December 30, 2009

அவதார்

Beanatar

Mona Avatar Lisa

President Avatar Obama

The Avatar Twiligth

Jessica Albatar

Avatar - Jolie

Avatar watch - Pamela



இறுதியாக
*
*
*
*
*
*
*
*
*

அவதார் பின் லேடன்

December 29, 2009

சுகம் தேடி சுடலையாய் போன சுக வாசிகள்


செத்த பிணங்கள்
வீதி ஓரம்
நடமாடும் பிணங்கள்
தெருவெங்கும்....
பிணக்கூடையில்
நெகிழும் மனித புழுக்கள்
பார்ரெங்கும்.......

உயிர்யிருக்கும் போது
கடித்து குதறும்
ரத்த காட்டேரிகள்

உயிர் இறந்த போதும்
கடித்து குதறும்
பிணம் திண்னும்
கழுகுகள்

சிவனே என்று இருந்தாலும்
சவமாகிப் போகும்
ஜடப் பிண்டங்கள்
மனித பிணங்கள்


ஐம்பூதங்களை
சுமக்கும் பெரும் பூதம் இது
சிவ கணங்களை மறக்கும்
சவ பிணங்கள் இது

வந்த வழிப் பாதை பெருங்காடு
வாழ்க்கை என்னும் சுடுகாடு
கரைந்து போகும் இந்த வாழ்க்கை இடுகாடு
...................... இது மனித நிலை

சடமாய் திரிந்து
சாம்பலை உடல் முழுதும்
பூசி மொழுகும்
நடைப் பிணம்தான்
எத்தனை கோடி
சுகம் தேடி
சுடலையாய் போன
சுக வாசிகள் கோடான கோடி.

இடம் மாறி ஓடும் வாசி
தடம் மாறமல் நின்றால்
சவமாய் நிற்கும்
உடலே சிவம்
சிவமாய் நிற்கும்
உடலே சுட்டேரிக்காத ஜோதி
,,,,,,,,,,,,,,,,,,,,,,,,,,இது இறை நிலை

December 28, 2009

மரத்தடியில் பிறந்த மறத்தமிழர்.-பாவலர் சங்கு சண்முகம்


மரத்தடியில் பிறந்த மறத்தமிழனை நீங்கள் பார்த்ததுணடா? ஆனால் இவர் சோம்பல் முறித்து மரத்தடியில் உறங்கும் மரத்தடி தமிழன் அன்று. நாடி நரபுகளில் தமிழ் உணர்வுகள் மூறுக்கேறியத் தமிழ் தமிழர் என்ற சிந்தனையை தன் ஜீவ நாடியாய் ஒலித்துக் கொண்டிருக்கும் ஒரு தமிழ் நெஞ்சம். நீண்ட நெடிய காலமாய் எழுத்து துறையிலும் பத்திரிக்கை துறையிலும் அனுபவம் கொண்ட எழுபது வயதிலும் இளம் வயது இளைஞனை போல் துள்ளல் நடையும்மாய் சுற்றி திரியும் முதிர்ந்த ஒரு இளைஞர்தான் பாவலர் சங்கு சண்முகம்.

நண்பனில் தொடராக வெளிவந்த சமுக கட்டுரை. மரத்தடியில் பிறந்த மறத்தமிழர்.
“அரை நூற்றாண்டுக்கு மேல் எழுத்தையே சுவாசித்து, அந்த சுவாசிப்பில் உயிர் கொண்டுள்ள பாவலர் சங்கு சண்முகம் அவர்கள் தோட்டத் தொழிலாளர்கள் தம் வாழ்வியலை நன்கு தெரிந்தவர். சஞ்சிக் கூலிகளாக வந்த தமிழ்ச் சமுதாயத்தை மேய்ப்பானாக இருந்து சுகங்கண்ட பலரின் சுயரூபத்தை, நெடுங்கதையை வாசகர்கள் பாவலரின் எழுத்தில் தெரிந்து தெளியலாம்” என்று ஓலைச்சுவடியில் சதிஷ் குமார் முகவுரை எழுதியுள்ளார்.

ஏன் இந்த வீண் விளம்பர புராணம் என்று பார்க்கின்றீர்களா? இருக்கிறது. தமிழ் ஆசிரியர் வட்டம் என்பது எனக்கு ஒன்று புதியது அன்று. சிறு வயது ஆசிரியர் வட்டம் என்பது நமக்கு பள்ளிப் பாடங்களை போதித்த ஆசிரியர் குழுமம். தமிழ் என்ற அறிவு பொக்கிஷத்தை காட்டிய ஆரம்ப அறிவு வட்டங்கள்தான். ஆனால் நாம் இளைஞனாகிய பிறகு நமது நண்பர்களாக சிலர் ஆசிரியர்களாக இருப்பது நமக்கு பெருமைதான். இன்றும் தொடர்ந்துக் கொண்டிருக்கும் உறவுப் பாலம் அது.

திருமண பந்த உறவிலே வந்த என் மனைவி ஒரு தமிழ்ப் பள்ளி ஆசிரியயை. அதுவும் பட்டதாரி ஆசிரியயையாக உருவெடுத்திருப்பது என்பதும் ஒரு வகையில் பெருமைக் கொள்ள வேண்டிய விடயம் தான். அவரின் நண்பர்கள் நமக்கும் நண்பர்கள் தான். அந்த வகையில் ஆசிரியர் வட்டத்தின் அறிமுகம் பரந்த விரிந்த ஒரு உலகம். பல உண்மைகள், பல உணர்வுகள் உடனுக்குடன் பகிர்ந்துக் கொள்ளக்கூடிய வாய்ப்பும் வசதியும் இந்த ஆசிரியர் வட்டம் நமக்கு எற்படுத்தி தருகிறது என்ற உண்மையை மறுக்க முடியாது.

என்னடா இவன் அறுக்கிறான் என்று எண்னி விடாதீர்கள். விஷயத்திற்கு வருகிறேன். என் ஆசிரிய நண்பர் முருகேசு சார் அவர்கள் ஒரு நண்பருடன் என்னை வந்து சந்தித்தார். நான் யாரோ எவரோ என்று நினைத்து விட்டேன். ஏன் என்றால் சாருடன் வந்த அந்த முதிர் இளைஞரை இதற்கு முன் பார்த்ததில்லை, என் நண்பர் இவர் உங்களிடம் சில விஷயங்கள் பேச வேண்டும். என்று சொல்கிறார் என்றார். சிறிது நேரம் உரையாடிய பிறகுதான் தெரிந்தது அவர் தான் பாவலர் சங்கு சண்முகம் என்று.

ஒரு இளைஞரின் எண்ண திடம் அந்த பாவலனிடம் கண்டேன். தனக்கு ஒரு வலைப்பதிவை உருவாக்கி தரவேண்டும். தானும் ஒரு வலைப்பதிவாளனாக உருவாக வேண்டும் என்ற எண்ணத்தை சொன்னார். இன்னோரு விஷயத்தையும் என்னிடம் பகிர்ந்துக் கொண்டார். தன்னுடைய கனவு மரத்தடித் மறத் தமிழரை ஒரு புத்தகமாக வெளியிட வேண்டும் என்ற ஆவாவினையும் வெளிட்டார். 350-400 பக்கங்கள் கொண்ட அந்த கட்டுரையை வெளியிட வேண்டும் என்றால் ஒரு முப்பது ஆயிரம் வரை தேவைப்படும். தமிழர்களுக்கு தேவையான விடங்களை எழுதிருப்பதாகவும், தமிழர் சம்ந்தபட்ட பல விஷயங்களை தொட்டு சிலரை சாடியும் எழுதி இருப்பதாகவும் சொன்னார், ஒரு சிலரை சாடியதை திரும்ப எடுத்து விட்டால் ஒரு வேளை உதவ முன்வரலாம் ஆனால் ,இன்று வரைக்கும் தனது கொள்கைகளை விட்டு கொடுக்கவில்லை. ஒரு பாவலன் என்ற முறையில் எவரையும் தலைவணங்கா குணம். என்பதால் எவரிடம் சென்று என் புத்தகத்தை வெளியிடுவதற்கு உதவி கேட்க முடிவதில்லை.என்றார். உண்மைதான் ஐயா நம்மை போன்ற ஏழைத்தமிழனுக்கு யார் தான் உதவ போகிறார்கள்? உணர்வுள்ள தமிழர்கள் கூடி உதவினால் தான் உண்டு.

நமது வலைப்பதிவாளர்கள் ஒரு இயக்கமாக இயங்கினால் இவரைப் போன்று எத்தனையோ தமிழ் நெஞ்சங்களுக்கு உதவ முடியும். வலைப்பதிவு உலகை அறிவார்ந்த ஒரு இயக்கமாக மாற்றவும் முடியும். இன சமுக மொழிக்கு குரல் கொடுக்கவும் முடியும்.

ஆனாலும் அந்த முதிர் இளைஞனை பார்த்த பிறகு எனக்குள் ஒரு உற்சாகம். கால வெள்ளத்தை கடந்து நிற்கும் அவரின் எழுத்து துறை என்னைப் போன்ற எத்தனையோ இளைஞர்களுக்கு வழிக் காட்டிதான். மரத்தடியில் பிறந்த மறத்தமிழன் மட்டும் அல்ல இன்னும் எத்தனையோ தமிழர்கள் விழி பிதுங்கி வழித் தெரியாமல் கிடக்கின்றனர்.

வாருங்கள் ஐயா அடுத்த முறை வரும்போது உங்களுக்கென்று ஒரு வலைப்பக்கத்தை உருவாக்கிவிடுவோம் என்று கூறி கனிந்த இதயத்தோடு விடைப் பெற்றேன்..

December 25, 2009

சீன உணவு வகை

பல்வகை தனிச்சிறப்பியல்பு கொண்ட
சீன உணவு வகை

இதோ அவர்களின் உண்ணும் சிந்தாந்தம்

கால்கள் உள்ள எவற்றையும் நாம் உண்போம் நாற்காலிகளைத் தவிர, இறகுகள் உள்ள எவற்றையும் நாம் உண்போம் வானூர்திகளைத் தவிர.

அதற்கமைய மீன், கோழி, மாடு மட்டுமல்லாமல் பாம்பு, நாய், தவளை, பல்வேரு பூச்சிகள் என மனிதரைத் தவிர எல்லாவித உயிரனங்களையும் ருசியுடன் சமைக்க சீன சமையல் வழி சொல்கிறது.

வாங்க இன்முகத்தோடு சாப்பிடலாம் ..........













இந்த ஐட்டங்கள் போதுமா இன்னும் கொஞ்சம் வேண்டுமா?

காதல் கவிதை இது



காதல் கவிதை இது
கவிதையின் கரு இது
விழிப் பார்த்த காதலா
மொழிப் பார்த்து பேசுமா

மலையோரச் சாரல்
மலையின் தூறல்
நிலவோர சாரளத்தின்
நினைவுகளின் சாரம்

தடம் மாறிய நிலவை
தழுவப் பார்த்தேன் அன்று
நிழல் போல ஒளியை
நினைத்துப் பார்த்தேன் இன்று

உயிர் மை பார்த்த காதலா இது
விழிப் போன பின்
உயிர் தெளுந்த காதலா இது
விரல் மட்டும் உன்னைச் சுட்டுவதுதேன்

நரம்பறுந்த காதலைக் கொண்டு
நல்வீணையை மீட்டுவது எப்படி
கருக்கொண்ர காதலை நினைத்து
கவிதை வடிப்பது எப்படி

இது இதயம் வடித்த கண்ணீர்
இறுதி மூச்சு கண்ணே நீ
இதயச் சிறையில் வாட்டும்
இதயமில்ல பெண்ணே நீ

December 24, 2009

திருமணமா இல்லை கலைக் கச்சேரியா?



மிருகங்களிடம் நிகழும் இனப்பெருக்கத் தேவைக்கான பாலுறவு என்னும் உயிரியற் செயற்பாடு தொடர்பான பாலுணர்வைத் திருப்திப்படுத்திக் கொள்வதற்காகச் மனிதன் கண்டுபிடித்த சமுக கடப்பாடே திருமணம் என்னும் உறவு பந்தமாகும்.

'திரு' என்பது தெய்வத்தன்மை எனவும், 'மணம்' என்பது இணைதல் எனவும் பொருள்பட்டு, 'திருமணம்' என்பது மேம்மையான தெய்வீகம் வாய்ந்த இணைதல் எனப்படுகின்றது. அதாவது இரு இதயங்கள் இணைவது எனவும் கூறலாம்.

சமுதாய அமைப்பு உருவான பின் நாகரீகம் வளரத் தொடங்கியது. ஆதிகாலத்தில் இருந்த மக்கள், உறவு முறைகளை அறியத் தொடங்கினார்கள்
பாலுறவு அல்லது செக்ஸ் என்பது மனிதன் உணர்ச்சியால் தூண்டப்பட்டு, அன்றாட அல்லது அவ்வப்போது தேவைப்படும் உணர்வுகளில் ஒன்று

ஒருவனுக்கு ஒருத்தி என்ற மனோநிலை மெல்ல மெல்ல ஏற்படத் தொடங்கியது. குடும்பத்தை விரிவாக்கத் தொடங்கிய மனிதர்கள், தங்களுக்கு தாங்களே விதிகளை வகுத்துக் கொண்டு திருமண பந்தத்தை கடைபிடிக்கத் தொடங்கினார்கள்.
பாலுறவுப் புணர்ச்சியை முறையாகக் கையாள்வதற்காகவே நாகரீக சமுதாயம் திருமணம் செய்து கொள்வதற்கு குறைந்தபட்ச வயது வரம்பையும் நிர்ணயித்து தற்போது அது நடைமுறையில் இருந்து வருகிறது.

திருமணம் என்பது மனித இனத்தைப் பொறுத்தவரை ஒரு உலகளாவிய பொதுமையாக இருந்த போதிலும், வெவ்வேறு பண்பாட்டுக் குழுக்களிடையே திருமணம் தொடர்பில் வெவ்வேறு விதமான விதிகளும், நெறிமுறைகளும் காணப்படுகின்றன.

டியூட்டன் எனும் இன மக்கள் திருமணத்திற்குப் பிறகு கணவனும் மனைவியும் ஒரு மாதம் வரை ஒரே கிண்ணத்தில் தேன் அருந்த வேண்டும் என்பது ஒரு சடங்கு. ஆங்கிலேயர்கள் அந்த நிகழ்ச்சியை "ஹனி மன்த்" என்று அழைத்தனர். இது பின்னால் ஹனிமூன் ஆகிவிட்டது.

மாக்வீஸல் தீவில் வசிக்கும் ஒரு பிரிவினரிடையே திருமணத்திற்கு வந்திருக்கும் ஆண் விருந்தினர்களை வரிசையாகப் படுக்க வைத்து அவர்களின் முதுகின் மீது அடியெடுத்து வைத்து நடந்து மணமகன் மணமேடைக்குச் செல்வான். பின்னர் இதர சடங்குகள் துவங்குமாம்.

தமிழர்களின் திருமணம் ஆகம் மரபுச் சடங்குகளுடன் சில சிறப்பு அம்சங்களையும் தழுவி நடைபெறுகின்றன. இச்சடங்குகளை சமய குருக்கள் சமய முறைப்படி நெருப்பு முன்னினையில் இறைவன் ஆசியுடன் நடத்தி வைக்கிறார். திருமண நிகழ்வில் முக்கியமான நிகழ்ச்சி நல்வேளையில் தாலி கட்டுதலாகும். இதனை “மாங்கல்யதாரணம்” எனக் கூறுவர். தாலி கட்டியதும் அப்பெண் “சுமங்கலி” அதாவது திருமணமானவள் என்ற தகுதி பெறுகின்றாள்

மாங்கல்யம் சூட்டும்போது கெட்டிமேளம் கொட்டுவது சபையில் உள்ளோர் யாராவது தும்முதல், அபசகுன வார்த்தைகள் பேசுதல் போன்றவை மணமக்களிற்குக் கேட்கக்கூடாது என்பதற்காகவே ஆனால் இன்றைய நவநாரீக உலகில் அதுவும் மலேசிய தமிழர்களிடம் திருமணத்தன்று கலை நிகழ்ச்சி என்று ஒரு கோமளித்தனத்தை அரங்கேற்றுகின்றனர். திருமணம் என்பது ஆயிரம் காலத்து பயிர். ஒரு புனிதமான அந்த திருமண நேர நிகழ்வில் கலை என்ற போர்வையில் ஒரே காட்டுக் கத்தல். இரைச்சல் இசையை அமைதியாகவும் அதே சமயம் பண்பான முறையில் நடக்க வேண்டிய திருமண வைபவத்தில் அரங்கேற்றுகின்றனர். யார் பேசுவதும் விளங்குவது இல்லை. ஐயர் ஒதுகின்றாரா இல்லை சினிமாவில் டப்பிங் குரலுக்கு வாய் அசைக்கின்றாரா என்று தெரியவில்லை சில சமயங்களில் என்ன மொழியில் பாடுகின்றனர் இந்த பாடகர்கள் என்பது கூட தெரியவில்லை இன்றைய தமிழ் சினிமா பாடல்களில் தெய்விகமான நல்ல வார்த்தைகள இருக்கின்றன?. என்ன கருமாந்திரமோ ? இந்த நிகழ்வுக்கு ஏன் தான் வந்தோம் என்றாகி விடுகிறது. திருமண நிகழ்வினை தவிர்த்து மற்ற விருந்து வைபவங்களில் கலை நிகழ்ச்சியை வைத்துகொண்டால் சிறப்பாக இருக்கும் .

இருமணம் இணையும் திருமண பந்தம் இனிய நிகழ்வாக இருக்கவேண்டும். தமிழர்களின் பண்பாட்டுக்கு தலைகுனிவை எற்படுத்தாத உயர் தனி விழாவாக இருக்கவேண்டும். வாழ்க்கையை தொடங்கும் போது எதற்கு இந்த காட்டுக் கத்தல்? திருமண சடங்கில் தேவையா இந்த சினிமா இசை?

December 22, 2009

நினைவலைகள்


ஒரு மரக்கிளையில்
பூத்துக் குலுங்கும் பூக்கள் போல
வாழ்க்கையின் எண்ணப் பாரிமாணங்கள்
விரிந்துக் கிடக்கின்றன

சிறு பருவத்தில்
ஆடிய நினைவலைகள்
ஓடி வந்து ஒட்டிக்கொண்டன

பள்ளி என்னும் பரந்துப்பட்ட உலகம்
பண்படச் செய்த கால வெள்ளம்
இருண்ட நிலவறையில்
நினைவுகளை வெளிச்சமாக்கி
காலக் கடலை கடந்த போது.......
@@@@@@@@@@@@@

நினைவலைகள்
கடல் பரப்பை பின்னோக்கி
இலுக்கப்பட்டன.
நிர்வாணத்தை தேடிய
கடல் ஜந்துக்கள்
இப்பொழுது அம்மணமாய்......
இரவுகள் அவர்களுக்கு
விடிவது இல்லை....

விரல் நுணிகள்
இப்பொழுது
மணலை
வேதப் பாடச்சாலையாகிவிட்டன.
கடற்கரை மணல் எங்கும்
எமது முன்னோர்களின்
பாத சுவடுகள்
தடம் மாறிக்கிடக்கின்றன.
@@@@@@@@@@@

அது ஒரு இரவுக் காலம்
கிழிச்சல்கள்
வானத்தில் மிண்னும்
நட்சத்திர பூக்களை
பறிக்க
முயன்று தோற்றது.

என்றாவது ஒரு நாள்
வான் பூக்கள்
உதிருமா?
ஏங்கி தவிக்கின்றன......
நிலவுகளை தொட்டுவிட்ட
கரங்கள்
எங்கள் நிலமைகளை
கண்டுக் கொள்வதில்லை....

இறைவனிடம் அனுப்பிய
விண்ணப்பங்கள்
மீளாத் துயிலில்
மிதக்கிறது எங்களின்
கண்ணிர்த்துளிகள்
கடற்கரை ஓரமாய்.......

December 16, 2009

நல்வாழ்வுக்கு பத்து

நல்ல குடும்பத்திற்கு வேண்டிய 10 லட்சணங்கள் குறித்து வேதாத்திரி மகிரிஷி பேசியுள்ளார்।அந்த அறிவுரைகளாவன,

1.நாம் பெற்ற ஞானத்தைப் பயன்படுத்த வேண்டிய இடம் நம் குடும்பமே.

2. கணவன் - மனைவி உறவுக்கு இணையாக உலகில் வேறெந்த உறவையும் சொல்ல முடியாது.

3. குடும்ப நிர்வாகம் செய்வது உங்கள் அறிவாகத்தான் இருக்க வேண்டும். எந்த நிலையிலும் உணர்ச்சிகள் நிர்வாகம் செய்யக் கூடாது.

4. வரவுக்குள் செலவை நிறுத்துங்கள். அது குடும்ப அமைதியைக் காக்கும். வீண் செலவுகள் செய்ய வேண்டாம். அது குடும்ப அமைதியை குலைக்கும்.

5. ஒரு குடும்பத்தில் உள்ள எல்லோருக்கும் பொருளீட்டும் திறன் வேண்டும். அல்லது, பெரும்பாலானோர் பொருளீட்டும் திறன் பெற்றிருத்தல் வேண்டும். சிலர் அதிகமாக சம்பாதிக்கலாம், சிலர் குறைவாக சம்பாதிக்கலாம். எப்படி இருந்தாலும் அதை காப்பது, நுகர்வது, பிறருக்கு இடுவது ஆகிய செயல்களில் சமமான பொறுப்பு வேண்டும்.

6. கணவனுக்குத் தெரியாமல் மனைவியோ, மனைவிக்குத் தெரியாமல் கணவனோ சம்பாதிப்பதும், செலவு செய்வதும், சேமிப்பதும் சரியாக இருக்காது. அது பிரச்சினைகளுக்கு இடம்தரும். மனதில் ஒளிவு மறைவு வைத்துக் கொண்டிருந்தால் அங்கே தெய்வீக உறவு இருக்காது.

7. குடும்பத்தில் அமைதி நிலவ வேண்டும் என்றால் சகிப்புத் தன்மை, விட்டுக் கொடுத்தல், தியாகம் ஆகிய மூன்றையும் கடைப்பிடித்து வர வேண்டும்.

8. பிறர் குற்றத்தைப் பெரிதுபடுத்தாமல் பொறுத்தலும், மறத்தலும் அமைதிக்கு வழிவகுக்கும்.

9. தனக்கு கிடைத்த வாழ்க்கைத் துணையைப் பற்றி யாரும் குறை கொள்ளத் தேவையில்லை. அவரவர் அடிமனமே இதை தேர்ந்தெடுத்துக் கொள்ளும்.

10. நல்ல குடும்பத்தில் நன்மக்கள் தழைப்பார்கள். பிறவிப் பெருங்கடல் நீந்துவதற்கும் குடும்ப அமைதி இன்றியமையாததாகும்.

இந்த 10 அறிவுரைகளை பின்பற்றினால் எந்த குடும்பமும் நல்ல குடும்பம்தான் என்கிறார் வேதாத்திரி மகிரிஷி.

December 14, 2009

மங்கும் மலேசிய தமிழ் வலைப்பதிவுலகம்







ஏனோ தெரியவில்லை இந்த மலேசிய வலைப்பதிவளர்கள் இப்படி தூங்கி வழிகின்றனர்॥ வருடதத்திற்கு ஒரு இடுகை, மாதத்திற்கு ஒரு இடுகை॥வாரத்திற்கு ஒரு இடுகை என்று வலைப்பதிவை அலங்கரின்றனர்.

ஒரு ஊடகமான வலைப்பதிவகம்॥ மலேசிய தமிழ் மக்களின் குரல், குறை நிறைகளை அலசும் அற்புத தமிழ் தளம்। உடனுக்குடன் நமது குரலை உலகெங்கும் ஒளிரச் செய்யும் தொடர்புக் சாதனம். ஒரு மாபெரும் சக்தியை ஒருங்கினைக்க மறுக்கும் தமிழர்களின் பண்பு, தமிழர்களுக்கு ஒரு பெரிய இழப்பு என்று தான் கூறவேணடும். நமது குரல் சக்தி மிக்கதாக இருக்கவேண்டும் எண்றால் தமிழ் வலைப்பதிவுலகம் வீறுக்கொள்ளவேண்டும்..

மலேசியாவில் கருத்துக்கா பஞ்சம்? அரசியல் சமுக நிகழ்வுகளுக்கு என்ன குறைவு, அன்மையில் ஏற்பட்ட தமிழும் தமிழ் இலக்கியமும் பிரச்சனைக்கு கூட ஒரு சிலரை தவிர்த்து பதிவுகளில் பங்கெடுக்காமல் குரல் கொடுக்காமல் ஒதுங்கி நிற்பதின் மர்மம் என்ணவோ?

ஒரு நூறு வலைப்பதிவாளர்கள் இருப்பர்களா என்று சந்தேகம், அதிலே வாரத்திற்கு ஒரு இடுகை என்று எழுதுவர்கள் ஒரு சிலர்।சமுதாய பிரச்சனைகளை கையில் எடுத்து எழுதும் ஒரு சிலரை தவிர்த்து. விரல் விட்டு எண்னக்கூடிய வெகு சிலரே அன்றாடப் பதிவுகளை எழுதுகின்றனர். ஏன் தமிழ் வலைப்பதிவுலகம் கருத்து பஞ்சத்தில் படுத்து விட்டதா என்ன?

மலேசியாவில் முகம் அறியாத எத்தனையோ அறிஞர் பெருமக்கள் நிறைய உண்டு। தமிழ்ச் சாண்றோர்கள் நிறைய உண்டு. தொழிச் சார்ந்த விடயங்களை,இனி என்ன மாதிரியான தொழி வாய்ப்புக்கள்? சமுதாய முன்னேற்றக் கருத்துக்களை முன் வைத்து எவ்வளவோ எழுதலாம். அவர் அவர் கருத்தாக்கங்களுக்கு முதன்மை கொடுத்து எழுதலாம்॥விஷயங்களை பகிர்ந்துக் கொள்வதும் தொடர்பும் தான் இங்கு முக்கியம். ஆனால் மலேசியா தமிழர்கள் வலைப்பதிவாளர்களூக்கு ஏன் இந்த மவுனம்?

வேலை பளுவா? பொருளாதர தக்கமா?அல்லது வலைப்பதிவுகள் சலிப்பு தட்டிவிட்டனவா? நண்பர்களுக்கு மட்டும் பிண்ணுட்டம் இடுவது.மற்றவர் இடுகைகளை நுனிப்புல் போல் மேய்ந்துவிட்டு செல்வது பிண்ணுட்டம் இடாமல் செல்வது. ஒரு சில அதித மேதவிகள் பிண்ணூட்டமா ? அது பாவம் காரியம் என்றும் ஒரு சிலர் பிண்ணுட்ட இடுகையே எடுத்துவிட்டு பதிவுகளை எழுதுகின்றனர். நேரமின்மையா? விட்டுவிடுவோம் எதாவது சிந்தனையாவது உங்களின் பதிவில் பதித்து விட்டு செல்லுங்கள். எங்களின் பதிவுகளை யார் தரம் பிரிப்பது.குற்றங்களை யார் சுட்டுவது?கருத்து பரிமாற்றம் யாரிடம் எதிர்ப்பார்பது? குறை நிறைகளை யார் கூறுவது?
நான் குறைச் சொல்லவில்லை அலுவல் ஆயிரம் இருக்கட்டும், உங்களின் கருத்துக்கள் எங்களை போன்ற புதிய பதிவாளர்களை உருவேற்றும், உருவாக்கும்। உங்களின் வார்த்தைகள் தான் எங்களுக்கு வேத வாக்கு.

இந்த வேளையில் சில நண்பர்களை நினைத்து பார்க்கின்றேன்,குறிப்பாக வாழ்க்கை பயணம் விக்கி படைப்புக்கள் எங்கே? இப்பொழுது எல்லாம் இடைஇடையில் காணமால் போய்விடுகின்றார்। நண்பர் தமிழ்ப் பூங்கா சிவனேசு ஏன் அழ்ந்த நித்திரை? கனவு மொழி மலர்விழி. கவித்தமிழ் கிருஸ்ணா॥தமிழ்ழுயிர்.தமிழ் ஆலயம்.,நீல விழி, மலேசியத் தமிழன். நண்பர் அகிலன் .விவேகம் மற்றும் சிலரின் பதிவுகள் இடைவெளிவிட்டு தான் வருகின்றன. என்ன காரணம் என்று தெரியவில்லை.

அதே வேளையில் வழமையாய் பதிவிடும் நனவுகள் ஐயா நம்பி அவர்கள், கருத்து மேடைதமிழரண், திருந்தமிழ் சுப.நற்குணம், அன்பர் திருநெறி, கே..பாலமுருகன்.தமிழ் மருதம் ,ஒலைச்சுவடி. இன்னும் சிலரின் பதிவுகளால் மலேசிய தமிழ்ப் வலைப்பதிவுலகம் ஒளிர்ந்துக் கொண்டிருக்கிறது .இங்கு ஒன்றைச் சொல்ல வேண்டும் .ஒரு மாறுப்பட்ட ஒரு மனிதர் நமது வலைப்பதிவில் உலா வருகின்றார். பிண்ணுட்ட வள்ளல் தமிழ் வாணனின் குரல் எங்கும் ஓங்கி ஒலிக்கிறது. வாழ்க மலேசியா தமிழ் வலைப்பதிவுலகம்..

வாழ்க்கை



சித்தம் தெளிந்து சொன்னால் சித்தாந்தம்
தெளிவில்லாமல் சொன்னால் வேதாந்தம்?
சிந்தித்து கேள்வி எழுந்தால் சித்தன்
தெளிவுகளை தேடி அலைந்தால் புத்தன்?

சினம் உடையோருக்கு தவம் கிடையாது
மனம் உடையோருக்கு மாதவம்தான் வாழ்க்கை
நல்ல குணம் அடை யாருக்கு நல் வாழ்க்கை ஏது?

கணவன் மனைவி புனித உறவு
ஊடலும் கூடலும் தேடலும் தேவையும்
சார்ந்த உறவு

உறவிலே தெளிவு நிலை
அதுவே துறவு நிலை
உள்ளன்பிலே உயர்ந்தநிலை
அதுவே இல்லற இனிய நிலை

வாழ்கையை துறப்பது அல்ல துறவு
மன குப்பைகளை துறப்பது துறவு

வாழ்க்கையை சுமக்கின்றோமா?
வாழ்க்கையை சுவைகின்றோமா?
வாழ்க்கை சுகப்படவேண்டும்
வாழ்ந்து பார்க்க வேண்டிய
வாழ்க்கையை வாழ்வதில்லை ஏன்?

வாழ்க்கையில் சலனப் படக்கூடாது
வாழ்க்கை சமப்படவேண்டும்
கணவன் மனைவி உறவு
சமரசப்பட வேண்டும்
சமர்சீர்ப்படும் வாழ்க்கை
சாகா வசப்படும்

குடும்பம் என்றால் இன்பத்தை கொடு
குடு + இன்பம் = குடும்பம்
இன்பத்தை பிறறுக்கு குடுக்காத நீ
இன்பத்திற்கு ஏங்குவது ஏனோ?

வாழ்க்கை ஒரு போதனை மார்க்கம் அல்ல
வாழ்க்கை அறிவு சார்ந்த சாதனை மார்க்கம்





December 11, 2009

போகிற போக்கிலே.......




தமிழுக்கு தமிழனே உயிராம் - அந்த
தமிழுக்கு தமிழனே தூக்கு கயிறாம்.

இந்த கவிதைவரிகளை புரிந்துக் கொள்வதற்கு தேவையில்லை பிரம ரகசியம்। சாதாரண பாமர மக்கள் கூட புரிந்திக்கொள்ளக் கூடிய ஒரு அருமையான அற்புதமான ஒரு கவிதை வரிகள்। இதிலே வருத்தபட வேண்டிய விடயம் என்னவென்றால் தமிழனை உயர்த்தியோ புகழ்ந்தோ எழுதப்பட்ட கவிதை வரி அல்ல. தமிழனின் வாழ்வு நிலையின் விளிம்பில் உள்ள குறைப்பாடுகளை சுட்டும் ஒரு கருத்தாழம்மிக்க உண்னதமான கவிதை படைப்பு, இன்றைய தமிழனின் இழிநிலை குணப் பண்புகளை கூறுப்போட்டுக் காட்டுவதற்கு இந்த கவிதையைவிட வேறு எதுவும் சிறப்பாக எனக்கு தோன்றவில்லை.

தமிழர்களின் ஞாயிறு என்று போற்றப்பட்ட பெரியார்.தமிழர்களின் குணப்பண்புகளை கடிந்து ஏசியும் பேசியும் தன் வாழ் நாளில் பெரும் பங்கை தமிழர் வாழ்வியலின் பாங்கை மற்றுவதற்கு முயன்ற அந்த தகைமையோன் தமிழனை பார்த்து இவர்கள் “காட்டுமிராண்டிகள்” என்று கூறு அளவுக்கு தமிழர்களின் இழி குணப்பண்புகூறுகள் மிகுந்திருந்தது.
சுயநலம் மிகுந்த சில தமிழர்களால் தமிழுக்கு கேடு என்றால் எவ்வளவு உண்மை என்று கேட்டும் தமிழர்கள் நம்மிடம் உண்டு। இன்று ஊடகங்களிலும் வலைப்பதிவிலும் பாரபரப்பான விடயம் என்னவென்றால் தமிழும் தமிழ் இலக்கியமும் இந்த நாட்டிலே இருக்குமா இல்லை இருக்கமுடியுமா என்ற கேள்விக் கணனைகளுடன் நடைப்பயில்கின்றன.

சில ஆண்டுகள் வரை மலேசியர்கள் அதிக மொழிகளை பயில்வதற்கு ஊக்குவிகப் பட்டார்கள்। நாடு உலகமய கொள்கையில் ஆட்ப்பட்டு மலேசியர்கள் உலக முன்றேன்றத்தில் பின் தங்கிவிடக்கூடாது என்ற காரணத்தால் மலேசியர்கள் பன்மொழி புலமை அவசியமான ஒன்றாக இருந்தது. திடிர் என்று யார் கண் பட்டதோ அல்லது யாரிடம் ஞானனோதயம் பெற்றார்களோ தெரியவில்லை. நமது மொழியை இருட்டடிப்பு செய்யும் வேலையில் இறங்கிவிட்டார்கள். தமிழ் மொழியும் தமிழ் இலக்கியமும் கணக்கில் எடுக்கப்படாது என்று சொல்லப்படுகிறது.

ஒரு மொழி கல்வி நிலைக்கு தேவை இல்லை என்னு நிலைக்கு உட்படுத்தப்டும் போது அப்பொழுதே அம்மொழி செத்த மொழியாகிவிடும்। தரங்கெட்ட சில மொழிகள் தேவையின் அடிப்படையில் உயர்ந்து நோக்கும் போது பல அறிவு பொக்கிஷங்களை தாங்கி நிற்கும் தமிழின் இழி நிலைக்கு யார் காரணம்?

தமிழர்களாகிய நாமே நமக்கு குழிவெட்டிக் கொள்கின்றோம்। தமிழின் அருமையை உணராமல் தமிழில் உள்ள அறிவு பொக்கிஷத்தின் பெருமை உணராமல் அதன் ஆழத்தை ஆராயாமல் நாம் மாக்களாக வாழ்கின்றோம். தமிழ் மொழியில் என்ன குறை? தமிழர்களாகிய நாம்தான் குறையுள்ளவர்களாக வாழ்கின்றோம். நாம் பணத்தலும் நல்ல பண்பாலும் நல்ல தொழில்முணைவர்களாகவும் படிப்பில் சிறந்தவர்களாக வாழ்ந்தால் தமிழும் உயரும். சாமணியர் என்ற ஒரு வலைப்பதிவாளார், நண்பர் தன் குழந்தை செல்வங்களுக்காக தன் கட்டிகாத்த அந்த தொழிலையே விட்டு விட்டு தன் பிள்ளைகளின் படிப்பிற்காக தரைவார்த்திருக்கின்றார், இன்று அவர்களின் பிள்ளைச் செல்வங்கள் அறிவிற்ச் சிறந்த வல்லுணர்களாக பார்க்கிறார். இப்படிப்பட்ட ஒரு திடச் சிந்தனை நமக்கு தேவை. வரப்பு உயர்ந்தால் நெல் உயரும், தமிழர்கள் பொருளாதரத்தில் உயந்தால் தமிழும் மற்றவர்கள் பார்வையில் தலை நிமிரும்.

ஆனால் தமிழந்தான் தமிழுக்கு தூக்கு கயிறாம்.எப்படி என்கிறீகளா? இந்த நாட்டிலே தமிழ் தலைநிமிர்ந்து நிற்கிறது என்றால் தமிழ்ப் பள்ளியால் தான்.அந்த தமிழ்ப் பள்ளியில் நடக்கும் அட்டுழியங்கள், சுது வாது சொல்லி மாளாது. சிலரின் ஆணவ போக்கு அதிகார திமிர் தமிழ் பள்ளியை குழி தோண்டி புதைத்துவிடும். பாவம் ஐயா தமிழ்ப் பள்ளி ஆசிரியர்களும் மாணவர்களும். புதைக்குழியில் மாட்டிக் கொண்டு புழுவாய் நெகிழ்கின்றனர்.
தமிழ்ப் பள்ளி வாரியம் என்று புதிதாக அமைக்கப் பட்ட ஒரு அமைப்பு। அதை குறை சொல்லவில்லை. அதன் பெயரில் சில தமிழ் பள்ளியில் அந்த பள்ளியின் வாரியத் தலைவர் என்று சொல்லி சிலர் பேசும் பேச்சு இருக்கிறதே.,என்ன வென்று சொல்ல? ஒரு நிகழ்வின் திறப்பு விழாவில் வாரியத் தலைவர் பேசுகின்றார் பிள்ளைகளிடம் “ நீங்கள் பெரியவர்களை அடித்தால் ( அதவாது ஆசிரியர்கள்) அது போலிஸ் கேஸ் இல்லை....ஆனால் பெரியவர்கள் உங்களை அடித்தால் அது போலிஸ் கேஸ் என்று, உருப்படுமா இந்த தமிழ்ச் சமுதாயம்?

மாணவர்களிடம் இப்படிப்பட்ட போதனை ஆசிரியர் சமுதாயத்திற்கு பெரிய தலைகுனிவு. இப்பொழுதே ஆசிரியர்களை மதிப்பதில்லை மாணவர்கள் சிறிது அதட்டி பாடம் சொல்லிக் கொடுத்தால் போதும் பூகார் போலிஸ்வரைக்கும் போய்விடுகிறது. தாய் தந்தையின் மிரட்டல் வேறு..சரி இந்த தொல்லை வேண்டாம் என்று மண்ணிப்பு கேட்டாள், அந்த மாணவர் தன் சக மாணவனிடம் “எங்கப்பா அம்மாவும் அந்த டிச்சரை நல்ல ஏசுனாங்க” என்று சொல்லி அசிரியரை ஏளானமாக பார்க்கும் பார்வை இருக்கிறதே ஏன் தான் இந்த தமிழ் பள்ளிக்கூடத்தில் சொல்லி தருகின்றேன் என்ற எண்ணம் தான் எற்படுகிறது.எத்தனை ஆசிரியர்கள் அவமானத்தில் கூனிக்குறுகி நிற்கின்றனர்?

சில பெற்றோர் ஆசிரியர் சங்கம் சில குண்டர் கும்பலை போல் நடத்தப் படுகிறது। மூன்று நான்கு பள்ளியுடன் இனைந்து ஒரு தொடர்பை ஏற்படுத்திக் கொண்டு கூடிவிடும் இவர்கள்,அது மட்டும் இல்லை ஆசிரியர்களை மிரட்டி அடிக்கும் அளவுக்கு போகிறது. தங்களுக்கு பிடிக்காத ஆசிரியர் இருந்தால் அவர்களின் மாலை நேர வகுப்பை கூட மேல் நிலை கல்வி அதிகாரிகளிடம் புகார் செய்து அவர்கள் வந்து விசாரிக்கும் அளவுக்கு கயமையோடு வாழ்கின்றனர்.சுயநலம் மிகுந்து செயல்படும் இவர்களே போது தமிழை அழிக்க॥

இப்பொழுது சொல்லுங்கள் தூக்கு கயிறு யாருக்கு?.பலமும் பலவீனமும் யாரிடம் இருக்கிறது?

அல்கிசா லனுன்.......


உண்மைகளை சொன்னால்
உறுத்தும் இவர்களுக்கு
ஊமைகளாய் இருந்தால்
உத்தமர்கள் என்பார்கள்

உரிமைக்காக போராடினால்
உதவாக்கரை என்பார்கள்
உணர்விழந்து நின்றால்
உருப்படுவாய் வா என்பார்கள்

மொழிக்காக விறுக்கொண்டால்
வாய் பேசும் வாயாடிகள்
குரைக்கும் நாய் என்பார்கள் - நாம்
வாய் மூடி இருப்பதோ இவர்களின் சுகம்?

நம் ரத்தம் இவர்களுக்கு சுண்டக்காய்
இவர்களின் ரத்தம் பொடலங்காய்?
ரத்த வெறிப் பிடித்த பேய் கூட்டம்
ஓதுவதோ உத்தமர் கோசம்

உத்தமர் ரத்தமா - இல்லை
ஒருவர் ரத்தமா உங்களுடையது
கலந்து ஒடும் சாக்கடை நீ
கரைந்து அழைப்பது எங்களை ஏன்?

திருக் கூட்டமா இது - கடற்
திருடர்க் கூட்டம் எங்கும்
திருந்தா கூட்டம் இது - மதி
திருந்தா மடமையர் கூட்டம்

நம் உணர்வினை சொன்னால்
நம்மை மதிக் கெட்டவர் என்பார்
மாற்றுக் கருத்துச் சொன்னால்
மடையர் கூட்டம் என்பார்

வார்த்தைகள் வேண்டாம் - இனி
வாக்கு மட்டும் போதும்
சிதைந்தது போது - இனி
சிந்தித்திட வேண்டும்

சுகந்திர நாட்டில் ஏன் இந்த தடை?
பேசித் தீர்க்க முடியாத?
ஏசினால் தான் உனக்கு முடியுமா?
குரைத்தால்தான் உனக்கு நிம்மதி?
வெறிப் பிடித்த நாய் ஜைனி......(சனி.)
எங்கள் வேதனை எப்படி புரியும் உனக்கு?

December 9, 2009

ஊசியில் ஒரு வாழைப்பழம்







1 சத்து  மலேசியா

 ஒரே கோட்பாடு  அனைவருக்கும்
ஓங்கும் மலேசிய உயர்க் கோட்பாடு
அனைத்து மலேசியருக்கும்
அருமையான கோட்பாடு
இங்கு இல்லை வேற்றுமை
இதுவே 1 சத்து மலேசியா

ஏழ்மை அற்ற சமுதாயம்
ஏழ்மையை ஒழிக்கும்
ஏகாந்தக் கோட்பாடு
அடுத்த நூற்றாண்டு
அழைத்துச் செல்லும்
அற்புதக் கோட்ப்பாடு

அனைத்து மலேசியர்கள்
 அனைவரும் மண்னின் மைந்தர்கள்
அடிமை என்று யாரும் இல்லை இங்கு
அம்புன் துவாங்கு  அதுதான் எங்களின் தாரக மந்திரம்

இன வேற்றுமை இல்லை இங்கு
 மொழி வேற்றுமை இல்லை  இங்கு
மத வேற்றுமை இல்லை  இங்கு
மலாய் சாதிக்கு  யாருமே சமம் இல்லை.

வேலையில் பாகுபாடு இல்லை
வேலைக் கொடுப்பதில் பாகுபாடு இல்லை
 கடன் வாங்குவதில் பாகுபாடு இல்லை
கடன் கொடுப்பதில் பாகுபாடு இல்லை

எங்கும் ஒரே  1 மலேசியா கோட்பாடு
ஏகாந்த    கோட்பாடு  அதுவே எங்களின் கூப்பாடு

அனைவரையும் அழைத்து செல்வோம்
அனைவரையும் அரவனைத்து செல்வோம்
அழித்து விட்டு செல்வோம் தமிழை
அடித்து விட்டு செல்வோம் தமிழனை
இதுவே எங்களின் நிலைப்பாடு

இதுவே சத்து மலேசியா
 இனவாதமற்ற கோட்பாடு
 ஊசியில் ஒரு வாழைப்பழம்
உண்பதற்கு ஏற்ற ஏற்பாடு


பாரினிலே சிறந்த நாடு
மலேசியா பார்ப்புகழ் பெற்ற நாடு
இட்லர்கள் மறைந்து வாழும் நாடு
இடி அமின்கள் நிறைந்த நாடு.








December 7, 2009

உண்மைகள்



உண்மைகள்
புதைகின்ற போது
எனது
உள்ளமும் உடைகின்றன
வலிகளின் வேதணை
விழிகளின் வழியில்
வினோதமாய்
விம்மி அழுகின்றன

இருளிலே
மறைந்தும் மறையாமல்
தெரியும்
உள்முக கண்ணாடி
பிம்மத்தின்
உணர்ச்சி வேகத்தில்
போக்கற்றுப் போனது
நிஜங்களின் விழிகள்

என்றாவது ஒரு நாள்
உண்மைகளின் உரு
நிஜத்தின் கருக்களாய்
நிழல்களின் விளிம்பில்
ஒளிரச் செயும்

அப்பொழுது
புதைந்து போன
வேசங்கள்
தோண்டி எடுக்கப்படும்
இறந்துப் போன
நிஜங்கள்
பூமியின் பிம்மத்தில்
விரிச்சமாய் விரிந்து நிற்கும்
மனோவியம்
@மனோகரன் கிருடணன்.

December 5, 2009

எங்கள் ஈழத்து உறவுகள்



விழி ஒரத்தில்
வழிந்தோடும் நினைவலைகள்
கால வெள்ளத்தில்
கரைந்து போன
மண் சட்டிகளாயின

சிறகு முளைத்த
என் மன எண்ணங்கள்
சிறக்கடிக்க மறுகின்றன.
வெறுமைகளை சுமக்கவும் மறுக்கின்றன

உணர்ச்சி பிம்மமாய்
என் நெஞ்சம்
ஓங்கார குகையின்
ஓசையின் வெளிபாடு
என் மன எரிமைலையாய்
கனந்துக் கொண்டிருக்கிறது

உணர்வுகளின் வீக்கத்தில்
என் நாடி நரம்புகள்
ஏனோ வீர்விட்டுக் கிடக்கிறது

மலுங்கி மக்கையாகி போன
எங்கள் உறவுகள்
பிண கட்டையாய்
நடைப் பயில்கின்றன

பிண வாடை
உடல் எங்கும் வீசுகின்றன
மனிதம் என்னும்
வார்த்தை மட்டும்
இங்கு
தொலைந்து போனது ஏன்?

December 3, 2009

தமிழ் இலக்கியத்திற்கு இங்கு என்ன கைவிலங்கா?


‘சாவிலும் தமிழ் படித்தே சாக வேண்டும்

சாம்பலும் தமிழ் மணந்தே போக வேண்டும்” --

என்ற ஒரு சாகா கவிதை வரி உண்டு।


தமிழனின் தமிழ் உணர்வுக்கும் தாய் மொழிப் பற்றுக்கும் ஒரு சிறந்த உதாரணம்। தமிழுக்கு அமுதென்று பேர் ॥ அந்த தமிழ் எங்கள் உயிறுக்கு நிகர் பாவேந்தர் பாரதி தாசனின் உணச்சிக்கவிதையும் உண்டு..தமிழர்களுக்கு தமிழ் உயிரைப் போன்றது. உன்னதமானதும். நீண்ட இலக்கிய மரபைக் கொண்டதும் தமிழ் மொழி.


“தமிழை பழித்தவனை தாய் தடுத்தாலும் விடேன்” என்ற பழம் மொழி தமிழர் வாழ்வியலில் சார்வசாதரணமாக காணலாம்। தமிழை தடுப்பது, தடைச்செய்வதும் தமிழரை அழைக்கும் போர்க்குரல் போன்றது। தமிழையும் தமிழனையும் பழித்த காரணத்தால் சேரன் செங்குட்டுவன் வடவரை வென்றான் என்னும் சரித்திர குறிப்பு இருக்கிறது.


ஆனால் மலேசிய நாட்டில் தமிழுக்காக காலம் காலமாக நாம் போராடிக் கொண்டு இருப்பது ஒரு வழமையான நிகழ்வாகி விட்டது। தமிழ்வேள் கோ சாரங்கபாணி ‘தமிழ் எங்கள் உயிர்” என்று போராடினார்கள். எந்த நாடாக இருந்தால் என்ன, தமிழனம் அங்கே முன்னேற வேண்டும். அங்கே தமிழ் மொழி மேம்பட வேண்டும். தமிழ் மொழிக்கு மதிப்பு ஏற்படுத்த வேண்டும். இப்படி போராடி போராடி தமிழை நிலைநிறுத்துவது என்பது தமிழுக்கு ஒரு போராட்ட களமாகிவிட்டது.


தேர்தலில் பலத்த அடிவாங்கிய அவர்கள் திட்டம் தீட்டி ஒரு செயல் முறையை வகுத்து தமிழர்களை பழிவாங்ப் பார்க்கின்றனர்। சில மாதங்களுக்கு முன் மலாயா பல்கலைகழகத்தில் தமிழை எடுக்க பார்த்தனர்.இப்பொழுது ஒட்டு மொத்த தாய் மொழிக் கல்வியான தமிழ் இலக்கியத்தின் அடிமடியில் கைவைக்கின்றனர். ஏன் இந்த கயமை இவர்களுக்கு?


மலேசிய சட்டத்தில் தாய் மொழி கல்விக்கு இடம் உண்டு. பின் ஏன இவர்கள் பின்புற வாசல் வழியாக வந்து நமது தமிழ் மொழியை அழிக்கப் பார்கின்றனர்?


இவர்களின் கூப்பாடு எல்லாம் “1 மலேசியா” என்பது। ஆனால் செயல் பாடு எப்பொழுது மற்றவர்களை பிரித்து பார்ப்பதுதான். “எஸ்பிஎம் 10 பாடங்கள் தான், முடிவில் மாற்றம் இல்லை” கல்வித் தலைமை இயக்குநர் திட்டவட்டம்”என்ற அறிக்கை மக்கள் ஓசையில் வெளிவந்தது. என்ன இருமார்ப்பு. தமிழர்கள் என்றால் இவர்களுக்கு கிள்ளுக் கீரை என்ற நினைப்பா? தமிழர்களுக்கு மறதி அதிகம். நேற்று அவர்களுக்கு இழைத்த துரோகத்தை இன்று மறந்து விடுவார்கள் என்பதனால இல்லை இந்த காதில் வாங்கி அந்த காதில் விட்டுவிடும் சொரனைக் கெட்ட தனத்தினாலா இவர்கள் எல்லாம் நம்மிடம் விளையாடிப் பார்க்கின்றனர். தமிழுக்கு போராடி தலையிந்த எத்தனையோ தமிழ்ச் சகோதர்கள் நம்மிடமும் உண்டு என்பதை இந்த குள்ள நரிகளுக்கு தெரிவதில்லை போலும். மானம் காத்திட எதிரியின் வேலை மார்பில் ஏந்தி மாய்ந்தவர் கோடி நம்மினத்தில்.


தமிழர்களிடம் ஒரு கெட்ட குணம் உணச்சிக்கு இடம் கொடுத்து அறிவை மழுங்க செய்வோம்। உணர்சியோடு அறிவும் இனைந்து காலவெள்ளத்தையும் கடந்து தமிழ் மொழியையும் தமிழ் இலக்கியத்தையும் காப்பொம். உணர்ச்சி பெருக்கால் இன்று கழுதையை போன்று கத்திவிட்டு நாளை மூலையில் சுருண்டு படுப்பது முறை அன்று, தமிழ் என்ற அந்த உயிர் உணர்ச்சிக்கு என்றுமே ஜீவ நாதமாய் ஓங்கார சத்தமாய் நமது உள்ளத்தில் ஒலித்துக் கொண்டிருக்கவேண்டும்.


இனிய தமிழை இனைந்து காப்போம்

உயிர்த் தமிழை உணர்ந்து காப்பொம்
இதோ எனது கவிதை வரிகள் படித்துதான் பாருங்களேன்........

சோம்பல்முறித்தது போதும்மடா தமிழா ! உன்
சேதி என்ன வேன்று கூறு...
சாதிவெறி போதும்மடா - தமிழ்ச்
சாதி நீ என்று கூறு.....
கூடிச் சேர்ந்திட வேண்டும் - தமிழர்
கூற்றவன் கூட தமிழைப் பழித்தால்
கூடி உதைத்து பந்தாடிட வேண்டும்மடா.....


@மனோகரன் கிருட்ணன்.

December 2, 2009

தமிழா!


தமிழா !
நீ உறங்கும் போது
உன் விழிகளை
பிடுங்கப்பார்கின்றனர்...

நீ
ஊமையாய் வாழும் போது
உன் மொழியை
புதைக்கப் பார்க்கின்றனர்

தமிழா !
நீ நடக்க மறுக்கும் போது
உன் கால்களை
உடைக்க பார்க்கின்றனர்

நான்கு தலைமுறை
கண்ட நீயே
நடுத்தெருவில்........

உன்
தமிழையா
இவர்கள் காக்கப் போகின்றார்கள்?

மாறப்போவது இவர்கள் இல்லை
மாறவேண்டியவன் நீ தான்,,,,,,,,,



November 30, 2009

பால்+உணர்வு


தகப்பன்
இட்ட கழிவு
தாய்
ஏற்ற கழிவு
தன் பங்குக்கு
தானும் இட்ட கழிவு
புனிதம் என்னும்
புது பிறவி எடுத்தது.

தன் கழிவை
பாலாய் ஊட்டி
தன் முற்பிறவி
கழிவையும்
தன் உறவாய் விட்டு

உருவமும் உணர்வும்
தன் கழிவாய் ஈந்து
உயிர் என்னும்
சடப் பொருளை
கழிவாய் தந்து விட்டீரோ.....

மாறாத பதிவை
மோகம் என்னும் சேற்றில்
புதைத்துவிட்டு
செந்தாமரை
பிறக்கவில்லை என்றால்
என்ன நியாயம்?

குடி கோபம் வீரோதம்
காமம் கயமை
இவைகளை
சுக்கில சுரோணிதத்தில்
சேர்த்து வைத்து
கூடி சேர்ந்தால்
பிறக்கும் பதிவு
மனி+இதன் (மனிதன்)
மனி+இதம்
மனிதம் ஆகுமா?

மாறவேண்டியது
பிள்ளைகள் அல்லவே
தாயும் தந்தையும் தான்.....



November 26, 2009

அனுபவம்

வைரஸ் நீக்க மென்பொருளில் ஒரு தமிழரின் சாதனை।

இரண்டு முன்று நாட்களாக எனது அலுவலக கணிணீ வழியாக சுப.ந்ற்குணம் ஐயா அவர்களுக்கு அவர்களுக்கு எனது மறுமொழியை அனுப்பிக்கொண்டிருந்தேன், எதோ ஒரு காரண்த்தால் அனுப்பமுடியாமல் இருந்தது। ஆனால் மற்றவர்களுடைய் பதிவுகளுக்கு என்னால் மறு மொழி இடமுடிந்தது।அதையே என் வீட்டுக் கணினீயில் இருந்து சில கருத்துக்களை அனுப்பினேன்।ஏற்றுக் கொண்டது।அலுவலகத்தில் இருந்த்து அந்த சில கருத்துக்களை அனுப்பினேன் முடியவில்லை।எனக்கு புரிந்து விட்டது ।யாரோ அனுப்பிய வைரசின் தாக்கம் என்று,

தற்ச்செயலாக என்கண்ணில் பட்டது இந்த அகப்பக்கம்.....சரி முயன்று பார்ப்போமே என்று நினைத்து வின்மணி என்ற இந்த செயலியை எனது கணிணீயில் ஒடாவிட்டேன்। மறு படியும் வந்து எற்கனவே அனுப்பிய் முடியாமல் போன் பின்னுடத்தை மறுபடியும் அனுப்பினேன் என்ன அற்புதம் எனது கருத்து சுப நற்குணம் ஐயா அவர்களின் வலைப்பதிவுக்கு சென்று சேர்ந்தன। எனது உண்மையான அனுபவம்।

இதோ அந்த வலைப்பக்கம்......நீங்களும் சென்று உலா வாருங்கள்....
link;http://www.winmani.com/

ஆச்சர்யமாக இருக்கிறது, வின்மணி வைரஸ் நீக்க சேவைக்கு கிடைத்து வரும் வரவேற்பை பார்க்கும் போது. இதனை உருவாக்கியவர் கேட்டுக்கொன்டதன் பேரில் அதிக எதிர்பார்ப்பு இல்லாமல் ஒரு அறிமுகமாகவே இந்த சேவை பற்றி எழுதியிருந்தேன்.
இந்த பதிவை படித்துவிட்டு பல வாசகர்கள் வின்ம்ணி வைரஸ் சேவையை பயன்படுத்திவிட்டு அது மிகச்ச்சிறப்பாக இருப்பதாக தெரிவித்து வருகின்றனர்। அவர்களின் உற்சாகமான பின்னூட்டம் மூலமே வைரஸ் நீக்க சேவை மகத்தானதாக இருப்பதை புரிந்து கொள்ள முடிகிறது. ஒரு சிலர் இதன் முழு வடிவத்தை கேட்டுள்ளனர். இன்னும் சிலர் இது லேப்டாப்பில் சிறப்பாக செயல்படுவதாக குறிப்பிட்டுள்ளனர்.

சந்தையில் வைரஸ் நீக்க மென்பொருள் பல இருக்கின்றன். என்னினும் எதையும் முழுமையானது என சொல்ல முடியாது.அப்ப‌டியிருக்க‌ ஒரு த‌மிழ‌ரால் உருவாக்க‌ப்ப‌ட்ட வைர‌ஸ் நீக்க‌ மென்பொருள் ப‌ன்னாட்டு நிறுவன‌ தாயாரிப்புக‌ளை மிஞ்ச‌க்கூடிய‌தாக‌ இருப்ப‌து ம‌கிழ்ச்சியை த‌ருகிற‌து.
இந்த‌ மென்பொருளின் பின்னே உள்ள‌ நாக‌ம‌ணி என்ப‌வ‌ர் த‌ன்னைப்ப‌ற்றி அட‌க்கத்தோடு குறிப்பிட்டுள்ள‌தை இங்கே த‌ருகிறேன்।–

”இன்று தான் அனைத்து பின்னோட்டங்களையும் பார்த்தேன். முதன் முதலில் இந்த
தமிழனுக்கு மதிப்பளித்து ஒரு பதிவு தந்தீர்கள், என் நோக்கம் அனைவருக்கும் இலவசமாக இது கிடைக்கவேண்டும் என்பது தான்। இந்த வைரஸ் ரீமுவர் பற்றி விரிவாக கேட்டு இருந்திர்கள் சொல்கிறேன்॥என் பல வருட கனவு ஒரு முழுமையான ஆண்டிவைரஸ் கொடுக்க வேண்டும் என்பது நாம் கொடுக்கும்
ஆண்டிவைரஸ் பத்தோடு பதினோன்றாக இருந்து விடக்கூடாது என்ற எண்ணம். பல முன்னனி
ஆண்டிவைரஸ்களால் நீக்க முடியாத வைரஸை மட்டும் கவனத்தில் கொண்டு அதை எப்படி நீக்கலாம் என்று
யோசித்து உருவாக்கப்பட்டுள்ளது। வைரஸின் மூலம் எங்கு என்பதை கண்டு அதை முழுமையாக நீக்கும்.கம்யூட்டருக்கு பாதிப்பை கொடுக்கும் வைரஸை மட்டும் தான் நீக்கும். அது மட்டும் இல்லாமல் கம்ப்யூட்ட்ரின்வேகத்துக்கு தடையாக இருக்கும் மால்வேர் என்று சொல்லக்கூடிய Script -ஐயும் நீக்கும். பல ஆண்டிவைரஸ்-கள்வைரஸ் வந்த பின் செயலாற்றுவதில்லை ஆனால் அப்படிப்பட்ட வைரஸையும் நீக்கும்.

என்னைப்பற்றி:நான் ஒரு Computer Engineer சொந்த ஊர் திருச்செந்தூர் அருகில் உள்ள குலசேகரன்பட்டிணம் , சென்னையில் ஒரு
பிரபலமான கம்பெனியில் Technical Head ஆக வேலைக்கு சேர்ந்து ஒரே மாதத்தில் Project manager ஆக
பதவிஉயர்வு பெற்றேன். ஆனால் அங்கு இருக்கும் போலி ஆங்கில வாழ்க்கை என்க்கு பிடிக்காததால் பதவியை
விட்டு இன்று சொந்த ஊரில் உள்ளேன். எனக்கு புதுமையாக எதாவது செய்து கொண்டிருக்க வேண்டும் என்ற
பேராசை. ஆன்மிகத்தில் எனக்கு அளவு கடந்த ஈடுபாடு உண்டு. உங்கள் பதிவில் என் பெயர் இட்டு இருந்தீர்கள்
தயவு செய்து இனி வேண்டாம். புகழ் என்ற ஒன்று நம்மை பிடிக்காத வரையில் நாம் மனிதராக இருப்போம்
பிடித்துவிட்டால் நாம் மிருகமாக மாறிவிடுவோம் அதனால் தயவு செய்து வேண்டாம். நாம் கொடுக்கும் சேவை
மக்களுக்கு சென்றால் அதை விட வேறு என்ன மகிழ்ச்சி இருக்க முடியும்”.–]
‍‍‍‍‍‍‍ஒரு நீண்ட பேட்டிக்கான உத்தேசத்தோடு நான் விவரங்களை கேட்டிருந்த போதும் தன்னைபற்றி மிக சுருக்கமாக குறிப்பிட்டு என மென்பொருள் அதிகமானோரை சென்றடைந்தாலே போதும் என அவர் குறிப்பிட்டுள்ளார்.அவ‌ருக்கு ந‌ம் வாழ்த்துக்க‌ள்.
அவ‌ர் மேலும் ப‌ல‌ மென்பொருள் முயற்ச்சிக‌ளில் ஈடுப‌ட்டிருப்ப‌தாக‌ அறிகிறேன்।அவ‌ர் அனும‌தியோடு விரைவில் அது ப‌ற்றியும் விரிவாக‌ எழுதுகிறேன்.

வாச‌க்ர்க‌ளுக்கு ஒரு வேண்டுகோள். வின்ம‌ணி சேவையை ப‌ய‌ன்ப‌டுத்தி பாருங்க‌ள். ந‌ன்றாக‌ இருப்ப‌தாக‌ உண‌ர்ந்தால் த‌ய‌வு செய்து ந‌ண்ப‌ர்க‌ளுக்கு ப‌ரிந்துரை செய்யுங்க‌ள்.
( பார்க்க‌ வைர‌ஸ் நீக்க‌ சேவை பற்றிய என் முந்திய‌ ப‌திவு)।

நன்றி......ஐயா உங்கள் பதிவுக்கு
link;http://cybersimman.wordpress.com/2009/11/17/virus-2/

November 25, 2009

காயகற்பப் பயிற்சி - சித்தர்கள Kayakapa payirchi - siddharkal


காயகற்பப் பயிற்சி - சித்தர்கள Kayakapa payirchi - siddharkal


பிற்காலத்தில் தமிழ் நாட்டில் வாழ்ந்த சித்தர்கள் உயிரைப் பற்றியும், உடலைப் பற்றியும், இரண்டுக்குமிடையே உள்ள உறவு பற்றியும் தெரிந்து கொண்டார்கள்। அதனால் மனிதன் நோயில்லாமல் வாழலாம்; துன்பம் இல்லாது வாழலாம்; அமைதியாக நட்புரிமையோடு அறிவுத் திறமையோடு வாழலாம்; இன்னும் மரணமே இல்லாமலும் வாழலாம் என்பதையும் தெரிந்து கொண்டார்கள்। அதுமட்டுமல்ல। விரும்பியவர்களுக்கு அதற்கான பயிற்சிகளைக் கற்பித்து வந்தார்கள்।

வித்துவை உடலில் சுவற விட்டு, உடல் நலம் காத்து, மன வளம் காத்து, இளமை காத்து, எப்போதும் முதுமை இல்லாது இருக்கும் முறை ஒன்றையும்। இரண்டாவதாக இரசவாதம் மூலமாக முப்பு என்ற முறையையும் கண்டு பிடித்தார்கள். இரசவாத முறை Philosopher Stone என்று மேல் நாட்டில் அனுபவத்திற்கு வந்தது இதை உண்டு விட்டால், முறையாக உடலை விட்டு உயிர் பிரியாது உடலை விட்டு உயிர் பிரிய வேண்டும் என்றால், உடலை விட்டு வித்து வெளியேற வேண்டும். வித்து உடையாமல்; உயிர் பிரியாமல் காத்துக் கொள்வதுதான் முப்பு என்ற மருந்து. அதைச் சாப்பிட்ட பிறகு ஒரு சிக்கல் எல்லாச் சித்தர்களுக்கும் வந்தது. உலகில் 200 வருடம் 300 வருடம் 500 வருடம் கூட வாழ்ந்து விட்டார்கள். எல்லாம் அனுபவித்தாகிவிட்டது. உலகை விட்டுப் போக வேண்டும் என்று நினைக்கிறார்கள் உயிர் போகவில்லை.

உயிரினங்களில் சில இயற்கையாகவே லம்பிகா யோகம் என்பதை செய்து வருகின்றன। பாம்பு, தவளை, உடும்பு போன்ற சில உயிரினங்கள் நாவை மடக்கி மேலே வைத்து அடக்கிக் கொள்ளும்। அந்த மாதிரி நிலையில் பத்துப் பதினைந்து நாட்கள் அப்படியே இருக்கும். தேவையில்லாதபோது உயிரை விட்டு விடும். லம்பிகா யோகம் செய்தால் கொஞ்சம் கொஞ்சமாக உடம்பில் உள்ள உணர்வுகளெல்லாம் நின்றுவிடும். ஆனால் உயிர் போகாது. ஆனால் அத்தகைய ஜீவன்கள் உணவு இல்லாதபோது அந்த நிலையை அடைந்தன. உணவு கிடைக்கிற வாசனை வந்தவுடன், தானாக பழைய நிலைக்கு வந்துவிடும்.


மனிதர்களில் சிலர் லம்பிகா யோகத்தைச் செய்து, உயிர் போகாமல் தடுத்துக் கொண்டார்கள்। அதனாலேயும் உடலைவிட்டு உயிர் பிரியாத ஒரு சிக்கல் ஏற்பட்டது. காரணம் மனிதன் லம்பிகா யோகம் செய்து மயக்க நிலையிலிருந்து திரும்பி வராமல தன்னை மறந்து விடுகிறான். உயிர் இருக்கிறது. ஆனால் உணர்வு தெரிவதே இல்லை. உடனே மற்றவர்கள், இவர் இறந்து விட்டார் என்று கருதி அடக்கம் செய்து விடுகிறார்கள்.அதனால் அப்பயிற்சி நமக்குத் வேண்டியது இல்லை. தேவையும் இல்லை. அத்தகைய சிக்கல்கள் வராமலும் அதே சமயம் உடல் நலத்தைக் காத்து, ஆயுளைப் பெருக்கி, வாழும் காலம் வரைக்கும் நோயின்றி வாழ வைக்கக் கூடியதே யாகும்.

- தத்துவஞானி வேதாத்திரி மகரிஷி।

November 22, 2009

தாய்




தாய்

நினைவு
தெரிந்த நாள்
முதல்
உன் முகம் தான்
தெரிந்தது எனக்கு

இளமையில் இருந்து
எனது
பாதச் சுவட்டை
பின் தொடந்துக் கொண்டிருக்கிறாய்
எங்கே
நான் வாழ்கையில்
தொலைந்து விடுவேன் என்று....

இரவும் பகலும்
இமைக்காத
உன் இமைகள்
எனக்காக
கண்ணீர் துளிகளை
சிந்துகின்றன

இந்த
வாழ்கை பயணத்தில்
முட்ப் பூக்காளாய்
பூத்துக் கிடக்கிறது
உனது
காலடி சுவடு

ஒரு நாளாவது
உனக்காக அழுதிருக்கின்றாயா?
எங்கள் சுகம் தன்
பெரித்தென்று நினைத்த நீ
வேறு எதுவும் கேட்பது இல்லையே

தியாகத் தீ
என்பது தெரியும்
தீயில் துடிப்பது தான்
உந்தன் வாழ்க்கையா? தாயே!

எங்களை
வாரி அனைக்கும் பொழுது
இந்த வாழ்க்கை
முட்க்கள்
வருந்தம் தேய்ந்த
உன் முகத்தை
இரணப்படுத்தி விடுகின்றன.

November 20, 2009

தவப் பயணம்



தவப் பயணம்

மனம் என்னும் அறிவு
தியானத்தில் திளைத்திருக்க
மவுனத்தின் காலம் விரிந்திருக்க
பிரம்மம்மாய் தவப் பயணத்தை
தொடங்கியது என் மனம்

பசுமை என்னும்
பூமி தாய்
பச்சைக் கம்பளத்தை விரிக்க

என் மனம்
மேலே எழும்பித் திரிய
மேகக் கூட்டங்கள்
நீர் விழ்ச்சியின்
பேர் இரைச்சலில்॥,,,,,,,

இன்னும் இன்னும்
மேல் எழும்ப
பூமி பந்து
வெளிர் நீலமாய்
சிறுத்துக் கொண்டு
போனது .....

என்
மன வேகத்தில்
வெண்நிலவும்
என் காலடியில்
விழ்ந்தது

என் மனம்
அதிலே மிதந்தது
வெண்மை
வழி எங்கும்
வழிந்தது
என் மனமோ
விரிந்துக்கொண்டே போனது.........

இளம் சூரியன்
எட்டிப் பிடிக்க
என் மனம் விரைந்தது

ஒளி வேகத்தில்
சூரியனை
சுற்றி வந்த
என் மனம்
பிரபஞ்ச பயணத்தை தொடந்தது.....

பூமியும் நிலவும் சூரியனும்
சிறுப் புள்ளிகளாய்
கரைந்துபோனது

ஒளிர்ந்து கொண்டிருக்கும்
கோள்களும்
நட்சத்திரங்களும் பால் வீதியும்
என் முன்னே மிதந்து வந்தது
பரமன் பள்ளிக் கொண்ட
பாற்கடலோ ? பால் வீதியோ?

அற்புதங்கள் ஒன்று சேர
அண்டச்சாரத்தின் அம்சங்கள்
ஒளிர்ந்து மிளிர
ஆகா அற்புதம் அற்புதம்
மனம் குதுக்களிக்க
சக்தி களம்
என் மனக் கண்ணில் பட்டது

மனம் இலவம் பஞ்சாய்
மிதந்தது............

எங்கிருந்தோ ஒரு கருங்கோடு....
என் மனம் தாண்டிச் சென்றது......
சுழர்ச்சியின் வெளிப்பாடு
நீண்டு செல்லும்
அந்த பாம்பின்
பெயர் தான் என்ன?
இராகு கேதுவா?

இருண்ட குழியில்
பிரமாண்டம்
மாபெரும் காந்த அலைகளால்
ஈர்க்கப் பட்டு
அந்த இடம் சக்தி களமாய்
அல்லோலப் பட்டுக் கொண்டிருந்தது
என் மன பயணம்
தொடந்தது

எங்கும் கருமை
எங்கும் அமைதி
எங்கும் புனிதம்
எதுவும் ஏகாந்தம்
எதுவும் ஆனந்தம்

பிறவி என்னும்
பெருங்கடல்
கடந்த என் மனம்

ஆதியும் அந்தமும் அற்ற
ஆதி பிறப்பிடத்தை நாடியது
ஜீவன் சமம் ஆதியாகும் (சமாதி)
இருப்பிடத்தில்
சங்கமம் ஆனது

இருட்டறைப் போன்று
மயான அமைதியில்
மன அமைதி கொள்ளத் தொடங்கியது
தொடர்ந்து வந்த பாதை
சிவ பாதமாய்......
சிவ லோகமாய்
மீண்டும் மீண்டு
வந்த தூய்மை
கரு மையத்தை
தேடி அலைந்த இடம்
இது தான் சிவ களம்.
தவ களமாய்

என் மனம்
ஆழ்ந்த மவுனத்தில்
அகப்படுக் கொண்டது.
பிரபஞ்சம்
அந்த மவுனத்தில்
விரிந்துக் கொண்டு போகிறது.....




அன்புடன் மனோகரன்


வாழ்க வளமுடன்






















November 18, 2009

அலையில் ஆடும் மாலை

அலையில் ஆடும் மாலை
ஆசை வாழ்வின் நிலை
சுவையில் கூடும் இனிமை
சுக வாழ்வுக்கு பகைமை

உள்ளம் எல்லாம் கள்ளம்
உறுகுழைந்த உறவுகளின் இல்லம்
பள்ளம் போல் வாழ்க்கை
பாய்ந்தோடும் அருவியாம்

எண்ணம் எல்லாம்
எரிகின்ற தீ
உருகுகின்ற நெய் எல்லாம்
உணர்வுகளாய் கொதிக்கின்றன.

கலைந்த மேகம் எல்லாம்
கவிதை மழை பொழிகின்றன
கருவை சுமந்தவர்கள்
கனவை களைந்து நிற்கின்றனர்.

விதிகள் எல்லாம் பல நதிகளாய்
விரைந்து வருகின்றன
தனிமைகள் தொடர்கின்றன
தலைவிதி நம்மை பார்த்து சிரிக்கின்றன.

இதயம் இல்லா மனிதனிடம்
இரக்கம் என்பது இல்லை
சருகுகள் போல் வாழ்க்கை
சமைக்க துடிகிறது காலம்

கோலம் இடும் வாழ்க்கை
கோபுரம் ஆகுமா?
காற்றடித்தால் அணையும்
கற்பூரமா இந்த வாழ்க்கை?



மனோகரன் .

November 15, 2009

துளிர்விடும் தூறாலாய்



பெண்னே.......
நினைவு என்னும் ஒளிக் கீற்று
உன் வாசக் காற்றில்
வழித் தவறி
என்
மனக் கதவை தட்டுகின்றன.

கனவு என்னும்
கற்பனை உலகு
உன்
சுவசாக் காற்றில்
சூடுப் பிடிக்கின்றன.....

வாலிப பாதையில்
துளிர்விடும் தூறாலாய்
என் மனம் ......
காதல் என்னும்
மொட்டை அனைத்து நிற்கிறது.

ஒரு நிமிட வார்த்தைகளுக்கு
வாழ்க்கை என்றால்
வாழும் காலம் எல்லாம்
உன்
காதல்
போதைதான் எனக்கு.......

November 12, 2009

மலர் என்னும் மென்மை மதில் சுவராய் ஆகுமா?


பேய்களின் கூக்குரலில்
வேதங்கள் புனிதப் படுவதில்லை
நரிகளின் ஓலங்களினால்
நற்ச் செயல் பிறப்பதில்லை

சிலுவைகளை சுமப்பதினால்
நீங்கள் சுகப்படுவதில்லை
போகங்களை மறுப்பதினால்
நீங்கள் யோகியவதில்லை

போதி மரத்தினால்
புத்தன் யோக்கிவனாய் ஆனதில்லை
சிந்தனை செய்து
தியாகங்களை செய்து
மனிதனை மதிக்க தெரிந்தனால்
சித்தன் புத்தன் ஆனான்......

சிறகுகள் இல்லாமல்
சிந்தனை சிறப்பது உண்டு
உணர்வுகள் இல்லாமல்
ஊக்கம் பிறப்பதில்லை

விண் முகிலைக் கூட
மலைகள் தடுக்கும்
வின்னை கடந்து
மழைத்துளிகள்
மணித் துளிகளாய்
மண்ணில்
விழுவதில்லையா?

கரைந்து போன மழைத் துளிகள்
ஒன்றாய் சேர்ந்து
கடல் அலைகளாய்
ஆர்ப்பரிப்பது இல்லையா?

முடிந்து போன இரவுக்கு வருத்தலாம்
மறைந்து போன நிமிடத்திற்கு வருந்தலாம்
கலைந்து போன நினைவுக்கு வருந்தலாம்
காட்டாறு போல வரும்
எதிர்ப்பயை கண்டு அஞ்சலமா?

சுவர் என்னும் சித்திரம்
குட்டிச் சுவராய் ஆகுமோ?
மலர் என்னும் மென்மை
மதில் சுவராய் ஆகுமோ?
மனத் தின்மை உண்டானால்
மதிக் கலங்கமுடியுமா?

புளிப்பில்லாமல் மாங்காய்யா?
புகையில்லாமல் நெருப்பா?
துடுப்பு இல்லாமல் படகா?
துயர் இல்லா வாழ்க்கையா?

இரவுக்கு ஒரு நிலவு
உங்கள் உயிருக்கு எது உறவு?
வாழ்க்கை என்னும் பயிருக்கு
வழங்குங்கள் ஊக்கம் என்னும் உயிர்

முயற்சிக்கு முகவரி தேடுங்கள்
முடிவில்லா பயற்சிக்கு
உங்கள் வாழ்க்கையை அர்பனியுங்கள்

கனவுகளை கருத்தாக்குங்கள்
நினைவுகளை நிச்சயமாக்குங்கள்
உணர்வுகளை உருவாக்குங்கள்
உலகம் உங்கள் காலடியில்

இனி
ஒரு வாழ்க்கை
யோகமும் போகமுமாக

இனி
ஒரு வாழ்க்கை
வேகமும் விவேகமும்மாக

இனி
ஒரு வாழ்க்கை
வசந்தமாகவும் சுகந்தமாகவும்

இனி
ஒரு வாழ்க்கை
வாழ்க வளமுடன்
என்றாகட்டும்,,,,,

அன்புடன்
மனோவியம் மனோகரன்














November 6, 2009

கைவிடப்பட்ட போராட்டவாதிகள்

கைவிடப்பட்ட போராட்டவாதிகள்

உலகமே வியப்பில் அழ்ந்தது..
மலேசியா திருநாடு அதிர்ச்சியில் உறைந்தது..
என்ன நடக்கும் அடுத்து என்று மக்களிடம் ஒருவித பயம்
ஏன்? எப்படி நடந்தது?.குழப்பத்தில் அரசாங்கம்.
புற்றிசல் போல் தமிழர் கூட்டம்.
புயலாய் புறப்பட்டது தமிழர் தன்மான உணர்வு.
தமிழர்களின் ஒரு நாள் ஆக்கிராமிப்பு. எங்கும் உணர்ச்சி மயம்.
எப்படி தடுப்பது? எப்படி அவர்களை மடக்குவது? என்று காவல் துறை தடுமாறியது.
என்ன நடக்கிறது அமைதி பூங்கவான மலேசிய திருநாட்டில் என்று கேள்வி உலகெங்கும்?
இன்னோரு மே தினமா? இல்லை இனோரு சுகந்திர படை எடுப்பா? இல்லை இல்லை இது ஒரு தமிழர் புரட்சி நிகழ்வா? என்று மயக்கம்.
இரசாயன தண்ணிர் பிச்சடிப்பு. இரசாயன குண்டுத் தாக்குதல். கலக தடுப்பு காவலர்களின் தாக்குதல். தளாரத தமிழ்ப் படை
இரண்டில் ஒன்றை பார்த்துவிடுவோம் என்று தமிழ் இளைஞர்க் கூட்டம்.
இவர்களின் வீரம் மலேசிய காவல் துறைக்கு புரியாத புதிர்।
அவர்களுக்கு அது ஒரு புது அனுபவம்।
காலம் காலமாக அடக்கப் பட்டவர்கள் அடங்க மறுப்பது அவர்களுக்கு பெரும் வியப்பு। அவர்களின் விழி பிதிங்கியது ।புருவம் உயர்ந்தது। அடக்க வந்தவர்கள் அயர்ந்து போனார்கள்॥தமிழர்கள் சளைக்காமல் நின்றனர்.
அழைப்பு அழைந்துக்கொண்டிருந்தது. தமிழர் கூட்டம் கூடிக்கொண்டிருந்தது. ஆண் பெண், சிறுவர் பெரியோர் .இளைஞர் யுவதி.ஒன்று திரண்டனர். சாவுக்கு அஞ்சுவதில்லை தமிழர் கூட்டம்..தன்மான வாழ்வுக்கு தானே இந்த போராட்டம்.
தங்களின் இன்னல்களை.தங்களின் துயரங்களை,தங்களுக்கு இழைக்கப்படும் ஏற்ற தாழ்வுகளை எதிர்த்து போராட ஒரு போராட்ட களமாக மாற்றிக் காட்டினார்கள். தங்களின் வேதனைகளை,சோகங்களை எரிமலையாய் நின்று எதிர்ப்பு குரல் கொடுத்தனர்.
பல போராட்ட வதிகள் கைது ஆனார்கள்.
கைது படலம் தொடங்கியது. போராட்ட தலைவர்கள் பல கமுண்டிங் தடுப்பு முகாமில்.
அரண்டு போனது அரசாங்கம். மிரண்டு போனார்கள் தலைவர்கள். மக்களின் எதிர்ப்புக் குரல் ஒலிக்க தொடங்கியது. பலன் எப்போழுதும் ஜெக ஜோதியாய் வெற்றிக் கொடி ஈட்டும் அரசாங்கம் இரண்டில் ஒன்றில் அறுதிப் பெருன்பான்மை இழந்தது. பல மாநிலங்களை எதிர்க் கட்சிகளிடம் இழந்தது.
அரசாங்க ஆதரவில் குளிர்க் காய்ந்தவர்கள். மக்கள் ஆதரவை இழந்தனர்.
மக்கள் மக்கள் என்று போலிக் கூப்பாடு போட்டவர்களின் சாயம் வெலுக்க தொடங்கியது
இன்னும் கூட அரசாங்கம் தடுமாறிக்கொண்டிருக்கிறது.
என்ன செய்வது? ஏது செய்வது? குழம்பிக் கொண்டிருக்கிறது........
அரசாங்கம் செய்த பெரிய தவறு. தமிழர் நலன்களை சில குள்ளநரிகளிடம் விட்டு விட்டு. எதுவும் கண்டுக் கொள்ளாமல் விட்டது தான். தவறுகளை அப்பொழுதே திருத்தி இருந்தால் இன்றும் அரசியல் நிலைத்தன்மை ஏற்பட்டிருக்கும்.
ஒன்றாய் வாழ்ந்த மக்கள் இன்னும் ஒன்றுப் பட்டிருப்பார்கள். வேற்று தாழ்வுகள் தானே மக்களை பிரிக்கிறது.
மாற வேண்டிய ம இ கா மட்டும் மாறாமல் நிற்கிறது.உலகமே இடிந்து விழுந்தாலும் எனது பட்டம் பதவி, பணம் இதற்காக யார் காலிலும் விழவதற்கு நாங்கள் தயார் என்று பறைச் சாற்றிக் கொண்டிருக்கின்றனர்.
இவர்களுக்கு மக்கள் நலம் முக்கியம் அல்ல. தான் சேர்த்து வைத்த சொத்தை பதுக்குவது தான் மிக முக்கியம்.
ம இ கா தலைவனை மாற்ற முனைந்த போராட்டம் இன்று அரசாங்க தலைவனைத் தான் மாற்ற முடிந்திருக்கிறது. பல மோசடிகளை புரிந்த சில தலைவர்கள் இன்னும் மிடுக்காக பவனி வருவது வெட்கக் கேடான விஷயம். தமிழர்கள் செய்த போராட்டம் இன்னும் இலக்கை அடையவில்லை என்பதை பறைச் சாற்றிக் கொண்டிருக்கிறது.
சுடு சொரனை அற்ற ஒரு தலைவனால் போராட்டம் புலம்பிக்கொண்டிருக்கிறது
காலப்போக்கில் போராட்டம் திசை மாறியது। உணர்சி வயப்பட்டா போராட்டவாதிகள் இன்று நீதி மன்ற படிகளில் ஏறி இறங்கிக் கொண்டிருக்கிறார்கள்। அரசாங்கமும் அவர்களேடு விளையாடிக் கொண்டிருக்கிறது। பகைமையை மறந்து அவர்களுக்கு அன்புக் கரம் நீட்டக் கூடாதா? ஒரே மலேசியா என்பது கண்காட்டி வித்தையா?
தார்மீக கடமைகளை தட்டிக் கழிக்கலாமா அரசாங்கம்?
தமிழர் நலனுக்காக வீதியில் இறங்கி போராடிய சில போராட்டவதிகள் ஏன் தான் போராட்டத்தில் இறங்கினோம் என்ற நிலைமையாகிவிட்டான.
தமிழர் அமைப்புக்களுக்கு ஏன் இந்த மவுனம்? தமிழ் தமிழ் என்று சொல்லி வயிறு வளக்கும் கூட்டம் தானா? எந்த கட்சியாய் இருந்தால் என்ன? எந்த மன்றமாய் இருந்தால் என்ன?
தமிழர்களை காப்பதற்கு ஒன்றுப்பட்டு அரசாங்கத்திடம் போராடலாமே.
கைவிடப் பட்ட போராட்டவாதிகளின் நிலைதான் என்ன?
இவர்களை யார்தான் காபாற்றுவார்கள்?
எத்தனையோ ஆளும் நாடாளமன்ற உறுப்பினர்கள் இருகின்றார்கள்.
எத்தனையோ எதிர்க் கட்சி நாடாளமன்ற உறுப்ப்பினர்கள் இருக்கின்றனார்.
இந்த போராட்டவாதிகளின் உணர்வினால் .அவர்களின் செயலினால் இன்று அரசியல் பதவியை அலங்கரிக்கும் இவர்கள் எதாவது செய்யக் கூடதா?
எத்தனையோ இலச்சங்களை வசுலித்தவர்கள் இவர்களை கொஞ்சம் கண்டுக் கொள்ளக் கூடதா?
நடந்தவை நடந்தவையாகட்டும்......இனி நடக்கப் போவது நல்லவையாகட்டும்.

November 4, 2009

விழி போல்..... மொழி


விழி போல்..... மொழி
ஒளி போல் தமிழ்


இதுவா இவள் விழி
இமை மூடா விடிவெளி
இதுவா இவள் மொழி
இனிமை என்னும் தமிழ் மொழி

இவள் விழியின் ஒளி
இளமையின் மொழி
தமிழ் மொழியின் சிமிழ்
தாமரையின் குமிழ்

கருவண்டு அவள் விழி
கலை என்னும் பெரும்வெளி
அவள் மொழிந்தாள் வாய் மொழி
அமிழ் தென்னும் தமிழ் தாய் மொழி

விழி ஒரம் அலைப் பாயும்
கடல் அலையும் கவி பாடும்
இவள் பாண்டிய தென் முத்து
தமிழ் அலையால் விரியும் பூஞ் சிட்டு.

தமிழ் அருவியாய் பாய்ந்தோடும்
தன்னொளி நிலவு தவழ்த்து வரும்
இவள் முகம் இனிமை தரும் திருமுகம்
இன்பத் தமிழ் தரும் அமுத முகம்.

ஞாலத்தில் இவளை போல்
ஞாயிரும் இல்லை
தமிழ் யாகத்தில்
இவள் ஒரு எரியும் தீப் பிழம்பு

குளிர்க் காற்றாய்
தவழ்ந்து வருவாள்
தமிழ் மூச்சை
முகிழ்ந்து வருவாள்
இவள் விழியோ தமிழ் நீருற்று
இதயமோ இனிய தமிழ் ஆற்று
எங்கள் வாழ்வை தமிழால் களைப்பாற்று

November 2, 2009

சொல்லின் சுவை

அமிழ்து என்று சொன்னால்
ஆண்றோர்களின் அகம் மகிழ வேண்டும்
தமிழ் என்று சொன்னால் - நல்ல
தகமை மிக்க சாண்றோர்களாக வேண்டும்

நட்பு என்று சொன்னால்
நல்ல நண்பன் வேண்டும்.
உறவு என்று சொன்னால் - நல்ல
உள்ளம் வேண்டும்.

அன்பு என்று சொன்னால்
அண்ணல் காந்தியாக வேண்டும்
பண்பு என்று சொன்னால் - நல்ல
பணிவு வேண்டும்.

கனவு என்று சொன்னால்
காட்சிகள் உலாவ வேண்டும்
மகிழ்ச்சி என்று சொன்னால் - நல்ல
மாட்சிகள் வாழ்வில் மலர வேண்டும்


தொண்டன் என்று சொன்னால்
தொண்டுச் செய்ய வேண்டும்.
தலைவன் என்று சொன்னால் - நல்ல
தகுதி வேண்டும்

கணவன் என்று சொன்னால்
கனிந்த இதயம் வேண்டும்
மனைவியை காக்கும் - நல்ல
மாண்பு வேண்டும்


இல்லாள் என்று சொன்னால்
இல்லம் இனிக்க வேண்டும்
மனைநலம் என்று சொன்னால் - நல்ல
மனைவி இன்புற வேண்டும்.

சேய் என்று சொன்னால்
செழுமை மிகு தாய்மை வேண்டும்
தாய் என்று சொன்னால் - நல்ல
தரணி போற்றும் தாய் அன்பு வேண்டும்.


எழில் ஜோதி என்று சொன்னால்
ஏகாந்தம் மிகுந்திருக்க வேண்டும்
இறைவன் என்று சொன்னால் - நல்ல
இயல்புகள் மிளிர வேண்டும்





















so

October 31, 2009

குண்டலினி யோகம் - யோகிராஜ் வேதாத்திரி மகரிஷி

Vethathiri Maharishi - Simplified Kundalini Yoga
குண்டலினி யோகம் - யோகிராஜ் வேதாத்திரி மகரிஷி




நாம் உணர்ந்து உலகிற்கு உணர்த்துவது எளியமுறைக் குண்டலினி யோகம் என்பதாகும். எளியமுறைக் குண்டலினி என்பது அறிவின் பதிவைக் கொண்ட உயிர்ச் சக்தியை மேலே நோக்கி எழச் செய்து அதிலே ஒன்றி நின்று இயற்கை இரகசியங்களை உணர்ந்து தன்னிலை உணரும் பயிற்சியாகும். உயரே சொல்லாமல், கீழ்நோக்கிப் போகா விட்டால் மேல்நிலை அனுபவ உணர்வு பெறுவது போய், தாழ்ந்த உணர்வுகளே தலையெடுத்து ஓங்கும் நிலை ஏற்படும். அதைத் தான் இன்று பெரும்பாலும் காண்கிறோம். அதனால் தான் சிக்கல்கள் ஏற்படுகின்றன. மனிதனின் இந்தப் பழக்கத்தால் அவனின் உயிர்ச்சக்தி கீழ் நோக்கிய இடத்தில், அதாவது மூலாதாரத்தில் தேங்கிக் கிடக்கின்றது; குண்டலித்து உள்ளது. இதனையே குண்டலினி சக்தி என்கிறோம். சக்தி என்ற உடன் அது உடல் எங்கும் நிலவுவதாயிற்றே என்ற எண்ணம் எழலாம். எங்கும் இயங்கும் சக்திக்கு ஒரு இயக்க மையம் வேண்டும் அல்லவா? இந்த இயக்க மையமே மூலாதாரம் எனப்படும். எனவே, இயக்க மையத்தை முறையாக உசுப்பி விடும்போது மிகச் சிறப்பாகச் செயல்படுவது இயல்பு. அதைத்தான் எளியமுறைக் குண்டலினியோகப் பயிற்சி என்கிறோம். இந்த உயிர்ச்சக்தி உடலின் மற்ற எல்லா இடத்திலும் பரவி இருப்பினும் அதற்கு ஒரு இயக்க மையம் உண்டு. இரத்தம் உடல் முழுவதிலும் பரவி இருந்தாலும் இருதயத்தை இயக்க மையமாகக் கொண்டிருப்பதனைப் போல, காற்று உடல் முழுவதிலும் பரவிஇருப்பினும் நுரையீரலை இயக்க மையமாகக் கொண்டிருப்பதனைப் போல,உயிர்ச் சக்திக்கும் இயக்க மையம் இருக்கத்தானே வேண்டும். உயிருக்கு இயக்க மையங்கள் பல உள்ளன. அத்தகைய மையங்கள் உடம்பில் ஆறு இடங்களில் இருப்பதாக மெய்யுணர்வாளர்கள் உணர்ந்து உணர்த்தி உள்ளனர். அவைகளின் அடி மட்டத்தில் இருக்கும் மையம் மூலாதாரமாகும்.

ஒவ்வொரு மையத்திலும், உயிர்ச்சக்தியை இயக்கிவிட்டால் அதற்கேற்ற பலன் ஏற்படும்। மேலும் கீழே இருந்து மேலே போகப் போக, பலன்மிகும். இவ்வாறு இயக்கிவிடப்படும் உயிர்ச்சக்தியால் உடலில் உள்ள செல்களை ஒழுங்குபடுத்திச் செயல்படுத்த இயலும். உயிர்ச் சக்தியானது உடலின் செல்களுக்கு ஒத்த முறையில் அமையவில்லையென்றால் உடல் நோய்கள்,மன நோய்கள் போன்றவை ஏற்படும். எனவே, ஆற்றல் மிக்க உயிர்ச்சக்தியைச் சேர்க்கவும், பாதுகாக்கவும் அறிந்திருக்க வேண்டும். இதனைத்தான் ஆன்மீக அறிவு என்கின்றனர். இந்தத் தெளிவையும்பயிற்சியையும் நல்குவதே எளிய முறைக் குண்டலினியோகம் என்பது. உயிர்ச் சக்தியை உணர்ந்து அதன் இயக்கத்தை நெறிப்படுத்துவதன் மூலம்,அதன் படர்க்கை நிலையான மனதையும் சீரமைத்துக் கொள்ள இயலும்.

எளியமுறை குண்டலினி யோகம்
· ஆக்கினைச் சக்கரம்
· சாந்தியோகம்
· துரிய நிலை
· தற்சோதனை
· துரியாதீதம்
· சமுதாயச் சீர்திருத்தம்

நாம் நாள்தோறும் உணவு உண்ணுகிறோம்। குளிக்கிறோம். தூங்குகிறோம். ஏன்?

காப்பு, தூய்மை, ஓய்வு ஆகிய மூன்றும் தேவையாக உள்ளன. நமது உடலியக்கத்தின் விளைவாக நம் உடலிலிருந்து எப்போதும் கோடிக் கணக்கான அணுக்கள் வெளியேறிக் கொண்டே இருக்கின்றன. அவ்விழப்பை ஈடுசெய்வதற்காக நாம் உணவு உண்ணுகிறோம்.
உடலிலே அழுக்கு உள்ளிருந்தும் வெளியிலிருந்தும் படிந்து கொண்டேயிருக்கிறது. அவ்வழுக்கைப் போக்கி உடலைத் தூய்மையாக வைத்துக் கொள்வதற்காகவே நாள்தோறும் குளிக்கிறோம்.
ஐம்புலன்கள், கை, கால் முதலிய உடற் கருவிகளை இயக்கிக் கொண்டே இருக்கிறோம்। அதனால் நரம்புகள் சோர்வடைகின்றன. நரம்புகளின் சோர்வைப் போக்கி முறுக்கேற்றிக் கொள்ள ஒய்வு கொள்ளுகிறோம்இ தூங்குகிறோம்.

பரு உடலுக்கு இவ்வாறு காப்பு, தூய்மை, ஓய்வு எந்நாளும் உரிய காலங்களில் தேவையாக உள்ளன. இதேபோன்று நுண்ணுடலாகிய உயிருக்கும் காப்பு, தூய்மை, ஓய்வு எனும் மூன்றும் தேவைப்படுகின்றன.
இவற்றை விழிப்பாற்றல், தற்சோதனை, தவம் எனும் மூன்று சீரிய செயல்கள் மூலம் பெற வேண்டியுள்ளன।

மறதியும்-விழிப்பும்
எல்லாம் வல்ல முழுமுதற் பொருள்தான் இயற்கை। இதனையே தெய்வமென்று பேசப்படுகிறது. இது முதல் நிலையில் சுத்தவெளியாக இருந்தது. பின் தனக்குள் தானே இயக்க விரைவு பெற்று நுண்ணிய இயக்க ஆற்றலாக-பரமாணுக்களாக மலர்ந்தது. பரமாணுக்கள் கூடிய சிறிய, பெரிய கொத்து இயக்க நிகழ்ச்சிகளே போரியக்க மண்டலமாக (Universe)விளங்குகின்றது. இத்தகைய கொத்தியக்க நிகழ்ச்சிகளில் உண்ர்ச்சி நிலையோடு இயங்கும் உருவங்கள் தாம் உயிரினங்கள்.


உயிரினங்களில் பாரிணாமத் தொடர்பால் சிறப்பு பெற்ற நிலையே மனிதன்। போரியக்க மண்டலக் காட்சிகளாக உருவம், ஒலி, ஒளி, சுவை, மணம் என்ற ஐவகை விளைவுகளையும் உணரும் ஐம்புலன்களையும்,இவையனைத்துக்கும் மூலமான வெட்டவெளியின் பெருமையை உணரத்தக்க ஆறாவது அறிவையும் பெற்று மனிதன் வாழ்கிறான்.

உடற் கருவிகளின் சிறப்பாலும் அறிவின் சிறப்பாலும் இயற்கை வளங்களை வாழ்வின் வளங்களாக விருப்பம்போல மாற்றி அமைத்து துய்த்து மனிதன் வாழ்கிறான்। தன் செயல் திறனிலும் புலன் கவர்ச்சியிலும் முழுவதும் ஈடுபட்டு, தன் உயிர் சிறப்பும் உயிரின் மூலச் சிறப்பும் மறந்து விடுகிறான். இதனால் அறிவு குறுகிய நோக்கில் செயல்படுகிறது பேராற்றல் பெற்ற இயற்கையே எல்லாமாகி தானுமாகி இன்ப துன்ப உணர்ச்சிகளால் எல்லைகட்டப் பெற்று இயங்கும் பேருண்மையை மறந்து தான் ஏதோ தனித்த பொருளாக இயங்குவதாகக் கருதி மயங்கி வாழ்கிறான்.


இத்தகைய புலன் மயக்க மறதியில் செயல் புரியும் ஆர்வமாக எழும் உயிர் விரைவு, பேராசை, சினம், கடும்பற்று, முறையற்ற பால் கவர்ச்சி, உயர்வு தாழ்வு மனப்பான்மை, வஞ்சம் எனும் ஆறு மன உணர்ச்சி எண்ணங்களாக எழுகின்றன. பெரும்பாலும் மக்கள் இவ்வுணர்ச்சி மனோ நிலைகளில்தான் எண்ணம், சொல், செயல், இவற்றை ஆற்றுகின்றார்கள். இதன் விளைவாகத் தனக்கும் பிறர்க்கும் துன்பத்தைப் பெற்றும் அளித்தும் வாழ்கின்றனர்.
இயற்கை நியதியை உணர்ந்து பிறர் தேவைக்கும் விருப்பத்திற்கும் மதிப்பளித்து முறையோடும் அளவோடும் ஆற்றும் செயல்களே நற்கர்மங்கள். இவற்றால் எல்லோரும் இன்பம் காத்து வாழலாம். இயற்கை நியதியை மறந்தும் மதியாமலும், சமுதாய மக்கள் கருத்தையும் நலனையும் மறந்தும் மறதியாலும் ஆற்றும் செயல்கள் எல்லாம் தீய வினைகளாகும்.
ஒரு மனிதன் தன்னைப் பழக்கிக் கொள்ளும்வாறு தேவைக்கும் சூழ்நிலைக்கும் ஏற்ப நல்வினையோ தீவினையோ அவனிடம் தோன்றிக் கொண்டேயிருக்கும்।

எந்த செயலும் புலன்கள் உறுப்புகள் இவற்றில் இயக்கப் பதிவாக அமையும்। எண்ணப் பதிவாக அமையும். வித்து அணுக்களில் பரம்பரைத் தரபதிவாக அமையும். இம்மூன்று பதிவுகளும் சேர்ந்து உயிரணுக்களில் பாரிணாமச் சிறப்பாற்றலாக அமையும். இவ்வாறு மனிதன் பெறும் பதிவுகளே வினைப்பதிவுகளாகும்(Impressions Of Deeds).

இன்று உலகெங்கும் மனிதகுல வாழ்வில் அமைதி குலைந்து காணப்படுகிறது। பிணக்கும், பகையும், போட்டியும், போரும் வாழ்வில் துன்பங்களை மலியச் செய்து வருகின்றன. இவற்றிற்குக் காரணம் மனிதனேயாகும். தீவினைப் பதிவுகளால் தரக்குறைவாகத் தன்னை மாற்றிக் கொண்டான். அறிவைப் புலன் கவர்ச்சியில் மயங்க வைத்துக் கொண்டு நினைவில் குறுகி நிற்கின்றான். தனக'கு மூலமான பேராதார நிலையை மறந்து விட்டான். இவையே துன்பங்கட்குக் காரணமாகும்.

உலகில் அமைதி நிலவவேண்டுமெனில், மனித குலம் இனிமை காத்து வாழ வேண்டுமெனில், தீய செயல் பதிவுகளை மாற்றி நற்செயல் பதிவுகளுக்குப் பழகிக் கொள்ளவேண்டும்। தவறு புரிந்து ஏற்றுக் கொண்ட, உயிரணுக்களில் பதிவாகியிருக்கும், தீவினைப் பதிவுகளைப் (Impressions Of Sins)போக்கித் தூய்மைபெற வேண்டும். தனது உயிர் மூலம் அறிந்து அறிவில் தெளிவும் முழுமையும் பெற அறிவை ஒடுக்கி உள் நோக்கிப் பயில வேண்டும். இத்தகைய செயல்கள் மூலம் உயிருக்குக்காப்பு, தூய்மை,ஓய்வு என்ற மூன்றும் கிடைக்கும். இவற்றிற்கான பயிற்சி முறைதான் நோன்பு என்றும் தவம் என்றும் கூறப்படுகின்றது.

இத்தகைய நோன்பு முறையை நமது முன்னோர்கள் இருவகையாகப் பிரித்தார்கள். அவற்றில் ஒன்று பக்தி நெறி மற்றொன்று ஞானநெறி. குழந்தை வயதுடையவர்களும் அறிவின் நுண்மை இல்லாதவர்களும் தெய்வ நிலையைக் கூர்ந்துணர்ந்து அதில் நிலைத்துப் பயில முடியாது. ஆகவே அவர்களுக்கு தெய்வ நிலையின் பெருமைய விளக்கி அதன் இருப்பு நிலையல் நம்பிக்கை வைத்து வணங்கவும், சமுதாய நலன் கெடாத வகையில் தனது இனிமை காக்கும் செயல்களையே புரிந்து வாழும் எண்ணம், சொல், செயல், பயிற்சிகளையும் வகுத்தார்கள். இதுவே பக்தி நெறியாகும்.
தெய்வ நிலையினைக் கூர்ந்துணரும் அறிவுடையோர்கள் முதலில் தனது உயிர் நிலையை உணரவும், பின் உயிரியக்க விரைவைப் படிப்படியாகக் குறைத்து நிலைத்து நின்று பரமாகி நிற்கவும் ஏற்ற தவ முறையே வகுத்தார்கள்। இதன் மூலம் ஒரு மனிதன் தனது அறிவைப் பற்றி, உயிர் மூலத்தைப் பற்றி தெளிவாக உணர்ந்துக் கொண்டு வாழ்வாங்கு தானும் வாழ்ந்து வாழத் தெரியாதவர்களுக்கும் வாழ வழிகாட்டி உதவும் நெறியை வகுத்தார்கள். இதுவே ஞான நெறியாகும்.

காப்பு, தூய்மை, ஓய்வு எனும் மூன்று வகையாலும் உடலோம்பல் எவ்வளவு முக்கியமோ அவ்வாறே உயிரோம்பலும் மனிதனுக்கு இன்றியமையாதது என அறிந்தோம்। உயிர் தூய்மைக்கான பக்தி நெறி,ஞான நெறி, இரண்டு வழிகளில் பக்தி நெறி மனிதனை ஒரளவு தான் பண்படுத்துகின்றது. ஞான நெறியின் மூலம் தான் அறிவின் முழுமைப் பேற்றை அடைய முடியும். ஞான நெறியால் தான் உயிரின் இருப்பு,இயக்கம், விரிவு இவற்றைப் பற்றி தெளிந்து முழுமையாக முடியும்.

பக்தி நெறியிலிருந்து ஞான நெறிக்கு உயர வேண்டுமெனில் மனதை உயிரில் ஒடுங்கி மனம், உயிர் இரண்டையும் பற்றி விளங்கிக் கொள்ள வேண்டும்। உயிரின் இயக்க விரைவைக் குறைத்து ஞானப் பேற்றை அடைந்துப் பின் தன் மூல நிலையான நிறை நிலையை (தெய்வ நிலையை) அனுபவமாக உணர்ந்து கொள்ள வேண்டும். இதற்கு ஏற்ற முறையான உளப்பயிற்சி அகநோக்குப் பயிற்சியாகும். இப்பயிற்சி முறைதான் யோகம் என்று கூறப்படுகின்றது.

மனதை உயிரில் ஒடுக்க வேண்டுமெனில், இயக்க மையத்தை முதலில் அறிந்து கொள்ள வேண்டும்। உடல் முழுவதும் உயிர் பரவி இருந்தபோதும் அது மூலாதாரம் எனும் முதுகுத்தண்டின் கீழ்ப் புறத்தில் தான் மையம் கொண்டிருக்கிறது. உயிராற்றலுக்குக் குண்டலினி சக்தியென்னும் ஒரு சிறப்புப் பெயருண்டு. இதனால்தான் குண்டலினி அமர்ந்திருக்கிறதென்று கூறுவது வழக்காயிற்று.

உயிராற்றலான குண்டலிணி சக்தியின் இயக்க மையத்தை புருவ மையத்துக்கு மாற்றியமைத்தால்தான் மனதை அதில் ஒடுக்க முடியும்। உயிரியக்க மையத்தை மூலாதாரத்திலிருந்து மாற்றவும் பின் அதில் மனதை ஒடுக்கவும் ஏற்ற பயிற்சி தான் குண்டலினி யோகம்.

உயிரியக்க மையத்தை மூலாதாரத்திலிருந்து எழுப்பிப் புருவ மையம் கொண்டு வர மூச்சுப் பயிற்சியைப் பின்பற்றினார்கள்। நமது முன்னோர்கள் மூச்சுப் பயிற்சியின் மூலம் குண்டலினி சக்தியை நெற்றிக்குக் கொண்டு வர பல ஆண்டு காலம் தேவை. மேலும் அச்சக்தி ஏறிவரும் வழியில் சுவாதி\u202டிடானம் எனும் நீர் மையத்தையும், மணிப்புரகம் எனும் வெப்ப மையத்தையும், அனாகதமெனும் காற்று மையத்தையும், விசுத்தி எனும் புதாகாச மையத்தையும் கடந்து வரவேண்டியுள்ளது. ஒவ்வொரு மையத்திலும் இடப்பெயற்சி கொள்ளும்போது சில பல உடல் நோய்கள் காணும். அவற்றையெல்லாம் அனுபவித்துப் பெரு முயற்சியோடு தான் மேலேறி வரவேண்டும். இல்லறத்தில் வாழ்வோர்களுக்கு இம்முறை ஏற்றதல்ல.

எளிய முறை குண்டலினி
எளிய முறை குண்டலினி யோகத்தில் தேர்ந்த ஒரு வல்லவர் விரும்பினால் ஒருவருடைய குண்டலினி சக்தியை ஒரே நிமிடத்தில் புருவ மையத்திற்கு இடம் மாற்றி அமைத்து விடலாம்। காந்தத்தைக் கொண்டு இரும்பை இழுப்பது போல தனது தவ ஆற்றலைக் கொண்டு மற்றொருவர் குண்டலினியை எழுப்பி மாற்றி அமைத்து விடலாம். புருவ மையம் வந்த உடனே குண்டலினி இயக்கம் நன்றாக உணரப் பெறும். ஆக்கினை சக்கரம் என்று கூறுவது வழக்கு. அவ்விடத்திலேயே மனதைக் குண்டலினியில் பழக உயிருக்கும் மனதுக்கும் இடையே உள்ள தொடர்பு விளங்கும்.


மனம் வேறு உயிர் வேறு என்று தான் பொதுவாக மக்கள் கருதுகிறார்கள்। அப்படியல்ல. உயிரே தான் படர்கை நிலையில் மனமாக இருக்கிறது. உயிர் உடலில் இயங்கும் போது எக்காரணத்தாலும் உடலில் எந்தப் பகுதியிலேனும் அணு அடுக்கச் சீர் குலைந்து போனால் உயிருக்குத் துன்ப உணர்ச்சி ஏற்படுகிறது. அவ்வுணர்ச்சியிலிருந்து மீள ஒரு பொருளோ, செயலோ,பிறர் உதவியோ தேவைப்படுகின்றது. அப்போது தேவை என்ற மனநிலையாக உயிர் ஆற்றல் ஓங்கி நிற்கின்றது. பின் அதுவே முயற்சி,செயல், இன்ப துன்ப விளைவுகள், அனுபோகம், அனுபவம், தெளிவு,முடிவு என்ற நிலைகளாகப் படர்ந்து இயஙகுகின்றது. இந்த உண்மை யோகத்தின் முதல் படியாகிய ஆக்கினை தவப்பயிற்சியால் தெளிவாக விளங்கும்.

ஆக்கினைச் சக்கரம்
உயிர் புலன்கள் மூலம் விரிந்து படர்கை நிலையில் மனமாக இருக்கிறது। புலன் மயக்கத்தில் குறுகி நிற்பதால் உயிரின் பெருமையும் பேராற்றலும் மறந்து பிற பொருட் கவர்ச்சியில் சிக்குண்டு இயங்குகின்றது. உயிரின் இத்தகைய மயக்க நிலைதான் மாயை எனப்படும். உயிர் அடையும் மனோ நிலைகளில் தனக்கும் பிறர்க்கும் துன்பம் விளைவிக்கும் தீமைகள் அறுவகைக் குணங்களாகும்.

அவையே பேராசை, சினம், கடும்பற்று, முறையற்ற பால்வேட்பு, உயர்வு தாழ்வு மனப்பான்மை, வஞ்சம் என்பனவாகும்। அறுகுண வயபட்டு மக்கள் செயலாற்றும் போது ஏற்படும் தீய விளைவுகளே எல்லாத் துன்பங்களும் ஆகும். மயக்க நிலையிலிருந்து தெளிவு பெற உயிருக்கு விழிப்பு நிலைப் பயிற்சி அவசியம்.

ஆக்கினைச் சக்கர யோகத்தால் உயிருக்கு இத்தகைய விழிப்பு நிலைபேறு கிட்டுகின்றது। மேலும் புலன்களைக் கடந்து நிற்கும் வல்லமையும் இப்பயிற்சியினால் ஆன்மாவுக்கு நாளுக்கு நாள் கூடிக் கொண்டே இருக்கிறது. புலன்கள் மூலம் ஆன்மா செயலாற்றும் போது தனது ஆற்றலை அழுத்தம், ஒலி, ஒளி, சுவை மணம் இவையாக மாற்றி அதையே தனது இன்ப துன்ப உணர்ச்சிகளாக அனுபவிக்கின்றது.

தனது இயக்க விளைவுதான் இன்பமும் துன்பமும் எனும் உண்மையை உணராமல் மயங்கி நிற்கும் நிலையிலிருந்து தெளிவு பெற்றுத் தன் ஆற்றலைப் பொறுப்புணர்ந்து செலவிடும் பண்பு ஆன்மாவுக்கு இப்பயிற்சியினால் ஓங்கும்। தேவையுணர்ந்து தனது ஆற்றலைச் செலவிடவும் தேவையில்லாத போது செலவிலிருந்து தன்னை மீட்டு சேமிப்பு நிலையில் இருக்கவும் ஆன்மாவுக்குத் திறமை பெருகும். மெய்ஞானம் என்ற அருட்கோயிலுக்குள் புகும் வாயில் ஆக்கினைச் சக்கர யோகமேயாகும். ஆசானால் எழுப்பப் பெற்ற குண்டலினி சக்தியின் இயக்க விரைவு நாளுக்கு நாள் கூடிக் கொண்டேயிருக்கும். உடல்நலம், மனநலம் ஓங்கும். முகம் அழகு பெறும்.

சாந்தியோகம்
ஆக்கினைச் சக்கரமாகிய நெற்றிக் கண் யோகத்தினால் குண்டலினி இயக்கம் சில சமயம் உடல் தாங்கும் ஆற்றலுக்கு மேலாக ஓங்கும்। அப்போது தலை கனம் உண்டாகும். இந்தக் குறிப்பே சாந்தி யோகப் பயிற்சிக்கு ஏற்றதாகும். அப்போது ஆசானை ஆண்டி சாந்தி யோகப் பயிற்சியைத் தெரிந்து கொள்ள வேண்டும் வேறு முறைகள் மூலம் குண்டலினி ஏற்றம் பெற்றோர் சாந்தி யோக முறையறியாமல் பலர் குண்டலினி ஏற்றத்தைத் தாங்கும் சக்தியின்றி துன்புற்று வருந்துகிறார்கள். இத்தகையோர் உடனடியாகச் சாந்தி யோகம் தெரிந்துப் பயிலுதல் வேண்டும்.

துரிய நிலை
ஆன்மா தனது பழிச் செயல் பதிவுகளிலிருந்து தூய்மை பெற ஏற்றதோர் பயிற்சி துரியநிலை யோகமாகும்। உயிராற்றல் மிக நுண்ணிய இயக்க நிலைக்கு இந்தப் பயிற்சியின் மூலம் திரும்பும். பிரபஞ்ச காந்த சக்தியோடு தொடர்பு கொள்ளும் ஆற்றல் ஓங்கி உள்ளுணர்வு (Intution) ஒளிரும். துரியநிலை யோகமானது ஆசான் தனது தவ ஆற்றலைக் கண்கள் மூலம் மாணவனுக்குப் பாய்ச்சிக் குண்டலினி சக்திக்கு ஒரு உயர் ஆற்றல் அளிக்கும் செயலாகும். மூளையின் நுண் பகுதிகளையெல்லாம் தூண்டி இயங்க வைக்கும் ஆற்றல் துரியநிலை யோகத்திற்கு உண்டு. இதன் மேண்மையினை எழுதி விளக்குவது அரிது. அவரவர்கள் அனுபவத்தால் பயனடைந்து விளங்கிக் கொள்ளவேண்டியது.

தற்சோதனை
துரியநிலை யோகத்தால் ஆன்மா தூய்மையடைந்து வரும்போதே தற்சோதனைப் பயிற்சியினைத் தொடங்க வேண்டும்। எண்ணம், சொல்,செயல் இவற்றின் விளைவறிந்து செயலாற்றும் ஒழுக்கப் பயிற்சியிலிருந்து தான் யார்? என்று தெளிந்து கொள்ளும் முழுமைப் பேறு வரையில் இப்பயிற்சி விரிவடைந்து பயன் தருகின்றது. ஒழுக்கம், கடமை, ஈகை,உயிர் விளக்கம், மெய் பொருள் விளக்கம் அனைத்தும் தற்சோதனை பயிற்சியினால் பெறப்படும்.

துரியாதீதம்
தெய்வ நிலைக்கு உயிரை உயர்த்தி இரண்டு நிலைகளும் கலப்புறப் பயிலும் யோகமே துரியாதீதமாகும்। இதனைச் சமாதியென்றும், சீவப்பிரம்ம ஐக்கிய முக்தி என்றும் கூறப்படுகின்றது. மனிதனாகப் பிறந்தவன் அறிந்து முழுமைபெற வேண்டிய விளக்கம் அனைத்தும் அந்த யோகத்தால் சித்தியாகும்.

முறையாக இத்தகைய எளிய முறைக் குண்டலினி யோகத்தைப் பயின்றால் மனிதன் தனது அறிவில் முழுமை பெறலாம்। உணர்ச்சி வயப்படாமல் சம மன நிலையில் கடமையாற்றி மகிழ்ச்சியோடு வாழலாம். வாழப் பறந்தவர்கள், வாழ்வை விளங்கிக் கொண்டுதானே வாழவேண்டும்? ஆகவே மெய்ஞ்ஞானம் எனும் அறிவின் விளக்கப்பேறு மனிதனுக்கு இன்றியமையாதது. ஆணாக இருந்தாலும் பெண்ணாக இருந்தாலும் வயதுக்கு வந்த உடன் பயின்று பலன் பெற வேண்டிய உளப்பயிற்சியேகுண்டலினி யோகம்.

சமுதாயச் சீர்திருத்தம்
உலகில் பெரும்பாலான மக்கள் புலன் கவர்ச்சியில் மயங்கி, ஆன்ம நிலையை மறந்து அறுகுண வயமாகி வாழ்கின்றார்கள். துன்பங்கள் பெருகிக்கொண்டே இருக்கின்றன. மேலும் பால்கவர்ச்சி விரைவில்,மயக்கநிலையில் பெரும்பாலும் குழந்தைகள் உலகில் உற்பத்தியாகின்றன. அக்குழந்தைகளும் மயக்க நிலையில்தானே வாழ முடியும்? இந்த போக்கிலிருந்து உலகம் திருப்பம் பெற வேண்டுமெனில் திருமணத்திற்கு முன்னதாக ஆணும் பெண்ணும் குண்டலினி யோகம் கற்றுப்பயின்று முழுமை பெறவேண்டும். அப்போது தான் குடும்பத்தைத் திறமையோடு நடத்தும் ஆற்றல் வளருவதோடு அவர்கட்குப் பிறக்கும் குழந்தைகளும் அறிவின் விழிப்பு நிலைக்கு எளிதில் திரும்பிவிடும். இயற்கையான முறையில் கருத்தடைக்கும் குண்டலினியோகம் வழி செய்கிறது. உயிரியக்க மையத்தைக் குறிப்பிட்ட இடத்தில் மாற்றியமைத்துக் கொள்ளும் திறமை உண்டாகிவிட்டால் தேவையானபோது குழந்தைப் பேறு அடையவும்,வேண்டாத போது அதனை தவிர்க்கவும் நுட்பம், ஆற்றல் இரண்டும் குண்டலினியோகத்தால் கிட்டும்.
பொதுவாகச் சொன்னால் குண்டலிணி யோகம் தனிமனித முழுமைக்கும்,உலக சமுதாய நலணுக்கும் ஏற்றதோர் உளப்பயிற்சி முறையாகும்। உயிர் நலம் பேணும் எல்லா முறைகளும் இந்த யோகத்தில் அடங்கியுள்ளன. இவ்வரிய யோகப் பயிற்சி முறையை விரும்புவோர் தகுதியுடையோர் அனைவரும் கற்றுப் பயனடைய வேண்டும் என்ற நோக்கத்தோடு மக்களுக்கு உதவும் ஒரு அருள் நிலையமே உலக சமுதாய சேவா சங்கமாகும்.

இந்த சங்கத்தின் அருள் விளக்கப் பணி நிலையங்களே மனவளக்கலை மன்றங்கள்। இப்போது பல மன்றங்களில் இச்சங்கக் கிளைகள் அமைக்கப் பெற்றிருக்கின்றன. மற்ற மாநிலங்கட்கும் வெளிநாடுகட்கும் இம்முறையைப் பரப்பி நலமளிக்க நம்மாலியன்ற தொண்டினைப் புரிவோம். இத்தெய்வீகத் தொண்டின் பெருமையுணர்ந்த அறிஞர்கள் பலர் ஞானாசிரியர்களாகப் பயிற்சி ஏற்றுள்ளனர். மேலும் பலர் முன் வரவேண்டும். இவ்வுலகில் எல்லாப் பகுதிகளிலும் இந்த மனவளக்கலை முறை பரவ நாம் ஒன்றுகூடி செயலாற்றுவோம்.

நம்மை அளித்த உலகுக்கு நாம் செய்ய வேண்டிய கடமைகளில் இதுவும் ஒன்றாகக் கருதி உவகையோடு அருட்தொண்டு புரிவோம் வாரிர் என்று தவத்தில் தேர்ந்த அன்பர்கள் எல்லோரையும் அழைக்கின்றேன்। இதனால் உங்கள் குடும்பக் கடமைகள் சிறிதளவும் குறைவு படாமல் இருக்கவும் விழிப்போடு இருக்கவேண்டும்.

இதுவரையில் ஞானம் என்ற துறையில் சில தவறான கருத்துக்கள் உலவி வருகின்றன. அவை
1. ஞானம் என்பது எளிதில் மனிதனுக்குக் கிட்டாது.
2. இல்லறத்தார்களுக்கு ஞானம் ஏற்றதல்ல.
3. பெண்கள் ஞானத்திற்கு ஒவ்வாதவர்கள்.
4. ஞானம் பெற்றால் மனிதன் குடும்பத்தை மறந்து விடுவான்.
5. ஞானம் பொருளாதாரத் துறைக்கு எதிரான ஒன்று.
இவ்வகையான ஐவகைத் தவறான கருத்துக்களையும் திருத்தி இன்று எண்ணிறந்த மக்களுக்கு மெய்விளக்கம் அளித்திருக்கிறது நமது மனவளக்கலை மன்றங்கள்। இத்தகைய மன்றங்கள் வளர வழி செய்து நம் கடனாற்றுவோம்.

பரு உடலுக்கு இவ்வாறு காப்பு, தூய்மை, ஓய்வு எந்நாளும் உரிய காலங்களில் தேவையாக உள்ளன. இதேபோன்று நுண்ணுடலாகிய உயிருக்கும் காப்பு, தூய்மை, ஓய்வு எனும் மூன்றும் தேவைப்படுகின்றன.
இவற்றை விழிப்பாற்றல், தற்சோதனை, தவம் எனும் மூன்று சீரிய செயல்கள் மூலம் பெற வேண்டியுள்ளன
-- யோகிராஜ் வேதாத்திரி மகரிஷி

October 27, 2009

தன்னை அறிவதே தலையாய நல் அறிவு.



வாழ்க்கை என்பது என்ன?
ஏன் நாம் இந்த மண்ணுலகில் பிறந்தோம் வளர்ந்தோம் வாழ்ந்தோம்
என்ற கேள்வி எனக்குள் எழும்பிக் கொண்டுதான் இருக்கிறது.?
நான் புத்தன் இல்லை.
நான் சித்தனும் இல்லை.
ஏய்க்கும் எத்தனும் இல்லை.
ஆனால் சாதரான மான என்னைப் போன்ற
மனிதர்களின் கேள்வி இதுவாக தானே இருக்கிறது?
விடைக் காணா விடைகளை தேடிக் கொண்டிருக்கின்றேன்!
வாழ்க்கை என்னும் பள்ளியில்
எதோ ஒரு தேடல்.......
அந்த தேடலில் சிறுத் துளி தான்
இந்த வாழ்க்கை?

ஒவ்வொரு விநாடியும் செத்துப் பிழைத்துக் கொண்டிருக்கின்றோம்
காற்றை வெளியே விட்டும், உள்ளே இழுத்தும் நமது வாழ்வு தொடர்ந்துக் கொண்டிருக்கிறது.
ஒவ்வோர் இரவும் தூக்கதில் இருந்து காலை விழித்துக் கொள்கிறோம்.
இல்லாவிட்டால் அடுத்த பிறவியில் தான் எழுவோமா? என்ற உறுதி யார் தருவார்?

இரவு பகல்
இன்ப துன்பம்
உறக்கம் விழிப்பு
பிறப்பு இறப்பு
அனைத்தையும் இரண்டாக
வகுத்த இறைவன்
நமது வாழ்க்கையை மட்டும்
ஒரு தவனையில்
பயிலும்
வாழ்க்கை பள்ளிக்கூடமாக
ஆக்கிவிட்டான்.


பிறப்பு ஒன்று இருந்தால்
இறப்பும் ஒன்று இருக்க வேண்டும்
வாழ்வின் முடிவு சாவா?
இல்லை மரணமில்ல பெரும் வாழ்வா?
சங்கடமான வாழ்வா? இல்லை சாகசமான வாழ்வா?
வாழ்க்கையை கற்றுத் தரும் பள்ளி பாடமா இந்த வாழ்க்கை?

நாம் எதிர் நோக்கும் தொல்லைகள்
இறைவன் வகுத்த பாடக் குறிப்புக்களோ
இந்த அனுபவக் கல்வி?
யார் வகுத்த பாடத் திட்டம்?
உணர்ந்த அனுபவங்கள் தான்
வாழ்க்கை என்றால்
நாம் எதற்காக
வாழ்கின்றோம்?
வாழ்வு இதுவெனில்
யார் நமக்கு ஆசான்?
வாழ்வின் பகுப்பாய்வின்
வாழ்க்கை பாடங்களின் பயன் தான் என்ன?
எந்த அறிவையும் அனுபவத்தையும்
தேடுவது இந்த வாழ்க்கை?

எதற்காக இந்த வாழ்வு நமக்கு?
நாம் கற்ற அனுவப் பாடங்கள் யாருக்காக
மனதில் எழும் சிக்கல்கள்,
இன்பத் துன்பங்கள்
எதற்காக?
வாழ்க்கை பாடத் திட்டத்தில்
நாம் எந்த வகை பட்டதாரி?
வாழ்க்கை சோதனையில்
யார் நமக்கு வழிக்காட்டி?
உலகப் பேரேட்டில்
நம் பங்குதான் என்ன?
வாழ்க்கை பாடத்தை
கற்று தேர்ந்த நமக்கு
எந்த பதவி காத்திருக்கிறது?
சுகப் பதவியா? இல்லை சிவப்பதவியா?

பிறகு
இறப்பும் பிறப்பும்
ஏன்
மறைப்பொருளாய்
வைத்தான் இறைவன்?

ஏழ்ப் பிறப்பு என்றால்
எந்த பிறப்பு?
ஞாபகம் இல்லை?
தொடரும் வாழ்க்கை கல்வியோ?
இந்த பிறப்பும்- இறப்பும்?
இல்லை படித்த பாடம் போதும்
என்று கணப்பொழுது
அழைக்கும்
இறைவனின்
ஓலையோ
இந்த மரணம்?

அறிவை தேடுவதோ இவ் வாழ்க்கை?
எத்தகைய பகுத்தறிவு
எத்தகைய படிப்பு அறிவு
எத்தனை அனுபவம் அறிவு
இதுவெல்லாம் அறிவா?
இல்லை இல்லை என்கிறார்
ஒருவர்......

மெய்யறிவல்லாத பிற அறிவு, பேய் அறிவு.
தன்னை அறிவதே தலையாய
நல் அறிவு.....என்கிறார் திருமூலர்.



முன்னைப் பிறவியில் செய்த முதுதவம்
பின்னைப் பிறவியில் பெற்றால் அறியலாம்
தன்னை அறிவது அறிவாம் அஃதன்றிப்
பின்னை அறிவது பேய் அறிவாகும்மே
.
(திருமூலர் திருமந்திரம் இருநூறு 180)

நாம் நமது முன் பிறவில் செய்த தவம் எப்படிப்பட்டது? நல்லறம் செய்து - நல்ல தவம் செய்துள்ளோமா? இதை இந்த பிறவியில் எப்படி கண்டறிவது? ஒரு சுலபமான வழி சொல்லுகிறார் திருமூலர். இந்த பிறவியில் நாம் அடைந்துள்ள நலங்களை, பெற்றுள்ள பேறுகளை முன் பிறப்பில் நாம் செய்த நற்றவம் எப்படிப் பட்டது என்பதை எளிதில் புரிந்து கொள்ளாலாம். இந்த தவம் சிறக்க தன்னை அறிந்துணரும் மெய்யறிவை பெறவேண்டும். அப்படி இல்லாமல், அதாவது அந்த மெய்யறிவை அடைய நினையாமல் மற்ற அறிவு நலங்களை பெறுபது- அறிவது பேதமையெ ஆகும். மெய்யறிவல்லாத பிற அறிவு பேய் அறிவு என்கிறார் திருமூலர்..
வாருங்கள் நண்பர்களே.....வாழ்க்கை என்னும் மெய் அறிவுக் கூடத்தை தேடுவோம்!


வாழ்க்கை ஒருபள்ளிக்கூடம் அதுவே மெய் அறிவுக் கூடம்.