March 30, 2010

புன்னகைப் பூக்கும் மனம் இருந்தால்


வானத்தில் பறக்கும்
சக்தி வேண்டாம்
மண்ணிலே சீராக நடக்கும்
வேகம் வேண்டும்

அலையை கடக்கும்
ஆற்றல் வேண்டாம்
அமைதியோடு வாழும்
அறிவுவேண்டும்

இருளை மாய்க்கும்
துணைவேண்டாம்
ஒளிக்கொண்ட நெஞ்சத்
திறன் இருந்தால் போதும்.

போரிடப் படைவேண்டாம்
புன்னகைப் பூக்கும்
மனம் இருந்தால் போதும்
ஒரு கோடி வெற்றி
உன்னை வந்துச் சேரும்

தோல்வியைக்கண்டு கலங்கும்
குணம் வேண்டாம்
வெற்றியை மதிப்பிடும்
சுய அறிவு வேண்டும்

வாழ்க்கை என்னும்
கடலைக் கடக்க
கருணை வேண்டாம்
தன்னம்பிக்கை என்னும்
துடுப்பிருந்தால் போதும்.

எதிர்க்காலம்
எதுவாக இருந்தாலும்......
எதிர்ப்பார்ப்புக்கள்
எதுவாக இருந்தாலும்.......

வெற்றுக் கொடிகள்
கூட
வெற்றிப் படிகளாக
மாற்றும்
மனோ பலம்
இருத்தால் போதும்
மலையும் மடுவாகும்
கடலும் துருப்பாகும்
நதியும் வழியாகும்.


மனோவியம்
மனோகரன் கிருட்ணன்
Post a Comment