December 22, 2009

நினைவலைகள்


ஒரு மரக்கிளையில்
பூத்துக் குலுங்கும் பூக்கள் போல
வாழ்க்கையின் எண்ணப் பாரிமாணங்கள்
விரிந்துக் கிடக்கின்றன

சிறு பருவத்தில்
ஆடிய நினைவலைகள்
ஓடி வந்து ஒட்டிக்கொண்டன

பள்ளி என்னும் பரந்துப்பட்ட உலகம்
பண்படச் செய்த கால வெள்ளம்
இருண்ட நிலவறையில்
நினைவுகளை வெளிச்சமாக்கி
காலக் கடலை கடந்த போது.......
@@@@@@@@@@@@@

நினைவலைகள்
கடல் பரப்பை பின்னோக்கி
இலுக்கப்பட்டன.
நிர்வாணத்தை தேடிய
கடல் ஜந்துக்கள்
இப்பொழுது அம்மணமாய்......
இரவுகள் அவர்களுக்கு
விடிவது இல்லை....

விரல் நுணிகள்
இப்பொழுது
மணலை
வேதப் பாடச்சாலையாகிவிட்டன.
கடற்கரை மணல் எங்கும்
எமது முன்னோர்களின்
பாத சுவடுகள்
தடம் மாறிக்கிடக்கின்றன.
@@@@@@@@@@@

அது ஒரு இரவுக் காலம்
கிழிச்சல்கள்
வானத்தில் மிண்னும்
நட்சத்திர பூக்களை
பறிக்க
முயன்று தோற்றது.

என்றாவது ஒரு நாள்
வான் பூக்கள்
உதிருமா?
ஏங்கி தவிக்கின்றன......
நிலவுகளை தொட்டுவிட்ட
கரங்கள்
எங்கள் நிலமைகளை
கண்டுக் கொள்வதில்லை....

இறைவனிடம் அனுப்பிய
விண்ணப்பங்கள்
மீளாத் துயிலில்
மிதக்கிறது எங்களின்
கண்ணிர்த்துளிகள்
கடற்கரை ஓரமாய்.......
Post a Comment