6:26 PM

வாழ்க வளமுடன்.
அன்புடன்
மனோகரன் கிருட்ணன்

Sumber: Perpustakaan Negara Malaysia (PNM)
மின்தமிழ்
கெடா வரலாறு- R.Faqir Muhammad-1959
1. Agesthialingom, S. & S.V. Shanmugam (1970). The Language of Tamil Inscriptions, Annamalainagar, India: Annamalai University.
2. வாழ்க்கை பயணம் விக்கி.
Diambil daripada "http://ms.wikipedia.org/wiki/Tulisan_Pallava"
http://ulaathal.blogspot.com/2008/04/blog-post.html
http://www.thinnai.com/?module=displaystory&story_id=60605262&format=print
http://ta.wikipedia.org/wiki/%E0%AE%9A%E0%AF%8B%E0%AE%B4%E0%AE%B0%E0%AF%8D
1. சோழர்கள் - K.A நீலகண்ட சாஸ்திரி - முதல் பாகம்.
2. ↑ சோழர்கள் - K.A. நீலகண்ட சாஸ்திரி - பாகம் இரண்டு - பக்கம் 726
3. ↑ சோழர்கள் - K.A.நீலகண்ட சாஸ்திரி - பாகம் இரண்டு - பக்கம் 727
தமிழர் யார்?...ந.சி கந்தையா ............................சென்னை12.4.46
உலக நாகரிகத்தில் தமிழர் பங்கு. ந.சி.க.............சென்னை1.12.48
-திருவாசகம்,கீர்த்தி திரு அகவல் வரி.27-28
தமிழக ஆட்சி ..........டாக்டர் மா.இராசமாணிக்கனார் . பாரி நிலையம்
http://www.tamilbooks.info/mediareview.aspx?rid=27&bid=VB0000207 Reference:

(1) R.C. MAJUMDAR- CHAMPA: HISTORY & CULTURE OF AN INDIAN COLONIAL KINGDOM IN THE FAR EAST GIAN PUBLISHING HOUSE DELHI – REPRINT 1985.

(2) SANGAM LITERATURE – ETTUTHOKAI & PATHUPPATTU

(3) À¡ñÊÂ÷ ¦º§Àθû ÀòÐ – PUBLISHED BY THE TAMIL VARALATRU KAZHAGAM, MADRAS 1967.
http://en.wikipedia.org/wiki/Zen
¿ýÈ¢: Äñ¼ý ºò ºí¸õ ¦ºö¾¢ Á¼ø. http://www.nilacharal.com/tamil/vietnam_158.html
http://www.visvacomplex.com/main.html
http://kadaaramnet.blogspot.com/ அற்புதன்
http://thamizmandram.blogspot.com/
இணையம்: www.thamizhkkuil.net
thamizayam@googlegroups.com
http://vallinam.com.my/jan09/essay.html நாட்டுக் கோட்டைச் செட்டியாரும் மலாக்கா செட்டி சமூகமும் ஏ.தேவராஜன்
தென்செய்திhttp://www.yarl.com/forum3/index.php?showtopic=40429
சீனாவின் தமிழ்க் கல்வெட்டு

அகத்தியர் கடாரத்தமிழ்ப் பேரறிஞர்டாக்டர் எஸ்.ஜெயபாரதி JayBee http://www.visvacomplex.com/main.html
அகத்தியர். ந.சி கந்தையாபிள்ளை. முதற்பதிப்பு மார்ச்1948 ஆசிரியர் நூற்ப்பதிப்புக்கழகம்.சென்னை
http://noolaham.net/project/48/4725/4725.pdf அலைக்கடலுக்கு அப்பால் தமிழர்கள் தமிழ்வேள் இ.சு.க. குரும்பசிட்டி & இரா கனகரத்தினம்
http://www.thinnai.com/?module=displaystory&story_id=60605262&format=print
கடல்வழி வணிகம்: நரசய்யா: பழனியப்பா பிரதர்ஸ்: கோனார் மாளிகை, 25 பீட்டர்ஸ் சாலை, சென்னை 14 பக்கம் 382 விலை ரூ. 225.
சிந்தனையாளர் தொல்காப்பியர்-லோ.சுப்பிரமணியன். எம்.எ.
http://valavu.blogspot.com/2007/09/2.html
http://www.naalorunool.com/ithazh/sisae/sis/sis061.htm
http://www.tamilheritage.org/thfcms/index.php?option=com_con... - 63k –
http://www.tamilheritage.org/thfcms/index.php?option=com_content&view=article&id=189&Itemid=267
http://vivegamm.blogspot.com/2008_02_01_archive.html - 216k
நன்றி: தமிழ்க்குயிலார் ஆக்கம்:- கோவி.மதிவரன் இடுகை வகை மலேசியாவில் தமிழர்கள்
ஆயிரத்தெண்ணூறு ஆண்டுகட்டு முற்பட்ட தமிழகம் ஆங்கிலமுல நூலாசிரியர் திரு வி.கனகசபை .பி ஏ,பி எல் தமிழாக்கம் திரு கா அப்பாத்துரை எம் ஏ., எல்டி 1962

May 11, 2010

எண்ணப் பதிவு




ஒரு எண்ணம் ஒருமுறை மனதில் தோன்றிவிட்டால் போதும், அது உயிரணுக்களில் பதிவாகி, அவற்றுக்கிடையே பிரதிபலித்து, அந்தப் பிரதிபலிப்பு மீண்டும் பதிவு, மீண்டும் பிரதிபலிப்பு என்றாகி அந்த எண்ணம் மீண்டும் மீண்டும் வந்து கொண்டே இருக்கும். இதுவும் எண்ணத்தின் இயற்கை. எனவே, ஒரு தீய எண்ணத்தை ஒருமுறை உள்ளே விட்டு விட்டால்போதும், மறுபடியும் உதிக்காமல் செய்வது அத்தனை எளிதன்று.விருந்தாளி - வேண்டாத விருந்தாளியேயாயினும் முகத்தைச் சுளித்தால் போய்விடுவார். எண்ணத்தை விரட்ட விரட்டத்தான் மீண்டும் மீண்டும் வரும். விரட்டும் போது நீங்கள் அந்த எண்ணத்தோடு தான் உறவு கொண்டவாறே இருக்கிறீர்கள் என்பதே இதற்குக் காரணம்.அதுமட்டும் அன்று. வெறும் எண்ணம் மட்டுந்தானே, நான் என்ன செயலிலா இறங்குகிறேன்? என்று ஒரு தீய எண்ணத்திற்கு இடங்கொடுத்து விடக்கூடாது. விளைவஞ்சி, அந்த எண்ணத்தின் வழி நீங்கள் செயலில் இறங்காமல் இருந்து விடலாம். ஆனால், எழுந்த எண்ணம் சும்மா போய்விடாது. ஒத்த தரம் உடைய இன்னொருவர் மனதில் நுழைந்து அது தனக்குச் செயலுருவம் கொடுத்துக் கொண்டு விடும். அத்தகு ஆற்றல் பெற்றது எண்ணம்.

யோகிராஜ் வேதாத்திரி மகரிஷி

May 6, 2010

உங்களை வெல்ல வேறு யாரும் இல்லை, உங்களை தவிர.......


நம்புங்கள் நம்புங்கள்
நம்மால் முடியும் - தன்னமிக்கை தொடர்

திட்டமிடல் என்பது வெற்றியின் திறவுக்கோல்

தோல்வி என்பது வெற்றியின் மறுமுனை. தோல்வியை கண்டவன் வெற்றியை காண முடியாது என்பது முயலாமையின் வெறும்பேச்சு. வெற்றிக்கண்டர்வர்களுக்கு ஒவ்வோரு தோல்வியும் பகுத்தறிவு பாடங்கள் வாழ்க்கைப்படிப்பினை. தோல்விகளை உற்று ஆராய்ந்த்தால் தோல்வியின் மறுப்பக்கம் வெற்றி என்பது உங்களுக்கு தெரிந்துவிடும். தோல்விகளை கண்டு துவண்டு விடாமல் தோல்விக்கான காரணங்களை எடைப்போட்டால் வெற்றிக்கான ரகசியங்களை நீங்கள் உணர்ந்தவராவீர்.

வாழ்க்கையில் வெற்றிகண்ட மேதைகளின் கண்களுக்கு அற்ப விஷ்யங்கள் கண்ணுக்கு படுவதில்லை.அவற்றை கடந்து தொலைவில் உள்ள மகத்தான விஷயங்கள் மட்டும் அவர்கள் கண்டார்கள். மனம் தெளிவாகவும் திடமாகவும் ஒரு பாதையை அவர்கள் தேர்ந்தேடுத்த காரணத்தால்.வெற்றி என்னும் கனியை அவர்களால் பறிக்க முடிந்தது.
திட்டமிட்ட வாழ்க்கைமுறை வெற்றியை துரிதப்படுத்தும். திட்டமிடாத நபர்களின் வாழ்க்கை கடினமான உழைப்பு இருந்தும் வெற்றி தாமதப்படும்.தாமதப்படும் ஒவ்வொறு வெற்றியும் தோல்வியின் கதவுகளை தட்டிக்கொண்டிருக்கும்.

சாமர்த்தியமாகவும் சிந்தனை திறத்தாலும் ஒருவன் தன் வாழ்வை ஒழுங்குமுறையோடு அமைத்துக் கொள்பவன் இனிமையின் எல்லையை தொடுவான்.
எனோ தானோ என்று பெரும் வாரியான தமிழர்கள் வாழும் முறை அவர்களின் வாழ்க்கை முறையை தரம் தாழ்த்திவிட்டது.தமிழர்களின் ஒரு சில பிரிவினர்களின் திறைமையான திட்டமிடல் இன்று உலகிலே தலைசிறந்த நிர்வாகிகளாகவும் சிறந்த வணிகர்களாக இருப்பதற்கு காரணம்.எதையும் திட்டமிடப் பழகுங்கள்.

வாழ்க்கையில் முன்னேறி உயர்ந்த நிலையை அடைய முயற்சி செய்யும் எவர் ஒருவரும் தனக்கென ஒரு தகுதியை திறமையை வளர்த்துக் கொள்பவர் யாரும் வாழ்க்கையில் திட்டமிட்ட ஒர் உயர்வு நிலையினை பெற முடியும் என்பதுதான் திட்டவட்டமான உண்மை.
வாழ்க்கை வெற்றிப்பெருவதற்கு இனமோ மொழி நிறமோ வர்க பேதமோ காரணம் அன்று உழைப்பு உழைப்பு உழைப்பு ,உழைப்போடு திடச்சிந்தனை, முயற்சி, திட்டமிடல் இவைதான் காரணம்.

சரித்திரத்தை பாருங்கள் உங்களை வாழ்க்கையை பின்னோக்க செய்வது நீங்கள் திட்டமிடாமல் செய்யும் ஒவ்வொரு செயலும் உங்களை பின்னோக்கி இழுக்கும் வலிய தூக்கு கயிறுதான் என்பதை மறவாதீர்கள்.

திட்டமிடல் என்பது அற்ப விஷயம் இல்லை.அனைத்திற்கும் முலாதாரமே அதுதான்.எதற்கும் திட்டமிடல் தேவை.தனியார் துறையிலிருந்து அரசாங்கம் வரைக்கும் திட்டமிடல் என்று தனியான ஒரு துறையாக வளர்ந்திருக்கும் இன்றைய பொழுது நாம் திட்டமிடாமல் காரியங்களை நகர்த்தமுடியுமா? நிகழ்ச்சி நிரல் என்று ஒவ்வொரு நிகழ்வும் திட்டமிட்டு செயல்ப்பட்டால் ஆகாதது ஒன்றுமில்லை.

திட்டமிட்டு வாழ்க்கையை துவங்குங்கள் ஐயா.சுகமான வாழ்க்கை துலங்கும்

உங்களை வெல்ல வேறு யாரும் இல்லை, உங்களை தவிர.......

இது ஒரு தன்னம்பிக்கை தொடர்.வெகு நாட்களாக எழத வேண்டும் என்று நினைத்துகொண்டிருத்த ஒரு விடயம். காலமும் நேரமும் நமக்காக காத்திருப்பதில்லை.ஆதலால் நுனிந்து எழுத துவங்கியுள்ளேன்.கட்டுரையாய் எழுதுவதைவிட சிறு சிறு குறிப்புக்களாக கொடுத்து தொடரை வரையவுள்ளேன்.நான் படித்த பார்த்த கேட்டு ஆராய்ந்த சில விஷயங்களை உங்களோடு பகிர்ந்துக்கொள்ள உள்ளேன். குறையிருப்பின் மன்னித்து அருளவேண்டும் இச்சிறியோனை.

ஒருவருக்கேனும் எனது கருத்துக்கள் உத்வேகத்தை கொடுத்தால் அகம்மகிழ்வேன். வாழ்க வளமுடன் எனது குருவான வேதாத்திரியை நினைவில் வைத்து இத்தொடரை வரைகின்றேன்


அன்புடன்
மனோகரன் கிருட்ணன்
வாழ்க வளமுடன்

May 2, 2010

தேடலில் விளைந்த தெய்வீகம்




கடல்நீரிலே ஒவியம் வரைந்தேன்
கடற்கரைமணலிலே கரைந்து போனது
கருமேகங்களுக்கிடையே கார்கூந்தலை பினைந்தேன்
கண்ணீர் மழைத்துளியில் களைந்து போனது

இரவுகளின் நிலவெளியில் இனிமை கண்டேண்
இளஞ்சுரியனின் வரவை கண்டு மறைந்து போனது
வானவில்லில் ஒவியங்கள் வரைந்தேன்
வர்ண துரிகையில் தொலைந்து போனது

காலமென்னும் காற்றிலெ தேடலை வைந்தேன்
கார்காலமாய் வாழ்க்கை கடந்து சென்றது
ஒலமிடும் நதியை போல நினைவுகள் ஒய்ந்து போனது
ஒவ்வொரு துளியும் கானலாய் அமிழ்ந்து போனது

மனம் என்னும் தீபத்தை கைகளில் ஏந்தினேன்
மனவளம் ஞானமாய் மின்னியது
எண்ணங்கள் எற்றிவிட வண்ணங்கள் வளர
என்னில் வளர்ந்த மலர்ச்செடியே வேதாத்திரியம்

வாழ்க்கை எது என்று புரிந்து போனது
வாழும் வழி புலர்ந்தது. அன்பும் மலர்ந்தது.
ஆசை தள்ர்ந்தது ஆனாவம் மறைந்தது.
அகிலத்தில் வேதாத்திரியம் உய்ந்தது.