November 30, 2009

பால்+உணர்வு


தகப்பன்
இட்ட கழிவு
தாய்
ஏற்ற கழிவு
தன் பங்குக்கு
தானும் இட்ட கழிவு
புனிதம் என்னும்
புது பிறவி எடுத்தது.

தன் கழிவை
பாலாய் ஊட்டி
தன் முற்பிறவி
கழிவையும்
தன் உறவாய் விட்டு

உருவமும் உணர்வும்
தன் கழிவாய் ஈந்து
உயிர் என்னும்
சடப் பொருளை
கழிவாய் தந்து விட்டீரோ.....

மாறாத பதிவை
மோகம் என்னும் சேற்றில்
புதைத்துவிட்டு
செந்தாமரை
பிறக்கவில்லை என்றால்
என்ன நியாயம்?

குடி கோபம் வீரோதம்
காமம் கயமை
இவைகளை
சுக்கில சுரோணிதத்தில்
சேர்த்து வைத்து
கூடி சேர்ந்தால்
பிறக்கும் பதிவு
மனி+இதன் (மனிதன்)
மனி+இதம்
மனிதம் ஆகுமா?

மாறவேண்டியது
பிள்ளைகள் அல்லவே
தாயும் தந்தையும் தான்.....



Post a Comment